عاونوني راني محتاجة اقتراحاتكم

[مشكلتي]

السلام عليكم
واش حوالكم من فضلكم اعينوني والله راني مقلقة بزاف واعصابي راهي مشدودة والدنيا ضياقت عليا ما لقيت وين نحكي ونشاور
قصتي بإختصار انا فتاة في عائلة محافظة جدا جدا الحمد لله كلنا تربينا تربية صالحة الا اختي الصعيرة " نجحت الباك هاد العام" خرجت جايحة وتتكلح ثم ثم المهم احنا في عائلتنا مناش نتاع علاقات وعيب هي اكتشفت انها دايرة هاتف تحكي مع " واحد" اكتشفت ثلاث مرات كل ما نكتشف ونحيهلها تزيد تجيب المهم حتى وليت منقدرش لكن في الآونة الاخيرة دارت حاجة عقلي ما قبلهاش وراني مقلقة هادا الشخص لي تحكي معاه قالها معنديش الدراهم ومنيش خدام وراني محتاج راحت اعطاتو ستة مئة ألف وجات قاتلي راني عطيتهالو علاخاطر مسكين راهو محتاج و و و وو انا الأرض دارت بيا ودوكا القلقة تقتل فيا ما لقيت كيفاه لوكان نخبر خوتي يقتلوها اكيد لمجرد يعرفو راهي دارت علاقة من وراهم ومن جهة اخرى امي مريضة بمرض الوسواس والقلق لوكان نخبرها علابالي تمرض وتتقلق بزاف والله راه كلش مغلوق في وجهي ملقيت كيفاه ندير لهاذ الطفلة حكيت معاها وفهمتها لكن نلقا جواب واحد تقولي علاش ديري هكذا وهدا شي عادي ومافيها والووو


كيفاه ندير عاونوني ربي يعيشكم

[Anoir N]

لازم تهدديها بلي راح تقولي لخاوتك
وإذا عاندت قوليلهم قبل ما دير حاجة كبيرة

[nibrasse 76]

هذه القضية لا تحتاج للتفكير اساسا ..وعليك مثل ذنبها او اكثر ...على الاقل لا تخبري العائلة بما تفعله كله لكن اخبريهم بانها تملك هاتفا مثلا

[blue.sky]

راني خايفة راهو ورطها في كاش مشكل وراهو يهدد فيها باه تعطيه الدراهم قولي لامك ومتخافيش راح تحبسها عند حدها
اذا ضاعت اختك وانت ساكتة راح تدي الذنب معاها اسرعي وانقذي اختك اذا تحبيلها الخير

[بلسم غرام2018]

اخيتي عليك بالتصرف مسرعه هذا مفيهش لع خلي ياو وزيد تمدلوا في الدراهم اخبري عائلتك
او احد معارفك ممن تثقين به واقول تثقين به وتعلمين انه على خلق ودين ولن يفشي لك سرا وهكذا ستحل بادن الله
اخبري احد اقاربك
وهو يروح لهذ الشخص ويوقفوا عند حدوا قبل ما تتطور الامور

[السي محمد]

انزعي الهاتف من عندها

مبدئيا

[صالح القسنطيني]

حديثي العاقل من إخوتك فمثل هذه المواقف للرجال

و أختك في خطر عظيم لأن عاطفتها أعمت قلبها و غطت عقلها

و قد تستغل استغلالا فاحشا

بل قد تكون في ورطة كبيرة و هددت اذا لم تاتيه بالمال فانه سيفضحها

و قد تكون سحرت بكذبه فهان عليها ما تملك من اجله

و قد و قد و قد

المهم حدثي العاقل منكم قبل فوات الأوان كما يقال

[samira135]

ممكن تقولي لأهلك ما يخلوهاش تقرا لانو اغلب الآباء إذا اكتشفو شيء مش مليح على بناتهم ما يخلوهمش يخرجو
وهنا رايحة تحسي بتأنيب الضمير لانو مستقبل اختك ضاع

ومن جهة اخرى اذا ما خبرتيش اهلك ممكن كي تقرا في جامعة تزيد تضيع

إحترت في بلاصتك انتي ادرسي كل الاحتمالات اذا خبرتيهم واش يصرا و اذا ما خبرتيهمش واش يصرا

[naamane3]

حاولي ان تجلسي مع اختك وتفهميها ان
ماتفعله حرام ويغضب رب العالمين قبل اهلها
وانها في الأخير سوف تندم أشد الندم
وانها واقعة في الغلط لا محالة طال الزمان او قصر
واعلميها ان المجتمع لا يرحم فان سقطت وجات الطوبة
في المعطوبة فلن ينفعها أحد حتي ولو كان من تصرف عليه
قوليلها أقعدي مع روحك وعاودي حساباتك وخممي بعقلك وليس بقلبك
والله المستعان

