شحال نمد لمربية اطفال جيني للدار

راجية غفران ربها · 2013-08-27, 12:34

السلام عليكم و رحمة الله و بركاته

اخيرا قررت العودة الى العمل على مضض و لقيت شكون تشدلي اطفالي الاربعة3 في الابتدائي و واحد عام في عمرو حابتكم تقولولي شحال نمدلها و راني حابتها تعاوني في الدار من فضلكم قولولي باه ما نكلهاش حقها و كونو معايا تانيك ههههه

~عبق الجنة ~ · 2013-08-27, 17:02

و الله ما علابالي
كاين وحدة نعرفها هي تخدم و راجلها يخدم و تخلي عند المربية اولادها و تخدملها كامل صوالح الدار ، و تجي من الصباح حتان المغرب
بصح و الله ماني عارفة شحال تعطيها

بالاك كاش مليون و لا مليون و نص
وش رأيك انا راني غير نميز هههه

،،ايمان،، · 2013-08-27, 17:05

نعرف وحدا الأخت تمد مليون غير على طفلين

الدراري مسؤولية كبيرة إحنا أمهاتهم و بسيف قادرين عليهم

و من رأيي خليها تحكملك الدراري فقط بلا خدمة الدار

و الله يسهلك أمورك

راجية غفران ربها · 2013-08-27, 20:43

كي تحكم لولاد و تعاملهم مليح هداك واش نحوس

يا ريت درة الاسلام كون في الامكان تسقسيلي معارفك شحال تمدلها خير و خير و اجرك على الله

راجية غفران ربها · 2013-08-28, 10:07

لبنات كاش خبر؟؟؟؟؟؟؟؟؟؟؟؟؟؟؟؟؟؟؟؟؟؟؟؟

راجية غفران ربها · 2013-08-28, 17:18

§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§ §§§§

ندى الصبح · 2013-08-28, 20:06

السلام عليكم. اختي
انا اختي تشدلها المراه زوج اولاد تديهملها لدارها ومتهليه فيهم
بصح ما تخلصهاش بزاف وصراحه دايمن نقولها راكي كاليتلها حقها
المهم انت شوفي المنطقه الي راكي فيها سقسي تما لانو كل منطقه وكيفاش وتاني اذا اولادك عاقلين ولا قباح
وربي يسهلك

راجية غفران ربها · 2013-08-28, 20:19

تعيشي ندى الصبح و ربي يخليك و ماعلابالكش شحال تمدلهااااا

أم الولدين · 2013-08-28, 20:22

آآآآه على الخدامة و معاناتها مع الاطفال بل معاناة الاطفال معها
الصراحة الخدامة مرمدة هي واولادها خصوصا يكونو صغااااار
شوفي انا بحكم الحمد لله اهلي بجنبي الاول بقا عندهم حوالي عامين ومن تم الى الجمعية الاسلامية لغاية الابتدائي
و خرج ماشاء الله الجمعية انداك كانت 350 الف وهدا من حوالي 4 الى 5 سنوات
اما الثاني ايضا كان عندامي و لكن بعدها امي مرضت و استصعب عليها الامر خليته عند جارتي و جارتي اخت ماشاء الله
كانت تقولي ما نديش بصح كنت نعطيها 200 الى 300 الف ولكن
الان قررت ندخله نفس الجمعية اينما كان اخوه و لكن تخيلي المبلغ هاد العام صار 600 الف بالجمعية يعني
حكيتلك قصتي ونرجع لردك انت ماشاء الله اطفالك 4 حفظهم الله و تقولين انها تجيك للبيت يعني ناااااااقص عليك تعب و هم كبير
خصوصا الصغير و غدوة الشتااا يبقا في بيتهم دافئ ناقص عليه شقاا الصبيحة و برودتها
المهم و اضافة الى هذا راح تقوم باعانتك بالبيت يعني انت ترجعي من العمل و التعب تلقاي البيت نضيف واولادك بالبيت
صراااااحة شيئ رائع بمعنى اقل شيئ راح تعطيها مليون ونصف
لانه لو دفعت كل طفل على حدى اقل شيئ 400 الف للواحد + معينة بالبيت يعني مليون ونصف ملائمك جدااا
ربي يسهههل اختي و انت زيدي شوفي و اقترحي عليها كم يساعدها المبلغ

راجية غفران ربها · 2013-08-28, 22:44

شكرا ام الولدين على الرد و الاهتمااااااام ربي يعطيك ما تتمناي

بصح ام الولدين 3 نتاع الابتدائي نورمالمو ماديرلهم والوووووووووووووووو غير تفتحلهم الباب و تحطلهم الغدا لي نطيبو انا لكن 4 و هو صغير صح نتاع خدمة و عمرو عام واحد علابيها قلتلكم شحال نمدلها؟؟؟؟؟؟؟؟؟؟؟؟؟؟؟؟

khawla khoukhou · 2013-08-28, 23:13

انا نقولك بلي عندي جارتنا تحط بنها عند جارتنا وحدة اخرى ب 250 بلاك ولا 300
والولاد اللي يقراو يروحوا عندها يسناو ماماهم حتى تجي باطل نورمال

وانا نقولك سقسيها بقداه تحكملك واش هو المبلغ اللي يساعدها والمبلغ اذا نتي خارج عليك
وسقسي الناس تااااااااني بقداه يديروا هذا الشي
♥

جناتي الشيخ · 2013-08-28, 23:21

انا جارنا حاط 2 اولادو يقراو في ابتدائي صغار والله يخلص عليهم 700 الاف ° لعلمك الجمعية هي اسلامية وهي باسم احزب حمس هي في كل ولاية كاين