رأيكم يهمني.........؟؟؟؟؟؟؟

[isma84]

السلام عليكم هذا الموضوع الذي اريد طرحه و هو شائك نوعا ما لكن رايكم يهمني يا فتيات اذا كنت جامعية و جاء لخطبتك رجل أقل منك مستوى تعليمي لكن ذو خلق و دين و أسرته متعصبة و ملتزمة فبرأيكم هل سينجح الزواج و اذا جاءك رجل جامعي و مثقف من سيضمن لك بانه سيكون هناك تكافؤ بينكما و ان الزواج سينجح يا بنات ما رأيكم فأرائكم تعنيني و شكرا لكم على التفاعل مع الموضوع

[مواطنة]

السلام عليكم اختي موضوع مهم
الدين و الخلق اساس الزواج الناجح ولكن التكافؤ الثقافي مطلوب ليكون الاحترام متبادل. في حالة ما اذا كانت المراة متعلمة و الخاطب اقل مستوى يرجع الامر لشخصية الرجل اذا كان متدينا بحق ماشي ظاهريا و عندو في الراس فقط فسوف يقدر علمك و تكبري في عينه اما اذا كان عندو عقد من مستواه و هذا امر تتعرفين عليه بسهولة اذا قلتيلو نحبس قرايتي يموت بالفرحة مايحبش تكملي قرايتك ولا يديك ويحبسلك قراية درع و اذا حبيتي دراسة عليا لا يقبل المهم عقد لا نهاية لها و في كل مرة تدلين برايك يقولك اييييييييييييييه انت قارية وانا حابس ولاانا معنديش نيفو تولي انت تهبطي النيفو ديالك حتى تكرهي نفسك يعني تولي تتعاملي مع عقد لازمها طبيب نفسي وواحد ما يقدر يفهمك ومن جهة العائلة المزيرة اذا انت داركم مزيرين تقدري تعيشى معاهم عادي لكن اذا داركم عاديين يعني محترمين و يثيقو فيكم وعطاوكم حرية للدراسة و لاقتناء الاغراض بقانون يعني انك لن تستطيعي العيش في السيطرة التامة حتى لوظننت العكس .المراة كي تتزوج تنقص الخرجة وتتنظم على حساب زوجها لكن باش تبقى دايما محبوسة واحدة ما تقدر تعيش هكذا
اختي انا انصح ما تحطيش نفسك داخل حبس بيدك حتى تتكلمي او تتكلم المعنية بالامر مع الخاطب مليح قدام اهلك وشوفي كيفاش حاب تكون مرتو وسقسي الناس على سيستام تاع دارهم مليح قبل ما تخطي اي خطوة .اما عن الخاطب المثقف اذا كان فيه خلق ويخاف الله ويصوم ويؤدي الواجبات فلملا
اختي الخاطب مهما تعرفت عليه لن تعرفي كيف ستكون حياتك معه لانه غيب انت حطي القواعد سليمة و اختاري بتاني ماشي بعجلة لتفرحي اهلك
وتضمني زوج و الضامن الله نحن نتمنى ا ن يفقنا الله في زواجنا
لان الله ولي التوفيق
فيه ازواج متكافئين وتعارفو من قبل بسنوات ومثاليين عاشو حياة تعيسة في زواجهم
وفيه ازواج واحد في الشرق والاخر الغرب لكن الله وفق بينهما
يعني كلش بالمكتوب

[imane-2020]

صباح الخير والانوار سامو وكل بنات المنتدى رأي
والله ليس كل جامعي مثقف واعي ومتفهم وليس كل من هو اقل او مستواه اكمالي او ثانوي غير مثقف الثقافة مكتسبة وهدا يرجع لعقلية الانسان وتفكيره
كم من جامعي بالاسم فقط وكم منم تارك للدراسة وعقله يزن بلد
الاستخارة اولا وآخرا وربي يسر ما فيه خير

[الحنان المفقود]

يا ختي كنت راح نحط موضوع ولقيت موضوعك بالصدفة
أنا راني نعاني من التخمام في هاذ الأمر
لو كان أقل من مستواي ماعليش
بصح هو متعصب وما يحبنيش نخرج خلاص غير للطبيبة طبعاااااا
ويقولك غيرة عليك
ربي يقدر الخير يا ختي
أنا قريب ننفجر

[راية الاسلام1]

السلااام عليك أختي

بالنسبة للمستوى التعليمي أنا لا أقيسه بآخر شهادة تحصل عليها

لانه حقا يوجد أشخااص ليس لديهم حتى بكالوريا والثقافة والعلم مااشاء الله

في نفس الوقت هناك أشخاص لديهم شهادات دكتروا وماجيستير وهم لا يختلفون عن الصفر وفوق كل هدا متكبرون

