مشكل مع dhl الجزائر .. - بدون رد في منتدى الإستفسارات ..

[WTRUST4]

السلام عليكم ورحمة الله وبركاته
لقد قمت بشراء هاتف وقمت بشحنه عبر DHL ..
السؤال الأول : كم تقعد من DHL China to DHL Algeria ?

والبروبلام راني عيطت لDHL الجزائر ، قالو لي ممنوع دخول الهواتف عندنا
وقمت بمراسلة الموقع الذي اشتريت منه ، وقالو لي منقدروش نرجعوه وهو راه في وسط الطريق
يعني حتان كي يلحق عندي بش أنا نرجعو ،

الشحنة أرسلتها عبارة عن جيفت في تاريخ 09/11/2013
ولحد الآن لم يتم إرسال إشعار بجمركته أو شيئ أخر
ننتظر الخبراء ..

[biskrius]

نصيحة لوجه الله :
قالوا ممنوع دخول الهواتف ؟؟؟ قوللهم يعطوك القانون !!!
صدقني يا خويا و الله ما كان لا قانون لا والو ,,,, و لكن كاين الكذب و السرقة و الغش ووووووووو
الكثير من الناس اشترت هواتف و لحقت ، الكثير من الناس اشتروا ممنوعات و لحقت ؟؟؟؟
و الله العظيم و الله العظيم و الله العظيم
القانون لا يمنع الهواتف ،و و لا يمنع دخول الهدايا و الطرود البريدية الشخصية
لكن هذي الشركات مثل dhl ما لقاوش شكون اللي يقولهم " فيقوا لرواحكم "
إذا كان عندك معريفة صحيحة أشكي بيهم لوكيل الجمهورية ،،،و أكيد سيدخل هاتفك بلا مزيتهم هذوما ولاد لقــ
تحياتي
و أسأل الله لك التوفيق و دخول هاتفك

ملاحظة /// لا تخف لأنك صاحب حق و هم من يتعدى على القانون و ليس العكس

[امير03]

الهواتف لست ضمن القائمة المحظورة و يمنع شحنها للجزائر هذا حسب موقعهم الخاص بالجزائر
اعد الاتصل بيهم و استفسر حول هذا الامر للان الهاتف امر عادي ليس بسلاح او مخذرات

[WTRUST4]

المشاركة الأصلية كتبت بواسطة امير03

الهواتف لست ضمن القائمة المحظورة و يمنع شحنها للجزائر هذا حسب موقعهم الخاص بالجزائر
اعد الاتصل بيهم و استفسر حول هذا الامر للان الهاتف امر عادي ليس بسلاح او مخذرات

بارك الله فيك ، أك تشوف بورطابلات مخلوعين فيهم ، قالك منخلوهمش يدخلو .. تقول ألماس ولاّ وشنو ..

المشاركة الأصلية كتبت بواسطة biskrius

نصيحة لوجه الله :
قالوا ممنوع دخول الهواتف ؟؟؟ قوللهم يعطوك القانون !!!
صدقني يا خويا و الله ما كان لا قانون لا والو ,,,, و لكن كاين الكذب و السرقة و الغش ووووووووو
الكثير من الناس اشترت هواتف و لحقت ، الكثير من الناس اشتروا ممنوعات و لحقت ؟؟؟؟
و الله العظيم و الله العظيم و الله العظيم
القانون لا يمنع الهواتف ،و و لا يمنع دخول الهدايا و الطرود البريدية الشخصية
لكن هذي الشركات مثل dhl ما لقاوش شكون اللي يقولهم " فيقوا لرواحكم "
إذا كان عندك معريفة صحيحة أشكي بيهم لوكيل الجمهورية ،،،و أكيد سيدخل هاتفك بلا مزيتهم هذوما ولاد لقــ
تحياتي
و أسأل الله لك التوفيق و دخول هاتفك

