الانعاش الإقتصادي هو أن يصير ثمن اللوبيا 220 دج للكيلو والعدس 200 دج والحمص 290 دج و القهوة 180 للربع كيلو والسكر 130 دج للكيلو واللحم 1350 دج للكيلو والحليب المجفف 350 دج للرطل !!!
الانعاش الاقتصادي هو أن يصير السروال ب 2500 دج والقميص ب 1850 دج والحذاء ب 5000 دج و الحجاب ب 6000 دج والبليغة نتاع الجامع ب 1800 دج والقميص نتاع الصلاة ب 4000 دج والفيستة نتاع الشتاء ب 7000 دج والخمار الاخير ب 2200 دج !!!!
الانعاش الاقتصادي هو أن يصير ثمن الخاتم ب 30000 دج وخاتم الزواج ب 60000 دج والمهر ب 20 مليون وتكلفة الوليمة ليس أقل من 80 مليون و السكن ب 1.2مليار في الباطيمات وأكثر ثمنا في لحواش والسيارة ب 100 مليون سنتيم والكراء ليس أقل من 40 مليون للعام !!!!!
الانعاش الاقتصادي أن يصبح تكلفة العلاج عند الطبيب العام 1000 دج والطبيب المختص ب 1600دج ومكانش وتخدم ضرسة ب 3000 دج وتدير نواظر ب 8000 دج ويكلفك الدواء ليس أقل من 4000 دج لازم تماركيها على كاش عجوزة مسوريا باش تدي الدوا أو موت بالمرض !!!!!!
الانعاش الاقتصادي يعني أن يصبح عدد البطالين 15 مليونا في 2012 بعد أن كانو 9 ملايين في 1999 (حسب الديوان الوطني للاحصاء) وأن تقضي 23 سنة من عمرك ونتا تجري مع مراكز التكوين والتدريس والجامعات لتجد نفسك في النهاية يماك مازالها تمدلك 200 دج باش تروح تدير فوطو كوبيي على الباسبور باش تهرب للخارج بعد أن قضيت 5 سنوات بطالة في بلدك وأنت تحمل أعلى المؤهلات!!!!!!!
الانعاش الاقتصادي يعني أن لا تصدق نفسك عندما تنجح في مسابقة توظيف ويصلك استدعات العمل وبعد 5 سنوات من الشغل تجد نفسك لم تستطع أن تجمع 10 ملاين باش تروح تخطب بيها وتستر روحك بعد أجل غير مسمى !!!!
الانعاش الاقتصادي ...... يعني أن يتقاضى المدرب الالماني والعامل في سوناطراك 40 مليون في الشهر بينما الاستاذ الجامعي يتقاضى 150 الف دينار كأقصى حد والمعلم 40 الف دينار والعون الاداري 20 ألف وأصحاب عقود ما قبل التشغيل 8000 دج و البطال 0 دج !!!!!
أرجوكم يكفينا من الانعاش الاقتصادي فقد شبعنا ميزيرية منه.
( تقرير عن مشاركة سيئة )، و الموجودة أسفل كل مشاركة .
2013-09-08, 00:07
الانعاش الإقتصادي اذا كنت جزائري فشارك معنا
العرض الشجري