نتائج تبسة

Tasnym Alaa · 2013-08-25, 20:40

متى تعلن نتائج مسابقة التعليم بتبسة ؟؟؟؟؟؟؟ هل من معلومات

hope91 · 2013-08-25, 21:38

geluo les resultats mn le 26 l 1 er pask khefou mn lfawda tessama reyhin yjiw les resultats catastrophiques aw beynin teessa ghir lma3ria

CHAFA123 · 2013-08-25, 22:01

inchalh 9rib

ridere · 2013-08-26, 00:20

نحنا قولنالهم كون نلقو واحد من خارج تبسة نجح راهي ما تفراش وهدا من حقنا اولا لانو كل اللي ينجحو من خارج الولاية يترسمو و يروحو ما يستقروش .....و نحنا ولاد الولاية اللي عايشين في الهم و دركا كي زادو قفلو عليهم الحدود دارو على بعضاهم يقتلو فب يبعضاهم على جال 2 دورو كيما السيد اللي قتل ولد عمو على قطعة ارض البارح في ضواحي العاتر يعني ربي يجيب الخير لانو ولاد الولاية عندهو غير زوز حوايج يا التعليم يا التهريب و اما بعض الولايات الاخرين ربي يزيدهم و يهنيهم عندهم شوي مرافق وين يخدمو خاصة بلاد البحر ...... المهم ربي يجيب الخير و فرات لانا حقيقة كي طولو هكا ولت الدعوة تخوف لانو في الاول قالك درسو الاملفات قبل المقابلة مازال غير يجمعو نقاط المقابلة مع نقاط الملف... و تبان النتيجة كانت نورمالمون في 15 او 20 اوت و اليوم ؟؟؟؟ ربي يجيب الخير و هدا ما نقولو و بالتوفيق للجميع

OUMSAFI · 2013-08-26, 08:00

Svp pas de regionalisme
et chaque algerien ou algerienne a le droit de travailler dans toutes les wilayas
le robleme se pose pour toutes les wilayas

ridere · 2013-08-26, 08:17

اقتباس:

المشاركة الأصلية كتبت بواسطة oumsafi

svp pas de regionalisme
et chaque algerien ou algerienne a le droit de travailler dans toutes les wilayas
le robleme se pose pour toutes les wilayas

شكون اللي يحكي على الجهوية اختى احنا عندنا 3 جاو من تبسة لقسنطينة و معاهم شهدات اقامة لان اصولهم من ثما و كاين واحد عندو خوه ساكن ثم دفعو الملف بالاقامة و امور رسمية و رفضوهم لانهم كي حققو لقوهم ساكنين في تبسة و واحد من سوق اهراس و حتى اللي والد و اصلو من قسنطينة لكنو ساكن في تبسة ما قبلوهش يا اختي هاد المشكل كيما قلتي مطروح عبر الوطن لانو الجميع مدرك انو الناس تجي تترسم و تروح تخلي التلاميذ من دون اساتذة و الدليل انو تبسة بعد المسابقات تحقق اكتفاء نسبي في الاساتذة و بعد مرور نصف العام .... تلقي التلاميذ من غير اساتذة خاصة في اللغات لانهم يتسمو و يرجعو لبلادهم و الجهوية كاينة من بكري في كل شئ و عارفينها غير نكذبو على رواحنا و نصبرو في بعضنا و الاقربون اولى بالمعروف

romaissa tita · 2013-08-26, 08:35

يااخي انا من 2006 وكل عاممصدومة لاني زوالية ماعنديش معريفة

Tasnym Alaa · 2013-08-26, 09:59

اقتباس:

المشاركة الأصلية كتبت بواسطة romaissa tita

يااخي انا من 2006 وكل عاممصدومة لاني زوالية ماعنديش معريفة

اختي ان شاء الله معريفتنا مع ربي سبحانو ما نياسوش من رحمتو واااسعة ..