ملاحظة /// لا تخف لأنك صاحب حق و هم من يتعدى على القانون و ليس العكس

بارك الله فيك ، صح وش راك تقول ، وإن شاء الله راني نقولها لهم
ونعرفو بلي DHL هي أسوأ شركة خاصة للشحن ،
الموقع قلت لهم أشحنوه عبر البريد الحكومي السريع العالمي : EMS
قالو لي إيه خلاص ومكانش حتان مشكل ،
ومع التالي كي مدولي التراك نمير لقيتو في DHL والموقع قلك سوري سوري ..
الموقع : www.dx.com ، معجبنيش الموقع في الشحن .. يتمسخرو ..

[always1]

ems
بتجربة خاصة
ممنوع ايظا الهاتف
التلفزيون المذياع الثلاجة
كل شركات الشحن السريع ممنزع
ولي قالقك ماش محظور يجيبنا وثيقة
اخي روح موقع الجمارك تلقى كل المحظورات بينها الهاتف

[biskrius]

المشاركة الأصلية كتبت بواسطة always1

ems
بتجربة خاصة
ممنوع ايظا الهاتف
التلفزيون المذياع الثلاجة
كل شركات الشحن السريع ممنزع
ولي قالقك ماش محظور يجيبنا وثيقة
اخي روح موقع الجمارك تلقى كل المحظورات بينها الهاتف

شوف يا الأخ أولوايز
لازم الواحد يتكلم و يطرح أفكار يتقبلها العقل و ليس " راهم قالوا "
الجمارك تمنع وفق قوانين الدستور الجزائري ،و الممنوعات حسب الدستور هي كل شيء يمس بالأمن الوطني ( الدولة و المواطن ) و القائمة طويلة عريضة و الحمد لله أطلعت عليها سابقًا ،،،و أؤكد لك كذلك أن المنع ليس المنع بالصفة الكاملة بل الكثير من تلك الأشياء تتطلب رخص معينة ..
مثلا ممنوع عليك تدخل " قارورة ويسكي " - أكرمكم الله - في حين مسموح بإدخالها لكل مستورد مستوفي شروط الإدخال من رخصة و ضرائب ..يعني " قارورة " واحدة ممنوعة على أي مواطن ، و حاوية فيها الألاف مسموحة ...
هذا مثال فقط و الحديث قياس ...
الأمر المؤكد الموجود في موقع الجمارك أن الجمارك لا تمنع الطرود الشخصية لأي كان و مهما كان المحتوى مادام للإستعمال الشخصي .
و السلام

[always1]

البسيكري
هاتلنا هاذي الوثيقة
اذا اطلعت عليها و ريحنا
ننتظر العنوان الرابط

[biskrius]

المشاركة الأصلية كتبت بواسطة always1

البسيكري
هاتلنا هاذي الوثيقة
اذا اطلعت عليها و ريحنا
ننتظر العنوان الرابط

Néanmoins, sont exclues toutes marchandises importées ou exportées à des fins commerciales.

Vous bénéficiez :

- La franchise des droits et taxes, sans déclaration et sans formalités, pour vos objets et effets à usage personnel ou familial dont la valeur n’excède pas cinquante mille (50.000) DA
- D’une taxation forfaitaire aux conditions suivantes :
- Vos effets doivent être à l’état neuf ;
- Leur valeur ne doit pas dépasser cent mille (100.000) DA, et ne représentent aucun caractère commercial


المصدر : https://www.douanemobile.dz/

[always1]

المشاركة الأصلية كتبت بواسطة biskrius

néanmoins, sont exclues toutes marchandises importées ou exportées à des fins commerciales.

