كرهوني في الزواج

[جسور المحبة]

وش تقولو فلي يخطبها واحد مش من ولايتها مع انو عندو الدار وخدام ولاباس بيه ويحبو بعض غير على جال براني واهلها رفضوه بالرغم لي عيات تقنع وتتوسط ليهم وهوما رافضين ومش حابين يعطوه حتى فرصة باش يعرفوه مع انو مصمم ولاو يخرجو في اسباب الرفض مثل انها تبعد عليهم بمئات الكيلومترات وتبعد على اهلها وشكون اللي يهتم بيها اذا مرضت ويساعدها في تربية اولادها؟ شكون اللي يوقف بجنبها ادا تهانت من زوجها ولا من اهلو؟ وادا ما صراش هدا الشيء راح تنسى اهلها بمرور الزمن واذا كانت مناسبة تلقى روحها وحدها راح تقولولي يجيبها لدارهم بصح وقتاش؟ مرة كل شهرين ولا ثلاثة وشحال تقعد؟ على الاكثر اسبوع ولا 10 ايام واذا كانو ولادها يقراو؟.....وقبل كل شىء كيفاش تجيب معلومات صيحة عليه قبل الزواج لانو الخطاب رطاب ................................. اليس هذا ظلم؟ ام انه يجب عليها ان تقبل الوضع وتسكت ..ارجو الرد من فضلكم

[عماد المحب]

السلام عليكم ورحمة الله وبركاته
اختي اسمحيلي نقول كلمات بالاك يفيدونا اوكل
الشرط الواقعي دورك هو الهنا ويكون الراجل راجل ما يهين المراة ما يحتقرها
البعد كان مثال يقول زر غبا تزدد حبا واخر يرحم من زار وخفف المراة عندماتتزوج تفتح حياة جديدة هدا لايعني قطيعة الرحم بل العكس هدا وين تزيد مكانتها وقدرها (امراة رجل)
الاولاد والدراسة لامفر من هدا بل هو حافز وفخر للوالدين بحسن تربيتهم
اما الي يكره الزواج نقولولو رانا حابين نتزوجو زكارة فيك ..................................ههههههههههههه
امزح فقط

[simou19]

يا اختي انا ندعيلك ربي يجيبلك لي فيه الخير ان شاء الله

[،،ايمان،،]

اختيالعزيزة هاد الهدرة انا تانيكسمعتها كاااااامل و هكدا و زيرت روحي و تزوجت راجلي في مدينة بعيدة بزاف على مدينتي

الزواج مكتوب و زوجي الله يعمرها دار بصح و الله ندمانة كيما قاتلي ماما لقيت

مرضت و ملقيتش والديا حدايا و ولدت و الحمد لله لقيت اهل زوجي لوكان ملقيتهمش كيفاش يصرالي

ابسط الاشياء كي تضايقي و لا تتهاوشي مع زوجك معندك وين تروحي تنحي الضيقة في بلاده لازم تحرجي معاه

زيد ما عندي صحابات منقدر نخرج وحدي و درك راني نمشي لدارنا و نطول لانه ولدي صغير نهار يرجع يقرى منقدرش نمشي غي مرة و لا مرتين في العام

و زيد جاو مناسبات بزاف في دارنا مقدرتش نحضرلهم لا زواج و لا موت و لا مرض و لا حتى حاجة خاطر السفر تاعك لازم يكون بروغرامي

حتى كي نطيب حاجة نسخف نقول كون جاو دارنا حدايا كون بعثتلهم و الكلام طويييييل

بصح هكدا و نقولو الحمد لله بو المكتوب قبل كلشي و بالاك كون جيت متزوجة حدا دارنا لوكان راني في المشاكل الحمد لله على كل حال

[سامو حنان]

هذو كلهم أسئلة صاح يطرحوها مهههههههه ،،،، اختي عزيزتي انتي اعلاش اعليك الحزن هذا و الغضب اذا كان من مكتوبك تديه و اذا كان لالا صدقيني تقعدي حياتك كامل تتوسطي مايقبلوش ،،، انتي استخيري ربي و اللي فيها الخير ربي يجيبها ،،،،

[سماح الجيجلية]

