الجزء الثاني من تطبيقاتي .... يالله يالله

عماني نور · 2014-10-25, 13:47

كل عام و انتوما بخير و الأمة الإسلامية و العربية بخييير و صحة و سلامة يااااربي

ربي يجعلها سنة خير و بركة علينا و عليكم ان شاء الله ....

كنتو شفتو تطبيقاتي في الجزء الأول تطبيقاتي لأول مرة ... نحبكم كامل تدخلو و تقيمو ياالله ياالله و عجبتني تعليقاتكم و تشجيعاتكم .... و هذا الي خلاني نتشجع و تحط الجزء الثاني .....

نتمنى ينال إعجابكم ..... و أيضا نتمنى نشوف تقييماتكم ( حطو نقطة على 10 ) و قولولي على أي حاجة ماعجبتكمش أو شفتوها ناقصة لأنو هذا الي يهمني

نبداو على بركة الله ..... و هاذ المرة عدلت الصور باش ماتلقاوش مشكلة في التصفح ان شاء الله

يالله بسم الله ....

نبداو بالشوكولا ^^ .... هاذي الوصفة تع أم أماني " حبيبة قلبي " ربي يحفظها و يعطيها على قد نيتها و مجهودها ياااااربي ..... " صابلي بالبيمو " على ما اعتقد اسمها الوصفة .... الكريمة الي فالوسط انا غيرت فيها شوية .... درت كريمة الزبدة بذوق النيسكافي و جات رووووووووووعة روووووعة روووووعة .... ماكاش الي ماعجبوش هاذ القاطو " الحمد لله "

التزيين أنتِ ة ذوقك ^^ ~

نبقاو مع أم أماني ووصفة الجلجلانية بالنسلي .... الي ماجربتهاش غير تجربها على ضمااانتي

" روووووووعة " الله يبارك
انا شخصيا مانحبش الجلجلان .... و الجلجلانيات كنت درتهم ديجا و ماعجبونيش .... و حتى فهاذ المرة درت هاذ القاطو تكملة عدد

يعني شفت بلي ماكاش بزاف أنواع زدت درتو ... بصح النتيجة كانت روووووعة الحمد لله ..... و عجبهم بزاااااااف و المهم انو عجبني انا

ظوكا نروحو لأم كوثر ... و الي أول مرة نجربلها حاجة و خرجت روووووووعة تاني الله يبارك ..... عجبني بزااااااف طعمها مع أني عمري ماحبيتها " الغريبية " ..... يعطيك الصحة " و ننصحكم تجربو الوصفة و تتقيدو بالنصائح و النتيجة

"

الصابلي .... هاذ المرة اعتمدت الوصفة تاعي ^^ (( 3 صفار بيض ... 250 غ مارغرين فلوغيال ... 100غ سكر ناعم .. لافاني ... نصف كيس خمارة .. و فرينة ))

و المعجون الي لصقت بيه زدتلو ملون أحمر و عطر الفراولة

..... و الأشكال اختلفت ..... كاين الي زبتنو بورود بسيطة ... و كاين الي غطست وجهو في لوز مدشش ... و كاين اشكال أخرى بصح ماقدمتهاش لأنو ما ارضانيش الشكل

ظوكا نلحقو لأكثر تطبيق فرححححت فررررحت فررررحت كي نجح الحمد لله يااااااااااااربي

" السلطانيات " تع أم أماني ..... كنت خااايفة منهم لدرجة ماتتصوروهاش

... و الحمد لله ... مع بعض النصائح خرج القاطو كيما حبيت و اكثر

يعطيها الصحة أم أماني على الوصفة و يعطيها الصحة اخت نسيت اسمها بصح مانيستش فضلها هي الي عطاتلي نصائح قيمة باش نجحت

نختمووها ب حلا المرايا ... الي هبلو عليه

و كلاو و زادو

.... حطيناه مع العصير (( انا غيرت فالطبقة الفوقانية درتها ذوق فراولة ... لأانو المناسبة كان فيها كعكة شوكولاطة و ماحبيتش نكثر الشوكولا ... ))

ظوكا نوريلكم شوية من وصفاتي ..... و قولولي رايكم ^^

مقروط سوريا >>> وصفة أكثر من مذهلة و مانستغناش عليها

مخبز الفلان >>> وصفة اقتصادية جدا و لذيذة جدا جدا جدا

و هاذي العلبة الي رديناها للضياف .....

كملنا

.....

نستنى تقييماتكم ..... ملاحظاتكم ... تشجيعاتكم " و نقاطكم ماتنساوش

"

حبكم كااااااااااااااااااااااااااااااااااااااااااااااااا ااااااااامل <3 كونوا بخير ~

Nour