تبسة لا حياة لمن تنادي

[ridere]

اولا مبروك للفريق الوطني على الفوز امام مالي 1-0 و ان شاء الله يتاهلو للمونديال و يفرحونا هادي معنويا

ثانيا ماديا تبسة لا جديد يذكر ذهبت للمديرية وقالو و الله ما نعرفو مازالو النتائج عند الوظيف العمومي يريقلو في الاحتياط راهم دايرين حسابهم على خاطر راح يزيدوهم مناصب في الابتدائي خاصة بعد خروج كم هائل من المتقاعدين فهمتو الفكرة لازم قائمة الاحتياط تكون مريقلة على ذوقهم على خاطر في اماكن المتقاعدين راح يهزو الاحتياطين و الله اعلم و اما النتيجة بالاك غدو و اقصى

حد الخميس على حساب كلامهم هوما.



و حكاية الاتصالات بالهاتف كاينة منها بصح ما عيطوش للناس كامل على حسب كلام السيد مول المكتبة لقريبة للاكاديمية كاينة منها بصح انا نظن راهم يعيطو لمعارفهم هذا ما كان لانو صح كاين اللي عيطولهم و ثاني توقعو كلش من مديرية

تبسة اكيد ماشي راح تكون ه خير من باتنة للي عيطتت للفائزين في الهاتف و الا سطيف و تيسمسيلت اللي دارو كود باه واحد ما يعرف بلي تلاعبو بالنتائج ولا لا .




اما بخصوص واش قال العضو الجديد issoffi راو صاحبو في تبسة عرف نتيجتو بالمعريفة هذا الخبر كي سقسيت عليه لقيتو خبر قريب من الصحة على حساب تاكيد بعض الاصدقاء و الله اعلم

المهم بلادن من بكري بلاد فلان و علان و اللي عندهم معارف ما يدخلوش للمنتدى و يحرقو عصابهم نتائجهم تجيهم في ميساج في البورطابل و ربي يهدي الشعب اللي حلو العين للادارات و المسؤولين.....وو حتى ولو

يميزو بينا


اذن ما تقلقوش يا ولاد و بنات بلادي ما بقاش ياسر غدو يذوب الثلج و يبان المرج و ربي يفرج علينا كامل و ان شاء الله ما تكونش تجاوزات علا خاطر و اله كرهنا من الحقرة و بن عميس في هاذ البلاد.