يا أختي كل واحد يدي مكتوبو صح بعيدة صعيبة لكن قادرة تديه جاركم وتتبدل الدنيا ويسافر أنا أختي داتو من نفس الولاية وهي الأن في بلد أخر ماش حتى ولاية أنا تبالي الولايات درك قربو كاين وسائل النقل المهم ربي يفرج لكن تعيشي اياك وعقوق الوالدين

[اِشراقـة أمل]

الله يهنّيك حيث يكون خيرا لكِ

[AMINA.Z]

ابقاي حاولي

و ربي يجيب اللي فيه الخير

[orkidah25]

كل شي مكاتيب.هي صح البعد صعيب لكن احيانا تتزوج البنت قدام والديها و ماتشوفهمش اذا طاحت في راجل صعيب و احيانا راجل براني و في كل مناسبة يجيبها. نتي و قسمك و القسم بيد ربي. ما تقوليش كرهوني في الزواج لانها سنة الحياة و الطفلة تطول ولا تقصر دارها خير ليها ادعي ربي يجيبلك وليد الحلال. و تذكري دائما ان امر المؤمن كله خير.اي حاجة يكتبهالك ربي فيها خير و هو اعلم بها.

[عذراء الجبل18]

kayn bnat zawejou bjiranhomm w maykhaliwhmch rjalthom ychoufou malihm w kayen l3akes lmouhm rajel ykoun weld familla w nas mlah
diri istikhara okheti

[جزائرية و افتخر آسية]

استخيري بالله ولن تندمي
بوركت

[ندى خليل]

انا ما نحبش نتزوج بعيد على مدينتي نحب دايما نكون بحذا أهلي

[أم عبيدة]

صلي صلاة الاستخاره ولي فيه الخير يجيبو ربي والزواج مكتوب ربي ولمكتوب في الجبين ما يمحوه اليدين

[" أبو عبود"]

انا ساكون أشد عليك من والديك. اتقي الله يا هذه والديك ادرى منك بالحياة وإذا قالوا لك " لاط لا تناقشيهم واعتبري مرضاتهم من مرضاة الرحمان. البعد كاثرة يا بنت الناس. انا شخصيا لن اتزوج من بعيد ولو بقيت عازبا ما حييت. حرام بنت تحرم من حضور افراح واقراح واليدها واخواتها وبنات عمها واهلها. ولا تقولي لي المواصلا موجودة. فوقي يا بنت الناس ولا تحلمي وما يهمكش عنده دراو وخدام وعنده سيارة وال حتى طيارة. ونسقصيك سؤال: مدام عنده كل هذا الشيء ويستهال الزوجا لواش خلاوه بنات بلاده؟ ولايته ما فيهاش الزين؟ ما فيهاش الاخلاق؟ خافي ربي في روحك وفي والديك وما تحرميهمش من رؤيتك. هم اصلا رافشين حبا فيك باش تبقاي قريبة منهم. القضية هنا ليست قضية خلاق ولا قضية عمل. قضية ان والديك رافضين وهذا من حقهم وانت لازم تطيعيهم وليس العكس. تصوري يقبلوا به ويتزوجك ثم يرميك، اين تذهبين؟ تعودين إليهم؟ باي وجه تقابلنيهم؟ اعجب من بنت تبدل واليدها برجل ومن بعد هو يبدلها بوحدة اصغر منها واجمل منها. فوقي افطني يا بنت الناس. الحب تاع المسلسلات والهاتف راه مجرد اضحوكة.

[عماني نور]

يااا أختي هوما ما قالو هاذ الهدرة حتى شااافو و اختبرو و عرفو ملييييييييح واش معنتها العروسة بعيدة بزااف على دارهم ،،

بالنسبة ليا عندهم الحق ،، malgré تحبو بعضاكم ،، بصح الزواج مايتبناش برك على الحب ،، و كاااين بزااف حاجات رايحين يبانو ممبعد ،، و مواقف تحتاجي فيهم والديك قبل كاااااااااامل الناس

يااا اختي ،، مكتوب حد ما يديه حد ،، و اذا ربي كاتبهولك واحد ماينحيهولك ،، مي خوذي بنصيحة والديك ،، لأنهم أكييد مارايحين يحبولك غير الخير