هل صحيح ان طبيب الاسنان ........

sehamralin · 2013-09-14, 15:36

هل صحيح ان طبيب الاسنان يقدر ايدير لبرة للمرضى في اي بلاصة في جسم المريض ابار الفم

loujayne.r · 2013-09-14, 18:06

????????????????

styliste · 2013-09-15, 08:41

Hhhhhhhhh ql qst

أسيرة ذكرياتي · 2013-09-15, 09:34

مع انو سؤالك غريب نوعا ما لكن انا نقولك نعم

طبيب الاسنان يعرف يضرب لبرا ( بصح لي تعلمها كاين اكيد لي ميعرفش )ويعرف تاني يضربها الصيدلي والفرملي وقادر يتعلمها اي انسان

نعرف وحدة استاذة وتعرف تضرب لبرا وتضرب لنفسها و لفاميلتها وجيرانها وتاني كاين حتى لي خياطة نعرفها وتضرب لبرا

وانا تاني راني حابة نتعلمها لانها ضرورية ,,,

هذا هو المشكل تاعنا حنا العرب ابسط حاجة نديروها كبييييييييييييرة علابلك اختي فاوربا وفبلايص خلاف

هذ الادوية تاع العلاج الاولي مكانش دار لي ميعرفش يدير فيها رب الاسرة الامور هاذي يقيس لاطونسيو والسكر

ويضرب لبرا ويضمد الجرح و و و و بصح حنا ناقصين ثقافة الله غالب

أبو شنب · 2013-09-17, 10:32

عند انزاع ضرس المريض يضطر طبيب الأسنان لتخدير لثته و ذلك باستخدام إبرة, أي أنه يغرز تلك الإبرة في فم المرض و هذا أمر عادي
لكن عن بقية أنحاء الجسم فهذه ليست وظيفة طبيب الأسنان (هذا لا يعني أنه غير مؤهل لذلك) بل هي وظيفة الممرض بالدرجة الأولى و الطبيب بالدرجة الثانية

manel dima · 2013-09-17, 20:53

نورمال ، نحنا في قسنطينة طلبة طب الأسنان نروحوا للمستشفى الجامعي ونتعلموا هاذو الأمور ، لأن طبيب الأسنان بما أنوا يدير الإبرة في فم المريض يعني راح تكون بطريقة مقاربة في باقي أعضاء الجسم ، وتاني نفرضوا من بعد تكوني طبيبة أسنان و يجيك واحد في داركم ولى من العائلة يقولك ديريلي الإبرة : تقوليلوا مانعرفش ؟؟ أي تبهديلة لأنوا كاين اللي لا علاقة عندهم بالمجال الطبي ويعرفوا يديروها

sehamralin · 2013-09-19, 17:45

صح اختي منال كاين منها