السيدة أم رامي .عااااااااجل رجاءا

ليال 22 · 2013-09-12, 22:05

السلام عليك السيدة ام رامي نتمنى تجاوبي على سؤالي حاولت نجرب قلب اللوز وما نجحتش فيه خرجلي يابس ومحروق من فوق ومن الداخل ما طابش وين الخلل هل لاني عملت الدقيق متوسط علما اني لما خليتو يبات في الصباح لقيتو كتلة واحدة ما حبش ينحل .

القبطية · 2013-09-12, 22:38

ارميه وخليفتك على ربي انا نظن انهو المشكلة في كونك شمختيه بزاف وكي هو من النوع المتوسط ملازملوش يتشمخ بزاف علابيها ماطابلكش من داخل والله اعلم ان شاء الله ام رامي تجاوبك

القبطية · 2013-09-12, 22:43

هدو مقادير دارتهم عضوة مشفيتش على اسمها ولكن راهم جربها العضوات وراه خرجلهم

جربي وشوفي زهرك

جبتلكوم اليوم طريقة سهلة و مضمونة لتحضير قلب اللوز بالبن
المقادير:
5كيلات سميد خشين
2كيلات سكر
كيلة زبدة ذائبة
كيلة لبن نقصدو بيه البن الحامض ماشي ياوورت وماشي حليب
قرصة ملح
فانيليا

طريقة التحضير:
إمزجي السميد و السكر و الملح و الفانيليا و اضيفي الزبدة الذائبة و اللبن و ستتحصلين على عجينة سائلة،ضعيها في قالب مدهون

الشاربات :
1ل ماء
500غ سكر
ملاحظة:
إذا ستعملتي كيلة صغيرة ديري نصف كمية الشاربات

جربووها و رادولي الخبر

امازيغية وفتخر · 2013-09-13, 00:38

ان شاء الله نحطلكم قلب اللوز تعلمتو من شيخ كبير كان ايبيع فيه في بليدة مستحيل ما ينجحش معاكم حتى ولو مبتدئات انتظروني