أجيبي بصراحة

[همس-الياسمين]

مساء االخير ،اليوم حبيت نطرح موضوع مهم جدا وهو الخيانة الزوجية ،رانا في وقت ما يعلم بيه غير ربي والوفاء كما قيم كثيرة ولات عملة نادرة صعيب لي ما زال يملكها....اجيبي بصراحة ماذا تفعلين لو اكتشفت يوما ان خطيبك او زوجك يخونك ،ما تقوليليش نطلب الطلاق علابالك بلي مشي حاجة ساهلة سيرتو اذا كان عندكم اولاد ...أكيد المرأة الذكية مهيش رايحة تتصرف تصرف كما هذا بالعكس رايحة ترجع لنفسها وتقول واش ناقصني انا حتى نخلي زوجي يشوف غيري ،واكيد رايحة تبدل من اسلوب حياتها وتحاول بجميع السبل ما تخلي راجلها تملا عينو مرا من غيرها ....كل وحدة فيكم تدخل وتعطيلنا رايهافي الموضوع وردة فعلها اذا صرالها هذا الموقف بعيد الشر عليكم

انا كتبت هذا الموضوع باسكو شفت بلي الخيانة اكتسحت علاقاتنا بشكل فضيع ومشي غير عن الرجال مام النسا يخونو ولي تغيض اكثر تلقاها مراة متزوجة وتخون في راجلها والله والله والله غير كاين بنات نعرفهم متزوجين ومازال دايرين علاقة من اصحابهم القدم ونعرف وحدة ديك النهار طلقت بسبب هذا الموضوع سمعتها عجوزتها تهدر في البورطابل مع واحد شكت فيها وبدات تراقب فيها حتان اكتشفت بلي راها تخون في راجلها مع واحد اوخر...ربي يهدينا ويرجع بناتنا وشبابنا لطريق الصواب...ادخلي ومدي رايك اختي

[أم احمد3]

الكل راه ساكت عن الموضوع كلهم في الهوى سوى لا مجيب

[همس-الياسمين]

المشاركة الأصلية كتبت بواسطة samra3

الكل راه ساكت عن الموضوع كلهم في الهوى سوى لا مجيب

شفتي اختي الله غالب ربي يهدينا

[بسمة تحدي]

اشكرك على طرح الموضو

لازم المرأة تكون ذكية وتحاول تجبك رجلها ليها متضعفش وتستلسم بالخف وتروح تهاجم زوجها

اول لااااااااااااااااااااااازم الصبر ثم الصبر

انا نشوفها لازم تعرف كيفاه تكسب زوجها ليها

مثلا تحاول تقوي الوازع الديني عندو

تعتني بنفسها اكثراا


وتحاول تحط رجلها في موقف وين تحسسه بحقارة وش راه يدير بطريقة غير مباشرة

يارب يعفينا من الخيانة يارب

[ام اناهيد]

واش نقول غير ربي يهدينا
الخيانة مش حاجة ساهلة والطلاق ثاني مش ساهل
كاين رجالة نساوينهم يهبلو ميخصهم والو بصح رجلتهم فيهم الفيس نتاع الخيانة والعكس صحيح
معرفناش وشكون هو السبب المجتمع ....لباس والمكياج نتاع لبنات الغير الطبيعي ..........

[زوبير18]

من يتزوج من نسب طيب فلا خوف عليه
و من يلهت وراء المصالح إستحق ما سيحدث له في حياته

مازال تشوفي لعجب و قريب يولي كشف المكالمات الهاتفية مشروط في عقد الزواج بالرغم من أن الكثير من البنات لما يتخطبو يغيرو رقم الهاتف بصح يتكشفو عادي و نفس الشي للرجال

و كما تدين تدان إذا خنت إنسان من قبل تخونك زوجتك ولا بنتك و كلك الزوجة إذا خانت يخونها زوجها و لا نملك في هذا المقام إلا الدعاء
اللهم أرضى عنا و أرزقنا الزوج الصالح الذي تقر به أعيننا

و لعلمك أختي توجد فتوى في هذا الموضوع و أظن أن من يخون حرم عليه حلاله يعني الراجل لما يخون الزوجة تاعه تحرم عليه و بقائهما مع بعض حرام و علاقتهما حرام و ما يأتي من هاته العلاقة من أبناء حرام فهنا الطلاق واجب و حتمي بغض النظر عن كل الظروف
شكرا جزيلا أختي على الموضوع

[قَاسِمٌ.قَاسِم]

لا حول ولا قوة إلا بالله العلي العظيم

[حبيبة زوجها]

