مقروط اللوز العزيز

[fatimazahra09]

السلام عليكم ...



هاذا مقروط اللوز نتاعي ونبغيه على شكل بيضة و الحقيقة انا معتمدة طريقتي في صنعه اللوز و يجيني على حساب الناس لي ذاقوه هايل .... و هي الوصفة هادي :3 عبار لوز - 1 عبر سكر عادي - مبشور الليمون ( كل 100 غ لوز 1 م ك مبشور ليمون ) وشوية زبدة مع اللوز ونلم اللوز بيضة كاملة ثم بصفار .....و يطيب 7 د على الاقل بلون فاتح ذهبي ... نديروه في شاربات خفيف 2 كيسان ماء مع 1 كاس سكر يغلو شوية ونخلوه يبرد... ونغطسو المقروط و نقطروه مليح و نحطوه في بسينة كبيرة نتاع سكر قلاصي و نغموه ونخليوه 10 الى 15 د و من بعد ننفضوه شوية ونسويوه من فوق .... المهم
اطلعت على وصفة اخرى كان فيها تغيير بسيط لاكن الفرق كان كبير و باينة للاحسن وهو في مكان الزبدة العادية لي نحطوها نديرو زبدة التوريق ... والنتيجة مذهلة ورايحا تحسي بمقروط خفيف على المقروط العادي ....وبغيت تاني نتقاسم معاكم افكار هادي الوصفة https://www.youtube.com/watch?v=rLcM2jd4AOc
والطريقة خاصة للاخوات لي يهابو يجربو مقروط اللوز ويخافو العبارات...رايحين يفهمو كلشي بالغرام وانشاء الله يستافدو من الوصفة ... والله افكار رائعة