المشكلة في رأيي لا تكمن هنا وانما تكمن في أنك فتاة جامعية يعني أكيد أنت تريدين اتمام دراستك والعمل ان شاء الله وقلت انه من أسرة متعصبة قد يرفض فكرة عملك

وقد يرفض ايضا خروجك من بيتك بحجة غيرته كما قالت الاخت

ربي يوفقك أختي

ديري استخارة

[أمة الله 12]

السلام عليكم

لا يهم كثيرا أن يكون ذو مستوى جامعي, بل المهم ان يكزن رجلا يعتمد عليه,

يعرف كيفاه يتصرف و يفهم لدنيا كيفاه ماشية, كيما نقولو بالدارجة يكون قافز و حاذق

لو كان أقل منك قليلا في المستوى أظن أن هذا لا يؤثر. اذا كان هو مقتنع بنفسو و يشوف فيها علدي

الكارثة عندما يكون غيور و يحس بالنقص بسبب هذا الموضوع

[النجمة القطبية]

شوفي هو الرجل لازم يكون صاحب دين وخلق اولا وقادر على تحمل المسؤولية وحماية المراة والحفاظ عليها ثانيا وهذه المواصفات لو تعمقتي فيها ليست مواصفات سهلة ولا تتعلق بكونه صاحب شهادة كبيرة اوالعكس يقدر يكون عندو عدة شهادات وهو اعتمادى غير قادر على حماية نفسه والعكس صحيح
يعني الاساس فى الرجل واضح
بالنسبة للمراة المواصفات المعروفة هى الدين والخلق والجمال والنسب وغيرها حسب كل واحد واش يختار
انا اضيف عليها ان لا تحاول ان تكون ندا للرجل يعني لالا تتصرف وكانها رجل تناقش فى كل الامور وتدخل معاه فى جدالات فى السياسة والاقتصاد وو هي اصلا اذا كانت تحب الجدال والتحكم هذى لن تفلح لا مع صاحب دكتوراه ولا مع صاحب الشهادة الضعيفة ولن تفلح الا مع شخص بدون شخصية
يعني انا رايي ان الشهادات لا علاقة لها مدام الرجل رجل والمراة امراة وكلاهما واثق من نفسه ويلتزم دوره
اهم شئ الاقتناع التام بالطرف الاخر والتفهم والمرونة فى التعامل
مجرد راي والله اعلم بالصواب

[naamane3]

قلتي ذو خلق ودين
واش راكي تستناي
طبقي الحديث

[Angleeyes]

الرسول عليه الصلاة و السلام قال اذا جاءكم من ترضون دينه و خلقه و ليس علمه و ماله فقد يكون متعلما و مثقف و ليس متدين.

[بلسم غرام2018]

المشاركة الأصلية كتبت بواسطة isma84

السلام عليكم هذا الموضوع الذي اريد طرحه و هو شائك نوعا ما لكن رايكم يهمني يا فتيات اذا كنت جامعية و جاء لخطبتك رجل أقل منك مستوى تعليمي لكن ذو خلق و دين و أسرته متعصبة و ملتزمة فبرأيكم هل سينجح الزواج و اذا جاءك رجل جامعي و مثقف من سيضمن لك بانه سيكون هناك تكافؤ بينكما و ان الزواج سينجح يا بنات ما رأيكم فأرائكم تعنيني و شكرا لكم على التفاعل مع الموضوع

اخيتي اتاني مستوى جامعي متخرج وكلشي وموافقتش
لاني مزالني نقرىىىىىىىىىىىىىىىىىىىىىىىىىىىىىىىىىىىىىىىىىىىىىىى ىىىىىىىىىىىىىىىىىىىىىىىىىىىىىىىىىىىىىىىىىىىى
والزواج مبني على تفاهم من الاول

[نجود اكرام]

السلام عليكم ممكن يكون هذا الرجل مثقف أكثر من الجامعي لأنه ليس كل متعلم مثقف وليس كل مثقف متعلم

[samira135]

السلام عليكم

شوفي خيتي اذا تحوسي على زوج مثقف ديري في بالك انو الثقافة ماعندهاش علاقة بالجامعة ديجا كاين لي مثقف وماشي جامعي و كاين جامعي و هو 0

اما اذا تحوسي على بريستيج انو زوجك جامعي هذي حاجة اخرى

[nibrasse 76]

كون ما قريتيش الجامعة === ما كانت عندك مشكلة اساسا ؟؟

[samar89]

المشاركة الأصلية كتبت بواسطة samira135

السلام عليكم

شوفي خيتي اذا تحوسي على زوج مثقف ديري في بالك انو الثقافة ماعندهاش علاقة بالجامعة ديجا كاين لي مثقف وماشي جامعي و كاين جامعي و هو 0

اما اذا تحوسي على بريستيج انو زوجك جامعي هذي حاجة اخرى

[رجوت عفوك]

كيما يقولو ناس بكري **** أعطيني فاهم الله لا قرا ***