[sweetal16]

مرحبا : يا أختاه انت تقولين بأن أختك جامعية ولذلك لا أظنها غبية كما تتصورين هذا الشاب الذي وصل الحد بها لتعطيه مبلغا كهذا ليس بالشيء الهين قد تكون أختك أعطته شيئا جعله يتحكم في تصرفاتها أعني قد تكون زنت معه وأرجو ان لا يكون هذا هو السبب لكن هناك كثيرا من القصص المشابهة حيث يجر الشاب الفتاة ثم يزني بها ويبتزها بعد ذلك بالمال . والحل يا أختاه سواء هذا أو ذاك لابد من العلاج لان المرض قد وقع .حاولي ان تستدرجيها لكي تصارحك وانها أمامها فرصة ذهبية لتصلح ما افسدت وأن الكثير من الشابات مثلها قد وقعوا بسبب ألسنة الشباب المعسولة واخبريها انها حتى لو زنت أو قبلها وربما صورها وهددها بفضحها فسينجيها الله وفي كل الأحوال الرجوع الى الحق خير من التمادي في الباطل حاولي الاتصال بصديقاتها ربما يساعدونك على هدايتها .ارجو من الله ان تعود المياه الى مجاريها وربي يحفظ عائلتك

[جواد رامي]

تقترب منها اكثر من اي شخص آخر ..
وتعرف مشاكلها وهمومها وما تحتاج اليه وماكان ينقصها في السابق واسباب تغيرها من دون شده ابدآ بل بكل رفق ولين ..
الشده لن تعيدها الى الحق , قد تعود مجبره لكنها لن تستمر طويلآ الافضل ان تعود بالاقناع المنطقي ، عليك ان تسألها عن حياتها بهذا الشكل هل ترضيها وهل ستكون بعد 25-35 سنه راضيه عن حياتها الآن ام انها ستندم عليها ؟ وهل ستفتخر بشبابها وماضيها عند بناتها واحفادها ام سيكون عليها عار وسيكون ماضيها سجل اسود تخجل من تذكره ، عليك ان تعطيها مثل هذه الاسئله التي تفتح عقلها وتبتعد عن النصائح التقليديه الممله التي لاتنفع بشيء .

[حمـادة]

المشاركة الأصلية كتبت بواسطة صالح القسنطيني

حديثي العاقل من إخوتك فمثل هذه المواقف للرجال

و أختك في خطر عظيم لأن عاطفتها أعمت قلبها و غطت عقلها

و قد تستغل استغلالا فاحشا

بل قد تكون في ورطة كبيرة و هددت اذا لم تاتيه بالمال فانه سيفضحها

و قد تكون سحرت بكذبه فهان عليها ما تملك من اجله

و قد و قد و قد

المهم حدثي العاقل منكم قبل فوات الأوان كما يقال

انا معك في الراي خويا
الاخت لازمك تتصرفي ماتتبقايش خايفة منها على خوتك لانو يقتلوها خوتك كيما قلتي خير مايقتلها التصرفات نتاعها و لا الشاب لي راها معاه
يااختي انا ننصحك باش ليوم ديري حد لاختك و ربي يهديها و يهديك للصواب ان شاء الله

[تاءبة]

يا اختي لازم اعليك تحكي لواحد من خاوتك ليكون شوية عاقل باش يتصرف في السكوت قبل لاقدرة اااله تصير فضيحة وزيد تفضحيها مع داركم احسن ماتفضحكم قدام الناس داركم مادام راهم محافضين راهم مايستهلوش وربي يفرج عليك ويهدي اختك

[samira135]

هديها انك تقولي لداركم وقوليلها انو اذا عرفو الدار اكيــــــــــــــــــــــــــــد ما يخلوكش تقراي في جامعة و يحجبوك و الله رايحة تخاااف ومستحيل تتخلى على دراستها و حلم الدخول للجامعة علاجال علاقات عابرة وفي نفس الوقت انصحيها وتقربي منها باش تعود تحكيلك

[islam02]

انا نعرف قصة مشابهة لهذه القصة وللاسف وصلت للعدالة .حيث انا شاب سيئ الاخلاق ضحك على وحد ةاوصورها صور مخلة للحياء وبدا يبتزها بهذ الصور .امالا خبري خوتك تبكي هي اوماتبكوش كامل اوتتبهدلوا .