فحلات المنتدى

هياتم · 2013-09-04, 00:28

فحلات المنتدى من فضلكن عندي هذا النوع من لقماش حبيت خياطة مليحة ليه شكون اللي تعطيني فصالة مليحو ليه احترت معاه معرفتش واش وكيفاه نخيطه شكون الشطورة اللي تساعد في رأيها مشكورات مسبقا

~ السلطانة ~ · 2013-09-04, 00:31

أنا سيداتي سيداتي سيداتي راني رفعت صبعي تولهي معايا ...
هذا خليهلي أنا غدوة نتفاهم معاك فيه هههههههههه .. درك عيانة ميتة .. تصبحي بخير

هياتم · 2013-09-04, 00:34

وانت بالف صحة وخير نوووووووم الهنا عزيزتي مرسي على المرور الحلو يا حلووووووووة

هياتم · 2013-09-04, 21:16

وين راهم فحلات المنتدى راني ننتظر في مساعدتكن ربي يحفظكم وديما منووووووورين

sarra5 · 2013-09-04, 22:19

rahi rayha t3awnek siham

~ السلطانة ~ · 2013-09-04, 22:23

مساء الخير راني هنااااااااااااااااااااا

هياتم · 2013-09-05, 00:01

مرسي سارة اهلا سهوووومة واش راكي انا عجبني هذا الكتان ومعرفتش فصالة مليحة ليه واش رايك تقترحي عليا انواع لفصالة ليه ولا كاش فكرة ليه يا حلوة ومرسي على الرد والاهتمام ربي يحفظك يارب

~ السلطانة ~ · 2013-09-05, 00:08

في بالي اذا مارانيش غالطة هو قماش خفيف و ترونسبارو و فيه كلي عدس و من نوع كراب صح ؟

stayfiya · 2013-09-05, 00:11

شوفي نتي واشراكي ساخفة ديريه و هي تقولك لكان يصلح و لا لالا و تمدلك الباترون فرد مرة

هياتم · 2013-09-05, 00:15

مرسي السطايفية لا سهومة مش شفاف الكتان عادي هو شكله يلمع الكل كتانه احرش شوية من برا حبيت خياطة شغل قفطان خفيف ولا روبة ستيل مليح مفهمتش فيه لانه كامل يلمع قالون ولا دونتال ما يخرج فيه حرت مع ان شاء الله انت تعاونيني فيه مرسي يا حلوة

mermer · 2013-09-05, 00:20

choufi ya hanouna lakan takdri tsawrih bien ya3ni
wnb3tlek model hayel

~ السلطانة ~ · 2013-09-05, 00:25

نقولك يخرج مش قفطان بالمعنى الصحيح ... اذا تحبي شغل قفطان برك مع بونتاكور يجي ساتان اسفل هذا القماش بلون بني أو أخضر تاع الوردة للي فيه
و من فوق تعملي هذا القماش مكوبي سيركيلار من الأمام و من فوق تخرجي الساتان في الصدر و كول بلوم معاكس للسروال و تعمليلو تمديد من الخلف و الذرعين من الساتان و يجي هذا القماش خارج من داخل الذراع واش رايك ؟

هياتم · 2013-09-05, 00:26

حاضر يا امورة قصدك تشوفيه الكل القماش حاولت نصوره اوضح جا بعيد قلت بلاك هكذا يبان معليش نحاول مرة اخرى مرسي حنونتي

~ السلطانة ~ · 2013-09-05, 00:26

يا الله هاتو الصور ...

هياتم · 2013-09-05, 00:29

نحترم رايك سهومة ويعطيك الصحة على التوضيح نفضل لو تلاقي فكرة للخياطة ليه لكن ما تكونش سروال ما نحبش نلبس سراول ويعطيك الصحة على التواصل عزيزتي ننتظر افادتك يا نوارة المنتدى