كيكة بنسكافي روعه

[الأمنيات]

اليوم جبت لكم هاد الكيكة بنيسكافي روعه ذوقها درتها لصاحب ولدي دا الباك تاعه
لعقوبه لولادكم
نتمنى تجربوها وصح رمضانكم يا بنات بلادي
نخليكم مع المقادير وطريقة التحضير

4بيض-2كؤوس شاي سكر-كاس شاي زيت-ملعق كبيرة نسكافي -كاس كبير حليب دفئ شوي-
ملعقة صغيرة لفاني-ساشي خمارة تاع القاطو-كاسين 2من الفرينة
نخلط ونديرهم في صينية تاع الكيكة ندخله للفرن مسخن مسبقا
نحضروا القطر الشاربات
كاس سكر +كاس ماء +ملعقة كبيره نسكافي نتركه يغلي حتى يخثار شوي
كي طيب الكيكة نسقيها بالشاربات
ونزينها كيما نحب انا درت شوكولا مع قلاصاج تاع ام رامي الخليط الابيض
https://www.djelfa.info/vb/showthread.php?t=917137
ممكن تزينيها بالكريم شنتيي
نخليكم مع الصور

انا خلطت الحليب دافئ شوي مع النسكافي احسن












نسقي بالشاربات الكيكة في الصينية بنصفها ونقلبها في صحن ونزيد نسقيها بالباقي تاع الشاربات






نتمنى لكم رمضان كريم لكم جميعا تصوموا بالصحة ولهنا