فطوري لليوم الأول و الثاني من هذ ا رمضان

[عايدة عربية]

اليوم الي صحلي الوقت باش نحط الصور نتاع الفطور الأول ما صورتش الأطباق بالتفصيل لأنه ما كانش عندي الوقت ،المدير م خلناش نخرجو عل البكري. لحقت سواسوة مع الفطرو و الحمد الله.
اليوم الول حضرت الشربة و الكبدة و البوراك و بطاطا مقلية (دائما لازم تكون) و السلاطة و الدجاج في الفرن بلا ماننساو التمر و اللبن.


و لكن في اليوم الثاني الحمد الله راني قدرت نصور شوية.
المائدة بالكامل.

هذا الطجين الحلو بلا اللحم لأن الأولاد يحبوه هكدا


اليوم ما درتش البوراك و لكن في مكانو عملت لصوشو بالجبن و الطونة لذيذ و هايل حبة ما بقاتش.

طاجين البذنجان باللحم البقري بنين بزاف.

راني ننتظر في الردود نتاعكم و صح فطوركم و ربي في عون الجميع.