حائرة ..

[مشكلتي]

السلام عليكم
انا طالبة سنة 4 طب
تقدم لخطبتي الكثير من الرجال ميسوري الحال و لم اقبل لانني صراحة حاطة واحد في بالي ( ملاحظة انا مدخلتش في اي علاقة محرمة )
هذا الشخص يحبني و صراحة انا يعجبني برزاف من الثانوية و طلب مني انتظاره و انا لم اقبل و لم ارفض ... حتى جاء يوم كان على قد كلمتو و حب يخطبني و قللي واش راكي شارطة انا قابل ... المشكل امي لان مستواه تعليميا متدني عن مستواي ... رفضته ولازالت ترفضه لذلك مع انه من عائلة محترمه و حابتني نتزوج بالمرفه اللي عندو مكانة في المجتمع ... هي امي و تخاف عليا لكن حابة نأكدلها بللي هاداك راجل مشي منوالا ...
عاونوني خاوتي

[زكرياء الأوراسي]

كيفاش عرفتيه راجل ونتي مادخلتيش معاه في علاقة؟؟؟
نصيحتي ليك استخيري ربي وخلي الرجال هوما لي يصرفو في هاذ الامور ماوش النسى وزيدو سقسيو اعليه

[Angleeyes]

صلي استخارة و ادعي ربي يكون من نصيبك

[عين مليلية]

تناقض صريح

[amine9mm]

جيت نفهم موخي تفورماتا يعني تهدري معاه وتقولي مكانش علاقة محرمة وتزيدي تستنايه اغريبة كرة المجتمع الجزائري

المهم اختي انصحك في وجه الله غير تزوجي وخطيك مل شكيل

[أم احمد3]

يعني قلبك يميل اليه استخيري غير ربي يعرف وادعي الا كان راجل مليح يقربو ربي والا كان غير ذلك يبعدو ربي وهذا كل صلاة راح تشوفي قلبك يتغير او العكس

[kmilya]

مدام يحبك وتقدملك في الحلال وانتي باغياتو ادي لي تحبيه نتي
نتي لي راح تزوجيه ماشي مك
صح هي بغاتلك المليح مي سوارد ماهمش كلشي في هاد دنييا
حاولي تقنعيها

[mouhbench]

لا حول ولا قوة الا بالله

[Hind_dz]

أولا لازم تحاولي تقنعي امك و اذا صح راجل من والا بينيلها نتي علاه و واش هو الشي اللي يخليك تقولي عليه هك،، لازم تعطيها أدلة باه تقنع و تقبل،، بصح مالازمش نتي تاني تيبسي راسك و ما تحوسيش تفهمي،، قادرة تكون امك عندها الحق،، لازم تصلي صلاة الاستخارة و اللي فيه الخير يجيبهولك ربي..

[mouhbench]

سنة 4 طب ولا تعرفي الفرق بين العلاقة المحرمة و العلاقة المباحة !!!!!!!!!!!!!!!!!!!!!!!

[بلسم غرام2018]

صلي استخارة و ادعي ربي يكون من نصيبك

[امينة 1991]

انصحك بصلاة الاستخارة وبالاستغفار والدعاء , وحاولي اقناع امك ان المال ليس السبب الرئيسي للسعادة

[النجمة القطبية]

المشاركة الأصلية كتبت بواسطة مشكلتي

السلام عليكم
انا طالبة سنة 4 طب
تقدم لخطبتي الكثير من الرجال ميسوري الحال و لم اقبل لانني صراحة حاطة واحد في بالي ( ملاحظة انا مدخلتش في اي علاقة محرمة )
هذا الشخص يحبني و صراحة انا يعجبني برزاف من الثانوية و طلب مني انتظاره و انا لم اقبل و لم ارفض ... حتى جاء يوم كان على قد كلمتو و حب يخطبني و قللي واش راكي شارطة انا قابل ... المشكل امي لان مستواه تعليميا متدني عن مستواي ... رفضته ولازالت ترفضه لذلك مع انه من عائلة محترمه و حابتني نتزوج بالمرفه اللي عندو مكانة في المجتمع ... هي امي و تخاف عليا لكن حابة نأكدلها بللي هاداك راجل مشي منوالا ...
عاونوني خاوتي

شوفي مش راح نعرف ننصحك لاني اعتبر الزواج التقليدي افضل ورضا والوالدين امر اكثر من ضروري
نقولك فقط فكري جيدا وتشاوري معاها وحاولي تفهمي منها وجهة نظرها بالاك عندها الحق ولا اعتقد ان ام تخاف على ابنتها ستفكر بمادية بحتة مستحيل اكيد حاباتك تحسني الاختيار ليس اكثر والله اعلم
الله يوفقك

["المثوكلة علي ربها"]

sali al istikhara touma adou3aa wa dou3aa wa dou3aa w matkhalich hyetek mebniya 3la insen wehed istakhiri rabi fi koul mara

[سوسو92]

اذا شفتيه ناس ملاح حاولي تقنعي يماك وصلي صلاه الاستخارة
وربي يقدر الخير