حرف تنفع صاحبها

[أم احمد3]

السلام عليكم ورحمة الله

رغم ان الكل يبحث عن وظائف ا في النت الا ان هناك مصدر للربح نسوه جعلوه في طي النسيان
وهو اكتياب حرفة ما يدوية او الية للصناعة او الانتاج بصفة عامة
وهده الصفحة ارجو تثبيتها وجمع اكبر عدد للحرف المنسية وسارية المفعول من اجل جزائر متطوووووورة

ناهيك عن التقاليد التي نستمد منها افكارنا ونطورها وليس ان نهجرها
اليكم الخط

[rima83]

ســـــــــــــــــــــلام
و الله فكرة هايلة خاصة ان الحصول على وظيفة اصبح من المعجزات
الخياطة و الطرز حرفة مربحة جدا يمكن للرجل و المراة ممارستها ........

[نايليةوافتخر]

فعلا الحرفة تنفع صاحبها مهما كانت بسيطة اذا عرف يستفيد منها تقيه الفقر
يروح مال الوالدين وتبقى حرفت اليدين

[lalib40]

تعجبني مثل هذه المواضيع

[أم احمد3]

توجد افكاى للرجال. اكثر ما هو للمرااة لكن المرااة في البيت داىما لهذا سهل عليها

[mohamed888]

بطبيعة الحال في مجال البناء او كهرباء العمارات او في الترصيص الصحي فيها الدراهم ما شاء الله
يعني لازم على الواحد يكون فحل برك واي حرفة راهي مفيدة

[لينا الجنة]

انا ارى ان الحرف او المهن بمراكز التكوين المهني مفيدة جدا و مربحة في نفس الوقت سواء للنساء او الرجال و الله اراها افضل من التعليم بالجامعة و اضاعة الوقت هناك

[الجلفاوي 17]

صحابنا اللي ماقراوش وداروا حرف راهم ذرك ولاو معاليم الله يبارك عليهم واحنا اللي قرينا فات نص العمر ومازال رانا في نقطة الصفر

مثلا عامل الترصيص في اليوم يقدر يدخل 4000 دج كمتوسط اي في الشهر 12 مليون الله يبارك.

[sakhri]

ya3tik sa7a khoya ljalfawi rak golt kolchi .............ana sa7bi 7bas f 66éme anné dar njara raho foooooor w m3alam w dar w siyara w ana khalast 9rayti rani n3ani w alf f ljib ma3andiche

[أم احمد3]

شكرا لكم على الاهتمام

[soriaalg]

بارك الله فيك اختي فعلا راهي منسية قاعدين نجرو وراء لي كونكور بدون نتيجة
ننتظرو بعض الافكار من اصحاب الخبرة وان شاء الله الجميع يستفيد
جزاكم الله خيرا

[أم احمد3]

كاين حرف منسية لو كان ترجع باسلوب عصري تمشي

[ilosa23]

فعلا الحرفة في هذا الوقت اصبحت احسن بكثير من لانام اللي رانا فيها
انا عن نفسي راني نادمة على قراية الجامعة نتاع الصح مادرت بيها والوووووووو
وصحاباتي اللي ماجابوش الباك وتعلمو حرف راهم خير مني

[وصال سلام]

كاين واحد عندنا فاتح حااانوت يبيع فيه des vases وبوكيات نواار ووو من صنع ايديه حق ربي غير تحلو فامكم فيهم

ما شاء الله عليه ربي يزيدو ويغنيه

ياو الخياطين الرجال ضاربين ضربتهم خاصة في قش لعرايس

يعطيك الصحة عالموضووع عندك حق

[أم احمد3]

المشاركة الأصلية كتبت بواسطة وصال سلام

كاين واحد عندنا فاتح حااانوت يبيع فيه des vases وبوكيات نواار ووو من صنع ايديه حق ربي غير تحلو فامكم فيهم

ما شاء الله عليه ربي يزيدو ويغنيه

ياو الخياطين الرجال ضاربين ضربتهم خاصة في قش لعرايس

يعطيك الصحة عالموضووع عندك حق

لوكان تشوف كوافيرات وكوافيرين ضاربين الدنيا الخدمة كاينة دايما والشهرية ماشية كما يجب الصيف احسن لكن الشغل ضامن دائما
خير من الجامعة