رحمه المغامسي · 2013-08-26, 12:08

اقتباس:

المشاركة الأصلية كتبت بواسطة ridere

نحنا قولنالهم كون نلقو واحد من خارج تبسة نجح راهي ما تفراش وهدا من حقنا اولا لانو كل اللي ينجحو من خارج الولاية يترسمو و يروحو ما يستقروش .....و نحنا ولاد الولاية اللي عايشين في الهم و دركا كي زادو قفلو عليهم الحدود دارو على بعضاهم يقتلو فب يبعضاهم على جال 2 دورو كيما السيد اللي قتل ولد عمو على قطعة ارض البارح في ضواحي العاتر يعني ربي يجيب الخير لانو ولاد الولاية عندهو غير زوز حوايج يا التعليم يا التهريب و اما بعض الولايات الاخرين ربي يزيدهم و يهنيهم عندهم شوي مرافق وين يخدمو خاصة بلاد البحر ...... المهم ربي يجيب الخير و فرات لانا حقيقة كي طولو هكا ولت الدعوة تخوف لانو في الاول قالك درسو الاملفات قبل المقابلة مازال غير يجمعو نقاط المقابلة مع نقاط الملف... و تبان النتيجة كانت نورمالمون في 15 او 20 اوت و اليوم ؟؟؟؟ ربي يجيب الخير و هدا ما نقولو و بالتوفيق للجميع

و الله عندك الحق

ridere · 2013-08-26, 17:33

اقتباس:

المشاركة الأصلية كتبت بواسطة romaissa tita

يااخي انا من 2006 وكل عاممصدومة لاني زوالية ماعنديش معريفة

اختي ربي ينجحك و ينجح كل زوالي يستاهل

ridere · 2013-08-26, 17:36

اقتباس:

المشاركة الأصلية كتبت بواسطة رحمه المغامسي

و الله عندك الحق

انا بصراحة ناس باتنة نستعرف بيهم لانهم تاع الايطالية حدثلهم نفس المشكل راحو ل الطارف و و لايات اخرى و ما قبلوهمش بالاقامة و كي جاوهم البارانية ما خلوهمش يفوتو المقابلة و منهم احد حكالي بالتفصيل واش دارو المهم هذا خليه بعد النتائج لكل حادث حديث لكن الان و الله نحنا نتمنو النجاح لكل واحد زوالي و تيتو صافية و حاب يسترزق بالحلال و بالتوفيق لكم

zayne · 2013-08-26, 17:50

الخدمة في التربية ما راهيش للزوالي علاه راكم حاسبينها بيت السبيل الخدمة للمرفه والزوالي المهم اللي يقري وليدات الناس مليح مشي يدخلها زاوالي ومن بعد يولي فرعون ويدخل وليدات الناس في حيط

ridere · 2013-08-26, 22:16

اقتباس:

المشاركة الأصلية كتبت بواسطة zayne

الخدمة في التربية ما راهيش للزوالي علاه راكم حاسبينها بيت السبيل الخدمة للمرفه والزوالي المهم اللي يقري وليدات الناس مليح مشي يدخلها زاوالي ومن بعد يولي فرعون ويدخل وليدات الناس في حيط

راك شايع في كل بلاصة نلقاك و المشكل موش هنا المشكل انك تفتي على الناس و تنتقد فيهم و تقلهم ابداو الاصلاح برواحكم يا هل ترى انت كامل

و انا مازال ما فهمتكش محلك من الاعراب هنا داير inspection ؟؟؟؟؟؟؟ و تارة تحكي على الزواولة اللي يستاهلو محقورين و تارة تحكي على ....يا اخي من فضلك اذا عندك معلومة تفيد التباسة اكتبها هنا و اذا ما عندكش سامحنا يا خويا و الا اختي لانو فضاء خاص بينا نحنا حابين تكون عندنا خصوصية حتى في المنتدى اذا ما عندكش مانع طبعا

zayne · 2013-08-27, 08:14

يا vacataire أنا راني ننتقد في اللي داير روحو ملاك وهو كيفو كيف الناس يحوس على منصب بأي طريقة حتى الرشوة ما لقاهاش برك والمشكل ماراهوش فب الاكاديمي راه كيفها كيف الولايات لخرين المشكل في تفكيرك أنت وجماعتك من الفكاتير ............(ربي يوفقكم)

ridere · 2013-08-27, 10:44

اقتباس:

المشاركة الأصلية كتبت بواسطة zayne

يا vacataire أنا راني ننتقد في اللي داير روحو ملاك وهو كيفو كيف الناس يحوس على منصب بأي طريقة حتى الرشوة ما لقاهاش برك والمشكل ماراهوش فب الاكاديمي راه كيفها كيف الولايات لخرين المشكل في تفكيرك أنت وجماعتك من الفكاتير ............(ربي يوفقكم)

هههههه شكرا يا اكاديمي لكن مهما حاولت تبرأو الاكاديمية و تلقو اللوم على الزواولة انا نقلك الناس كامل عارف الوافع و اش لانهم غير المرفهين اللي علاقتهم مليحة بالاكاديمية اما الزوالية عندهم ربي