لن أخطب، حتى أجد جوابا كافيا ,, أريد رأيكم

info.info · 2013-09-07, 22:54

السلام عليكم
في هذا الشهر ان شاء الله ، سأتقدم لخطبة فتاة ،
ولكن ما يحيرني ، ماذا سأخذ معي ـ
يعني المعروفة كثيرا هي علبة حلوة وباقة ورد،،،
ولكن البنت من وسط البلاد ،،
رجاء كيف عادتهم ناس الوسط ،، ماذا يأخذ معه الخطيب ،
وماذا تقدم كهدية للخطيبة ،
رأيكم يهمني ،،،، أعطوني جواب يفرحني رجاء ,,,
ربي يفرحكم ,,,

المنديل الابيض · 2013-09-07, 23:50

ما عنديش فكرة
حنا ندو لا تارت و الديسار
كل منطقة و عاداتها لكن حبيت نباركلك و ربي يتمم بالخير
الف مبروك

ABDOU ELE · 2013-09-08, 00:03

اخي مبروك الزواج مسبقا
ربي يجمع بيناتكم في الخير

غريبة الوطن · 2013-09-08, 00:24

انا ناخدو باطة حلوى و نوار و هدية قد تكون هاتف نقال او خاتم الله يكملك بخير اخي و تكبرو مع بعض حتى تصيروا

ساحرة عيون · 2013-09-08, 10:08

الف مبروك ربي تتم بالخير وبركة ان من وسط عادتنا عند الخطبة يجيب لاتارت اذا كان اول مرة راح تشوف طفلة تمدلها دراهم واكثر منا يمدو1000د هذا اذا كونت قابل يعني عجباتك طفلة كي شفتها....وذا كان شفتها من قبل تجيب معاك لاتارت وحلوى شكولاطة و مكسرات ...وخاتم وربي يهنيك ان شاء الله نكون فدتك

أم عامر · 2013-09-08, 10:39

ما قصدك أخي هل راح تطلب يد الفتاة من أهلها وثم تنتظر ردهم فهنا مجرد تورتة معتبرة تكفي و تحطلها مبلغ مالي اذا كنت قابل بها حتى يعرفوا رايك

أما اذا كانت مراسيم خطبة فطبعا باقة ورد و تورتة خاصة من طبقة أو أكثر يتم طلبها من محل الحلويات مسبقا و بعض الحلويات صنع منزلي و هدية لخطيبتك حسب امكانياتك خاتم أو ساعة أو لباس أنيق مع حذاء

و هناك مرحلة بين طلب يد الفتاة و الخطبة و هي قطيع الشرط و هو الاتفاق عى المهر هنا تأخذ قطعة حلوى و هدية للخطيبة حسب امكانياتك

هذا من عادات وسط البلاد

ربي يتمملك بخير

جويرية الإيمان · 2013-09-08, 11:04

شوف يا أخي

إذا كانت هذه خطبة نتاع نساء و كنت أنت موافق عليها

خذ معاك une tarte و قارروات عصير كفاية جدا

و انت لما تشوف الخطيبة اعطيها نقود الشي لي تقدر عليه

و إذا كان من عادتكم درو خاتم الخطوبة جيبلها واحد و إذا مش من عادتكم ما تديش .

و ربي يهنيك إن شاء الله و يصلح لك خطيبتك .

sali-sali · 2013-09-08, 11:37

السلام عليكم

بعد هاته الردود خلاص قررت تخطب و لا مزال ههههههههههه

يا اخي باينة تاخذ une tarte ادا كانت المرة الاولى لي راح تخطب فيها
ولما تشوفها و تبدي القبول مدلها مبلغ من المال نقول 1000 ولا 2000
ادا عجباتك بزاف كتر

وبعد القبول و الموافقة من الطرفين
تعاودو تولوا ليهم تاخذو معاكم مصروف و هدية منك ليها و تفاهمو على الشروط
ولما تكمل هدي الخطوات ارجع كتبلنا موضوع نزيدوا نشرحولك

ربي يكملك ان شاء الله

baalache · 2013-09-08, 16:01

انا نقولك ما تدي والوا روح بلاطاي

info.info · 2013-09-08, 20:17

السلام عليكم،
والله أفرحتني هاته الأجوبة،
بارك الله فيكم اخوتي وأخواتي ,,,
والله هناك اجابات تعطيك الأمل والفرحة، وتجد نفسك تبتسم وفرحان،
ربي يحفظكم على تفاعلكم معي، وشرف لي أن أخبركم وأخذ برأيكم،
شكرا مرة أخرى ، والله يجازيكم كل خير على طيبة قلوبكم ,,,
دمتم في رعاية الله وحفظه،

ABDOU ELE · 2013-09-08, 20:36

اقتباس:

المشاركة الأصلية كتبت بواسطة baalache

انا نقولك ما تدي والوا روح بلاطاي

فكرة مــلــــــــــــيــــــــــــــــــــــــحــــــــ ـة بزااااااااااااااااااااااااااف خونا

moonlight19 · 2013-09-08, 20:36

ربي يجعلها من مكتوبك
حنا في البرج يديو تارت صغيرة و فاكية ماشي بزاف عادي برك
و كي تدخل تشوف الطفلة تمدلها دراهم واش حبيت 1000 ولا 2000 تكفي
ربي يسهلك امرك ان شاء الله