Vous bénéficiez :

- la franchise des droits et taxes, sans déclaration et sans formalités, pour vos objets et effets à usage personnel ou familial dont la valeur n’excède pas cinquante mille (50.000) da
- d’une taxation forfaitaire aux conditions suivantes :
- vos effets doivent être à l’état neuf ;
- leur valeur ne doit pas dépasser cent mille (100.000) da, et ne représentent aucun caractère commercial


المصدر : https://www.douanemobile.dz/

شكرا لكنني اريد الرابط مباشرة كي اقراه من الموقع
انت وضعت ليل موقع الحمارك فقط مثلا الصعحة لي فيها واش كتبته انت توقف فيها و اعمل كوبي للينك العنوان قم ارسله
شكرا الكتيبة لا تملي عيني اخي بسيكري اريد ملموس
شكرا

[WTRUST4]

المشاركة الأصلية كتبت بواسطة always1

ems
بتجربة خاصة
ممنوع ايظا الهاتف
التلفزيون المذياع الثلاجة
كل شركات الشحن السريع ممنزع
ولي قالقك ماش محظور يجيبنا وثيقة
اخي روح موقع الجمارك تلقى كل المحظورات بينها الهاتف

أك تقول بتجربة خاصة ، ومخلوكش تدخل الهاتف
التلفزيون المذياع الثلاجة ، قولنا كيفاش درت دخلتهم للدزاير وقلت لهم علاش ممنوع ووين راه القانون لي يمنع؟
أووخلصت عليهم ، ولا رجعتهم للمصدر ؟ وشكراً

المشاركة الأصلية كتبت بواسطة biskrius

شوف يا الأخ أولوايز
لازم الواحد يتكلم و يطرح أفكار يتقبلها العقل و ليس " راهم قالوا "
الجمارك تمنع وفق قوانين الدستور الجزائري ،و الممنوعات حسب الدستور هي كل شيء يمس بالأمن الوطني ( الدولة و المواطن ) و القائمة طويلة عريضة و الحمد لله أطلعت عليها سابقًا ،،،و أؤكد لك كذلك أن المنع ليس المنع بالصفة الكاملة بل الكثير من تلك الأشياء تتطلب رخص معينة ..
مثلا ممنوع عليك تدخل " قارورة ويسكي " - أكرمكم الله - في حين مسموح بإدخالها لكل مستورد مستوفي شروط الإدخال من رخصة و ضرائب ..يعني " قارورة " واحدة ممنوعة على أي مواطن ، و حاوية فيها الألاف مسموحة ...
هذا مثال فقط و الحديث قياس ...
الأمر المؤكد الموجود في موقع الجمارك أن الجمارك لا تمنع الطرود الشخصية لأي كان و مهما كان المحتوى مادام للإستعمال الشخصي .
و السلام

بارك الله فيك على هذه المعلومات ـ كفيت ووفيت

[aminedu45]

يا خويا انا شريت 2 تيليفونات مع بعض من الصين راسلتهم في صفحتهم على فايسبوك صوناولي قالولي هاتف ممنوع يدحل للجزائر بدي اش ال قلتلهم راهم جاينني زوج كيفاش وآحد فات ولوخر لا قالتلي آآه اصبر ايملا ،، كذابين مديرش عليهم

[zidanehicham]

الديوانة راهم يقولو الهواتف مع شركات النقل السريع ممنوع خاطرش تتمركا فالسيستام عندهم وهاد القانون موجود في قانون المالية ومصادق عليه رئيس الجمهورية
ولا بغيت تجيب تليفون مع هاد الشركات معليك سوى تجيبلهم رخصة من عند سلطة ضبط البريد وتخلص ترونزيتور اهنا تخرج تيليفونك عادي
اماااا مع البريد العادي التيليفونات تفوت 99 بالمائة خاطرش ما تتمركاش فالسيستام تسما مكاش لاتراس بصح نتا وزهرك شا يوصلك ( قادر توصلك القابسا والكابل ولا يوصلك الشارجور ولا يوصلك كلش انتا وزهرك ,,,,,,,,!!!!!
ولي بغا يشووف القانون يروح عند الديوانة ويوروهولو علاش رانا نهدرو فالوسع غي هاك ؟؟!!!!!

