أنزعــج من المستقبل المهني!

samirsisou90 · 2013-09-04, 09:51

سلام
بصراحة اني حاب نطرح اليوم موضوع حول المستقبل المهني ..
اذ نجد اليوم هداك اللي قرا فالجامعة وحالتو حالة ..ماستر وماجيستار ..الخ .يخرج في عمرو مثلا 28 واللا 29 سنة ..لاخدمة لاوالو الا القليل صحاب المعارف ...(يخرج من الجامعة يغيط)....
وبالمقابل هداك اللي حبس قرايتو فالسنة التاسعة والا اقل .بدا يخدم فالتجارة ...والفترة العشرينية عاشها مليح ..مش غير فلقرايا ..مايجي يوصل 28 تلقاه شرا دار وشرا طوموبيل ...وفكر فيها طفلة ورايح تيزوجها...
صح رايحين تقولولي لايستوي الذين يعلمون والذين لايعلمون بصح ...الوقت انتاعنا دكا صعيب بزاااف ....
مارأيكم فالموضوع...
اريد اجابات منطقية...

الجزائرية 2010 · 2013-09-04, 10:07

والله كاينة صح
يقولك تقرا وتكمل قرايتك
وتخدم عند واحد جامي قرا
وش نقولك
ادي هي الدنيا
وهادي هي بلادنا
عمرها ماتتريقل

iman14 · 2013-09-04, 10:23

ih sa7 mais il faut na9raw 3la jal niveau bark w kayen li ya9raw rir lisence w yehabesou maykemelouche master w doctora w kima golte se7abe 3erfe ehh oui rir sehabe l ketaf li ye3ichou f DZ mais wach thebe nedirou beladena dayera hakda lmohime lewahed yetetha9ef w sayé

فريال العلمية · 2013-09-04, 12:39

يا اخي علاش لقلق هدي الدنيا معلابالناش لا نموتو و لا نقعدو حييين و نتا تخمم في حاجا بعيدة و ماراكش عارف ربي واش كاتبلنا في هدي الدنياو هدي لقرايا لي رانا نتعبو فيجالها ماشي غير لدنيا تاني لاخرتنا تهمنا لان هدي هي عملنا و العمل عبادة نتجازاو عليها
و لا متنا و حنا نسعاو عليها نموتو شهداء ان شاء اللله
و ديرش في بالك بلي راني نقرا باش غدو نخدم و نجيب بزاف دراهم
دير في بالك بلي هدا التعب في سبيل ربي و الدين التاعنا
سلاااااااام

باك 2013 · 2013-09-04, 13:23

انت اقرأ ودير لي عليك ومبعد الشيئ لي مكتبهولك ربي راح تديه
كل واحد يدي قسمو في الدنيا هذه

ناصف الورداني · 2013-09-04, 13:27

كل شيئ بالمكتوب

الهندية · 2013-09-04, 13:50

si vrrais w ana li tghidni ktar anou waheda ta9ra haten ychib rasha w tfewet des bqp probleme bech tewsal l etape ta3 master.....
wm3a lakher yji liha wahed y9oulha ntzewjou w takhdmi nrml ki telha99 l darou y9oulha gariiiiiiiiiiii
alr 3lah mn louwel ma9a3detch fi dar babaha o moin tna9ess masarifff

عاشقة برشلونة · 2013-09-04, 14:41

ايه صح خويا عندك الحق بصح الشي اللي كتبو ربي مرحبا بيه

nourhaane · 2013-09-04, 15:15

li b dipm=lomah 3amar maydi3 khouya wallah ,, nta maàliich 9ra w zayér rasékk dir haja mli7a genre medcine ou klk chose ayyaw tawfiik men 3and rabii matkhamamch kamééééééééééééééél d3i rabbi ywaf9ék

youcef mustapha · 2013-09-04, 15:34

مالازمش تشوف بهذا المنظار باش ماتملش و تحبس القراية يا أخي إذا أنت قادر تقرا أقرا أو واش كتبهولك ربي مليح و عرف بلي قرايتك و ديبلومك يكون عندو معنى اليوم أوالغد

lamismissa · 2013-09-04, 17:11

اخي صاحب الموضوع اعذرني لكنك غريب الاطوار
هذاك كلام الناس ليقولك انا خرجت من الجامعة ومالقيتش خدمة كاين صح وكاين اللي يكذب علابالك هذا الناس لمتشائمين ماتخممش فيهم يا اخي قرى وكي تدي معدل مليح لباكالوريا ودرت شعبة مليحة طب ولا صيدلة ولا بيولوجيا ......الخ تتخرج من الجامعة تروح تخدم مي كي تدي باك تاع 10 سيبيانسير راح يحكمك الشوماج ملا قراى مليح تلقى الخدمة
واذا كنت حاب تاسس اسرة هذيك حاجة اخرى ودكا وحدا ما تدي لي ماوش قاري مالا غير لتا بقرايتك
اسفة على كلامي القاسي يا اخي فقط اريد ان اوعيك ناس تكلح فيك اقرى تلقى وديما ربي يعاونك
لكن اذا طموحك دير تاجر معلاباليش تاعواش هذي حياتك وتدخل في خصوصياتك
واسفة مرة اخرى تقبل مروري

soulef 1995 · 2013-09-04, 17:16

ne t'inquiéte pas mon frére car il y'a tjrs Allah avec nous

ai*cha · 2013-09-04, 17:46

في هذا الوقت بالذات علينا أن نجتهد و نفكر بدراسنا فــقــط أما المشتقبل و عالم الشغل و موضوع اذا كنت ستجد عمل و غيره فهذا بيد الله

ناصف الورداني · 2013-09-04, 21:07

اخي لاحظت ان مواضيعك كلها سلبية و غير مفيدة و نحن هنان لرفع المعنويات و المؤازرة فلما تطرح مثل هذه المواضيع نحن لسنا
حاجة للمواضيعك
مرة يقول لماذا المبالغة ماتتحمسوش و مرة يقول متشائم من الدخول المدرسي و مرة انزعج من المستقبل المرة القادمة قولنا بطلوا القراية خير خويا هذا التشائم ماينفعكش