السلام عليكم
انا راني نفوت فيها في بجاية وراني من دفعة 15 مارس وكملنا سطاج وقاعدين نستناو في الميطاسيون
وضرك راني بارميسيون غدوة نمشي
صدقني خويا ماش رايح تندم بجاية من احسن المدارس ومافيهاش خدمة ياسر
والسطاج والتدراب ماشي حاجة كبيرة اضعف واحد يقدر يفوتهم
بلاصة باهية ونظيفة وكل شيء مليح ثم
حتى البورطابل ومسموح بيه في السطاج من اول يوم تدخل
اما الحوايج لي لازم تجيبهم معاك باينين
الملابس الداخلية ولي ديبوردار وجيب معاك سيرفات باه تبدل بيها وترقد بيها
وجيب ادوات النظافة
وكثر من ليجوطابل تاع الحفافة وما يشقاش تجيب ليلام ومقص المهم الاشياء الحادة كامل ممنوعة
واما البرنامج لثم يكون هكذا
تنوض على 5.00 ومن بعد تطلع تفطر على 5.30
من بعد ترجع للشالي وكل واحد يسيق الشامبرة تاعو وتريقل امورك توصل 7.00 يصونيلكم وتهبطو لساحة التدراب تغنيو قسما والشعار الوطني ويطلعو العلام والخدمة تبدا 7.30
شوي تدراب خفيف ماشي حاجة صعيبة
وجوايه 11.00 تطلعو للشنابر تروبوزييو وكي تلحق جوايه 13.30 ولا 14.00 تطلعو تتغداو وكي ترجعو العشية تلقا الكورفي يستنا
وهو شوي حشيش تنحيه
في بجاية عندك ماتخدم حشيش
وكي توصل 4.00 نهاية العمل تجيبها في الشامبرة وقاعد
اليامات الاوليين ممنوع الفوايي
ومن بعد تستنى تلحق 19.00 تطلع تتعشا السانك سانك ههههههههههه
ومن بعد تهبط روسومبلومون على 20.00 ومن بعد روح ترقد
تباتو في شنابر من 6 ل8 عباد
الدوش خطرة في السمانة
الضباط بالاربعاء وصف ضباط بالخميس
الزيارة كاينة كل جمعة وسبت
الجمعة من 14.00 حتى لل18.00
والسبت من 09.00 حتى لل18.00
وهيذ هي الملخص
واول بارميسيون راحيين تديوها بعد شهريين و10 ايام
( تقرير عن مشاركة سيئة )، و الموجودة أسفل كل مشاركة .
2013-08-16, 22:43
سؤال من طالب ضابط احتياطي في eag بجاية
العرض العادي