[always1]

البسيكري اينك لم ترد علي ؟؟؟
قلنا لك هاتنا هاذاك القانون باش تشوفوه ديركت من السيت انت ربت و اسكت
هاذا يجعلني نخمم تفكير سلبي ضدك اي انك تخترع في الكلام و تحطه لانك لم تضع اي رابط يبين كلامك

[hakimskikda]

المشاركة الأصلية كتبت بواسطة always1

البسيكري اينك لم ترد علي ؟؟؟
قلنا لك هاتنا هاذاك القانون باش تشوفوه ديركت من السيت انت ربت و اسكت
هاذا يجعلني نخمم تفكير سلبي ضدك اي انك تخترع في الكلام و تحطه لانك لم تضع اي رابط يبين كلامك

السلام عليكم أخي أنظر هذا الرابط ربما هذا هو الذي تحدث عنه الأخ البسكري

https://www.douane.gov.dz/Information...voyageurs.html

[WTRUST4]

المشاركة الأصلية كتبت بواسطة aminedu45

يا خويا انا شريت 2 تيليفونات مع بعض من الصين راسلتهم في صفحتهم على فايسبوك صوناولي قالولي هاتف ممنوع يدحل للجزائر بدي اش ال قلتلهم راهم جاينني زوج كيفاش وآحد فات ولوخر لا قالتلي آآه اصبر ايملا ،، كذابين مديرش عليهم

الحمد لله لي فات الأول : خير من لي مايفوت واحد ..
قلي كيفاش درت حتان فات الأول ؟ ، أبعثتو عبارة عن جيفت والثاني وش راك درت جيفت كذلك ؟
وهل غير إسم الشحنة ، لكي لا يتم تفتيشها ؟

المشاركة الأصلية كتبت بواسطة zidanehicham

الديوانة راهم يقولو الهواتف مع شركات النقل السريع ممنوع خاطرش تتمركا فالسيستام عندهم وهاد القانون موجود في قانون المالية ومصادق عليه رئيس الجمهورية
ولا بغيت تجيب تليفون مع هاد الشركات معليك سوى تجيبلهم رخصة من عند سلطة ضبط البريد وتخلص ترونزيتور اهنا تخرج تيليفونك عادي
اماااا مع البريد العادي التيليفونات تفوت 99 بالمائة خاطرش ما تتمركاش فالسيستام تسما مكاش لاتراس بصح نتا وزهرك شا يوصلك ( قادر توصلك القابسا والكابل ولا يوصلك الشارجور ولا يوصلك كلش انتا وزهرك ,,,,,,,,!!!!!
ولي بغا يشووف القانون يروح عند الديوانة ويوروهولو علاش رانا نهدرو فالوسع غي هاك ؟؟!!!!!

شحال نخلص عند سلطة الظبط , وأسكو يعطلوني ويبطاو بش يعطوني الأتوريزاسيون ، ولا تم تم ؟

المشاركة الأصلية كتبت بواسطة always1

البسيكري اينك لم ترد علي ؟؟؟
قلنا لك هاتنا هاذاك القانون باش تشوفوه ديركت من السيت انت ربت و اسكت
هاذا يجعلني نخمم تفكير سلبي ضدك اي انك تخترع في الكلام و تحطه لانك لم تضع اي رابط يبين كلامك

نرجو النقاش بهدوء والخروج بنتيجة وعدم تكرار الأخطاء التي تتم في التجارة الإلكترونية ، ونرجو من المشرفين التنبيه لهذا الأمر
لآن عدم معرفتي بأمور الشحن السريع بمعوملومات مهمة .. جعلنا أحط رحالي في هذا الخطأ..

يعني من المشرفين ينشأو موضوع ، ويقولو فيه ، الهواتف و ألخ .. راهم ممنوعين في الشحن السريع .. كي يكون الجميع دراية بهذا الأمر

وشكراً لكم جميعا ً