الفحص المضاد للشرطة

daliriadh · 2013-08-29, 20:47

السلام عليكم ورحمة الله وبركاته
خاوتي اللي عندهم علاقة في الشرطة مع اقتراب موعد الدخول للستاج الذي سيكون يوم 29/09 انا انتظر بشغف كبير مي كاين حاجة هبلتني في راسي وراهي مخوفتني ياسر هي الفحص المضاد عند الدخول contre visite راهو عندي مشكل في اسناني الامامية وكي جوزت الكونكور الاول في قسنطينة وشافني الطبيب قالي اخدمهم برك والحمد لله مالقي بيا حتى حاجة وانا الحمد لله رياضي ومدوام على الرياضة ومارست الجيدو والكارتي وفي الفترة هذي كيك بوكسينغ السؤال فقط هو هل يمكن ان ارفض بسبب اسناني ؟ وشكرا مسبقا

عاطل عن العمل · 2013-08-29, 22:06

الكاتبة تلحق اخي الكريم ..

و نتا هني روحك و اخدم سنانك ..

بالتوفيق

daliriadh · 2013-08-29, 22:25

مرسي خويا ربي يعيشك على الرد وراني مخربط على الاخر خويا على خاطر كون مندخلش للشرطة نخسر ياسر قرايتي والسبور نتاعي وكل شي حبيبي واكثرهم المعنويات وكيما قلتها انت اللي مكتب راهو يلحق وان شاء الله يكتب برك وندخلو جميعنا

hamza bba kouki · 2013-08-29, 22:54

رانا كامل نستناو ولي كاتبة تلحححق خويا لعزيييز ماتقلق روحححك ما والو

حكيم 62 · 2013-08-29, 23:36

لا اعتقد ترفض لسبب كهدا والله اعلم
لانو 95/100 ممن يتم استدعاؤهم يتم قبولهم والمكتوب يبقى بيد ربي

larouin · 2013-08-30, 00:47

السلام عليكم ماتخافش 9ع رانا خايفين تحليل البول من اجل المخدرات اصعب شيئ على المدمن فيها خير ان شاء الله

daliriadh · 2013-08-30, 12:58

مرسي عليك حبابي ان شاء الله مايكون غير الخير يا رب وندخلو كامل يا رب على خاطر تعبنا ياسر والله ربي يوفقنا ان شاء الله

hamza bba kouki · 2013-08-30, 14:41

انشاء الله خويا لعزيييير بارك الله فيكم

sofiene DZ · 2013-08-30, 15:16

اخدم اسنانك برك روح للطبيب لازم يكون نسبة اسنانك 80بالمئة ليتم قبولك

daliriadh · 2013-08-30, 20:13

يعيشك خويا انا عندي 3 اسنان الامامية برك مش مشوشين مي مكسرين خويا وماعنديش حتى سن او ضرس مسوسة الحمد لله اما اسناني الامية 3 مكسرين مش طايحين مي مكسرين وصغار شوي وشكرا مسبقا

2009bibi · 2013-08-30, 21:46

أخي الكريم هل تم اجراء الفحص الطبي الاولي في قسنطينة للدفعة الخاصة بشرشال لان البسيكو تقني لولايات الشرق تم في قسنطينة

اخي الكريم انا من قسنطينة وسؤالي هل قمت باجراء البسيكوتقني في قسنطينة ؟؟ ارجوا الاجابة