istifsa 3awnouni rebi ykhalikom

zouzou2010 · 2013-09-03, 16:03

salam ana 3ndi sourci hata 31/10/2013 w sna kemel 9raya master w hab ncharek concours esq lokan nroh dok y9ablo ya3touni sourci hata 31/12/2013..........y3ni mzel ma match sourci l9dim

et merci

papatika · 2013-09-03, 16:30

السلام عليك يا أخي نتا لحلا نتاعك ساهلة يعني أنه لو حتى يموتلك السورسي راه تلحقك أورد أبل حتى مارس 2014
و ديبلوم master تنجم تزيد دير بيه سورسي وحداخر من مارس حتى لسبتمبر 2014 أي لوردابيل تلحقك حتى لمارس 2015
ويمكنلك كدلك دير سورسي إدا كملت قرايتك ما بعد الماستر
زيد منا ل2015 هدرة وحدخرا في الخدمة الوطنية يمكن تولي إحترافية أي يقلعوها ويمكن يخفضو في المدة
ماتخافش نشالله خير متنسانيش بدعاء

zouzou2010 · 2013-09-03, 16:40

rebi yhfdek akhi w yferhak w ana bikol saraha habit nder concour te3 alhimaia almadania w ma9blolich al sourci 9alouli lazem 31/12/2013 w mn3ref ida y9blo dok yzedouli hta l decembre wla lala

papatika · 2013-09-03, 16:54

يا أخي هادي ماشي مشكل نتاع مركز الخدمة الوطنية هادي مشكل نتاع الحماية المدنية و أنا في بالي راهم يبلعطو فيك لأنه مادام عندك سورسي صالح لغاية 31/10/2013 في هاد الحالة يمكنلك تجتاز المسابقة بسيف عليهم شوف عرف على كل حال
وصحيح أنه الحماية المدنية حتى ولو أصبحت فرد حماية تقعد ملزم بالخدمة الوطنية لان مديرية الحماية المدنية معندهاش صلة مع وزارة الدفاع الوطني ماشي كيما الشرطة لأنه الشرطي إلا قبلوه مايفوتش الخدمة العسكرية على عكس الحماية المدنية و واش نقولك اخي هدا شهر المسابقات في كل المديريات الشرطة الحماية الجمارك دفع ونشالله يشدوك في كنش وحدا

zouzou2010 · 2013-09-03, 16:56

rebi ykhalliiik w y3tik al saha 3ala alnassa2ih rebi ywef9ek............3endek alha9 akhi lazem kach 3orf

papatika · 2013-09-03, 17:04

ياأخي هادي مشي مشكلة الخدمة الوطنية هادي مشكلة الحماية المدنية أي انك وضعيتك قانونية إتجاه الخدمة الوطنية يشدو عليك الدوسي بسيف عليهم غير إدا بغاو يبلعطوك هادي حاجا وحدخرا لأنه تاريخ إنتهاء دفع الملفات مازال مافات تاريخ إنتهاء السورسي نتاعك
وفي العموم الحماية المدنية ليست لديها صلة مع وزارة الدفاع الوطني أي انك لوكان حتى تولي فرد في الحماية تقعد المشكلة نتاع الخدمة الوطنية لاحقاتك أي تفوتهاعلى عكس أفراد الشرطة مايفوتوش الخدمة الوطنية
واش نقولك اخي هدا شهر المسابقات نتا دفع في كل بلاص الشرطة الدرك الجمارك الحماية
ونشالله خير

papatika · 2013-09-03, 17:06

ولله نتمنالك النجاح من كل قلبي ليك ولجميع الشباب الجزائري الزوالي لأه هاد المحنة مزالني نعاني منها وبزاف شباب ربي يفرج عليك وعلينا