حالتي راهي حالة

[imenealg]

حالتي راهي حالة لما بقالي شهر لعرسي خطيبي تبدل علي
بقى يدبزني ويزعف علي بزآآف
ورايكم خوتاتي

[رحمة من المولى]

الله يهديه لازم تقراي حسابك ايلا عاد كل هدرة يديهالهم ،شوفي كفاش متهدريش معاهم ديما خليهم ميعرفوكش خير
ربي يرزقلك الهنا

[اريج06]

ربي يهنيك أختي وهو ربي يهديه ماشي مليح تكثري الهدرة معاهم والله يجيك غير وجع الراس وهو غالط كي يوصل الهدرة يزيد غير المشاكل المهم ساعفيه وربي يهينكم ويجمعكم

[نوسة النموسة]

ربي يهديكم يارب

اختي كبري عقلك وكبري قبلك وخليك رزينة وعاقلة

خليك من التصرف هذا تع تكوبي عليه كوني قوية وواثقة في نفسك والله وعرفي كيفاش تواجهي

وتبانلي نورمال اذا قالت يماه راه يهدر معاك بزاف

متخليش غلطة تمسح العشرة الي بنتكم

زيدي استخيري يا اختي

وربي يقدملك الخير

[مالكولم اكس]

طول الفترة مابين الخطوبة والعرس دائما مايسبب مشاكل بين الخطيبين .
تدخل الوالدة والاخت .وخاصة الاخت ممنوع في أمور مثل هذه .وقد يؤدي الى وقوع مشاكل بين الزوجين قد تؤدي الى فسخ الخطوبة . من الأحسن لكما عدم سرد كل مايدور بينكما للجميع .تحاوري معه بعقلانية دون تعصب وغلق الهاتف في وجهه وو لأن هذا سيزيد من تأزم الأمور
--------- أسأل الله أن يجمع بينكما في خير وأن يجنبكم المشاكل . سلام --------------------

[sarl02]

خلي عندك عزة نفس لانو راني انشوف بلي اهل زوجك راهم وصلوك بالكلام قبل ما تلحقي عندهم ..مالا كي اتولي عندهم كيفاش؟؟..ماشي عيب الخطا المهم يجب عليك استدراكه وتصحيحه وربي اوفقك.

[حمـادة]

المشاكل هادي ديما تصرى قبل الزواج و بالاخص لما الزوج يبدى يسمع للكلام الزايد تاع امو
المهم انا نقولك مالازمش تتصرفي تصرف تندمي عليه و لا يخليك تبيني العيب لي فيك
حتا نتي شاوري الاب نتاعك و قوليلو على هاد الكلام
و ربي يتبثكم انشاء الله و يهديكم للخير

[mca83]

اعتقد أن الحديث بين الخطيب وخطيبته شأن يخصهما وحدهما بعيد عن أهله واهلها " أقصد كيفية العيش وبناء وأهداف المستقبل "

[ميمي سمية]

نقولك حاجة ختي حتى انتي كان لازم ماتكثريش معاه الهدرة

ومن فوق هذا راهو خطيبك برك مازلتو حتى مازوجتوش وش داك تكثري الهدرة كان لازم تلزمي حدك وتكلميه غير في الحوايج الضرورية برك

خلي الامور تهدى شوي والغلطة ماهي منك ماهي منو انا نشوف بلي الغلطة من الوالدة تاعو لانها حابة تتدخل في حياتكم

والله اعلم .....

[مريم الصابرة]

السلام عليكم
والله حلال او حرام ما راناش نفتو نا نكره الردود نتاع حرام وما راهش زوجك شرعا ةما تهدريش معاه ما نكذبوش على رواحنا كامل المخطوبين يحكو هذي ماكانش منها اللي يقولي ما نحكيش
نردعو لموضوعنا اختي نشوفو مدلل ومقرب من اهلو بزاف لازمك الصبر حتى يتعود ما فيها والو وامو لما قاتلك هكذا معليش فوتيها راهي ام وتخمم في مصلحة إبنها وإنت لما وصلوك بالهدرة هذي عزي نفسك وما تحكيش معاه إلا كان هو عيط وماشي دايما تحكي عزي نفسك شويا اما هذي كل حاجة يعاودها ويحكيها هنا راه غالط لازم يدير ضخصية لنفسو لكن نظن هذا عادي تقربو من اهلو يخليه يحكي بالوقت ويوالف
الغلطة لما وبيت او كوبا معليناش الآن إنت ما تعيطي ما تحوسي تفهمي عزي نفسك لما حكس معاك تفاهمي معاه على عقليتو لأانو كان بقى كل حاجة يعاودها راه هنا مشكل شكرا وموفقة

[ام نسمة]

العام يبان من خريفو

[هدايات26]

انا مانقولكش كنت ما تهدريش لكن كل حاجة عندها حد الهاتف في وقتنا الحالي اصبح نقمة اكثر

منه نعمة لما ينجر عنه من مشاكل تصل الىحد الطلاق بين الزوجين والانفصال قبل الدخول

للخطيبين .والشئ الي يفوت حده ينقلب الى ضده وكثرة الكلام والسلام تقل المعرفة وتجيب

الدسارة كيمانقولو بالعامية والدسارة توصل للخسارة

[جمعي البشاري]

ماشي مليح تكثري الهدرة معاهم والله يجيك غير وجع الراس
وانت الغالطة بطبيعة الحال و الام تبقى ام
ربي يهديكم ويصلح بينكم

[AMINA.Z]

هادا يبان وليد ماما و بابا

راجعي حساباتك

[wissou2013]

الله يهيده ان شاء الله شوفي نقولك خليه بالاك صغوطات مو واخواتاتو والعرس خليه يريح ايام متحكيش معاه من بعد ادا كان يحبك او ميخليكش وصلي صلاة الاستخارة