petit pain هايل وساهل للسحور.....

oum shaima · 2013-07-15, 10:47

السلام عليكم أخواتي....

البارح لقيت وحد ptit pain خفيف وساهل... جربتو وجا هايل وبلا ماتحتاجي العجينة المورقة..
ويجي مورق... لي ذاقو عجبو... ماخلاو حتى حبة...
قلت نوريهولكم تستفادو معايا....

صور المراحل تاع صاحبة الوصفة
المقادير:
500غ فرينة
مغرف كبيرة خميرة الخبز
5مغارف كبار سكر
2مغارف زبدة ذايبة
بيضة
فاني
قرصة ملح وماء دافي للعجن
وتحتاجي زبدة ذايبة للتوريق
وشكولاطة للحشو

خلطي المقادير حتى تتحصلي على عجين متماسك...
ثم نقسموها إلى9أو 10 كويرات وخليها تريّح شوية برك...

وشكليهم كيما المسمن وكلما تجي تطوي أدهني بالزبدة

وأبسطيها شوية بيدك

ثم أقسميها على زوج وديري شكولا.و crème pâtissière (إختياري) .ثم روليها

ديريهم في سنيوة يخمرو من 30 إلى 45د
ثم أدهنيهم بصفار بيضة مع مغرف صغيرة نسكافي محلل في شوية ماء(أو قهوة طايبة)
ودخليهم للفرن على درجة 190°

شوفو التوريق....

ماتخلعكمش هذه المراحل....هذا للشرح فقط
مايتعبش وساهل وبنيييييين...

صحّ رمضانكم

الأمنيات · 2013-07-15, 10:53

ربي يبارك فيك يعطيك الصحة

rymdu25 · 2013-07-15, 11:18

ربي يهنيك أختي

sorour% · 2013-07-15, 11:22

يعطيك الصحة و العافية جاو يهبلو و خير من تاع برا, شهيتيني نجربهم

tina19 · 2013-07-15, 11:30

ممممممممممممم يعطيك الصحة

mama kika · 2013-07-15, 11:32

merccccccccccccccccccccccccccci

relizane.relizane · 2013-07-15, 11:42

يعطيك الصحة
لكن في مرحلة وضع الشوكلاطة يوجد شكلاطة وحاجة اخرى معاها وش هي؟

نور الهدى06 · 2013-07-15, 11:54

ما شاء الله عليك حبيبتي تاكلوه بالصحة
عندي سؤال كنخدمو وتبقالي عجينة هل نقدر نكمل نشكلها ونطيبها غدا وكيفاه نحتفظ بها وهل الخميرة تفسدها
لاني حابة نوجد لعجينة في الليل وفي الصباح نشكل ونطيب لانو مع الخدمة ملقيتش الوقت