السلام عليكم
هنقولك حاجة صعيبة بزااف سورتو كي تكون حاطة كامل ثقتها فيه ومن بعد تكتشف انه يخونها وصعيب بزااف انك تتحكمي في نفسك ومتطلبيش الطلاق لي هو اصعب لكن لازم على المراة انها تفكر بذكاء وتحاول ترجع راجلها ليها لانه مهما قلنا تبقى هي الخاسرة .... لكن الشي لي سمعت بيه قداش مرة ولي نعتبره الكااااارثة انه المراة تخون راجلها مقدرتش نستوعبها
الله يبعد علينا كل هذا الكلام
بارك الله فيك

[زوبير18]

ان مشكلة الخيانة الزوجية لن تجد حلها المشروع سوى في رحاب الاسلام بأحكامه وقيمه، والتأسي برسول اللّه صلى اللّه عليه وسلم في معاملته ومعاشرته لزوجاته امهات المؤمنين - رضوان اللّه عليهن - فلا ينبغي للرجال ان يرتموا على نسائهم كالبهائم، بل ينبغي ان يجعلوا بينهم وبينهن رسولا، من مقدمات الجماع، لتهيئة نفسية الزوجة، وبعث رغبتها، لتتمكن من اشباع رغبة الزوج، لأن سوء المعاشرة أو الانحراف بها، يهدد عرس الزوجية، ويفت في عضدها، ويعرض حصن الزوجية للاختراق من شياطين الانس واخوانهم، فإذا تنافرت الطباع، واستعصى الحل في اخص خصوصيات العلاقات الزوجية الحميمة، فلا مفر من اللجوء الى آخر انواع العلاج وهو الطلاق، لانه ابغض الحلال، ولكنه ايضا بمثابة الكي الذي يتم اللجوء اليه عند تعذر التداوى بما عداه.

هذا أفضل من التغاضى عن حل هذه المشكلة، ساء كانت قديمة أو مستجدة، لأنها من اخطر المشاكل، وقد يضعف امام متطلباتها ومغرياتها بعض الازواج من الرجال أو النساء، وقد يجد الرجل فسحة في تعديد زوجاته، ليشيع رغباته بصورة مشروعة، لكن المرأة لا مجال امامها سوى ان تروى غلتها من زوجها فحسب، لذلك لا مفر في حالة عجز الرجل عن مجاوبة المرأة أو التفاهم معها بصورة تحقق رغباتهما المشروعة، ان يتفق معها في حل عقدة النكاح بالطلاق أو التطليق، فهذا أكرم لهما، ويسد باب الفساد والانحراف تحت ستار الزوجية، فلعل المرأة تجد زوجا آخر أصلح من طليقها، ولعل الرجل يجد زوجة أخرى تطيب له وتشبع رغبته وبغير المصارحة والوضوح بين الزوجين، لن يتم حل هذه المشكلة والقضاء على جميع تبعانها، وكل حل خارج احكام الشريعة الاسلامية، لن يكون حلا حاسما، بل قد يؤدي الى تفاقم المشكلة، من خلال توالد مشاكل اخرى اخطر واعقد، تفت في عضد المجتمع، وتشيع الفساد في جنباته، ما لم يتم حسمها بالحل الشرعي، في الوقت المناسب.

[هدى الجيجلية]

السلام عليكم
أختي
بارك الله فيك
على هذا الموضوع
الحساس
فعلا الخيانة أبشع ما يكون
من كلتى الطرفين
الزواج تم وكل واحد بيدي نصيبه
في هذه الدنيا
مش الرجل أو المراة يتزوجان
بظغط من العائلة
ومنبعد فترة
يرجعان لاحبتهما
الله يستر علينا
يارب

[dalomak]

ربي يحفضنا و عافينا من هذه الافات

[rafik__87]

ممممممممممممم هل يحق للرجال المشاركة ؟

[همس-الياسمين]

شكرا لمروركم جميعا ولردودكم العاقلة وان شاء الله ربي يبعد عنكم الخيانة وشرها
اهي رفيق بامكانك طبعا المشاركة ههههههههه الموضووع للجميع وانا كتبته بصيغة الانثى لاني كتبته في قسم العرائس وتم نقل الموضوع هنا لذلك اعتذر ان كان خطابي موجها للاناث فقط ...الموضوع للجميع

[المؤمن كالغيث]

موضوع تقشعر منه الابدان .
الزنا دين عليك تسسديده يوم من الأيام

[belkacem islam]

ربي يجيب الخير في هذا الوقت