ساعدوني

[مشكلتي]

نا اعاني من السمنة لدى اريد الحصول على اعفاء بش منعقبش باك سبورتيف

ما عندي حتى فكرة علا الامتحان و مانيش حاب ييهبطولي لا موايان بالنقطة تع السبور واش هي اضعف نقطة ممكن يعطوها؟وسمعت بلي كاين لي يدو 20 فيها سما اذا يعطو نقاط ملاح منديرش ديسيبونس عاونوني رجاءا

[أمة الله 12]

يا أخي أظن أن أقل نقطة 15 أو 16 و الله أعلم

و لا انصحك بأن تستخرج شهادة اعفاء

بخصوص السمنة اشتري قارورة خل التفاح و نعود بعد كل وجبة على شرب نصف كأس ماء فيه ملعقة صغيرة من هذا الخل

بالمداومة سينقص وزنك باذن الله و من دون الرجيم المزعج هههههههههه

[اَشْرَفْ اَنيِسْ]

نعم كاين لي يديو فيها 20 كيما خويا
+ + +
اسئلي مديرية التربية لولايتك و هي تخبرك ماذا تغعلين و شكرا

[الشاعرة الناعمة]

الرياضة مليحة و بالعكس من الأحسن ديري و العلامة يمدو مليح ماتخميش

[كوثر 20]

اختي انت فوتيها وما كي خاسرة والو وما تحصيش هما يطلبو منك تجمعي على خاطر صاحبتي صرالها كيمنهاك ولا اختي ديري اعفاء وربي يوفقك ويكملك واش راكي متمنيا وان شاء الله تنجحي اختي

[Madrid_Flower]

السلام عليكم

اختي اذا كان مستواك الدراسي عالي و متحتاجيش نقطة الرياضة باه تطلعي المعدل ننصحك تروحي عند الطبيب المدرسي و تقوليلو المشكلة نتاعك و اذا ماحبش روحي عند طبيب قريب من معارفكم و قوليلو يديرلك شهادة عدم القدرة على تخطي الامتحان

بصح اذا كنتي محتاجة نقطة الرياضة فعليك بالاجتهاد و التفاؤل ( و راهم يتساهلو متخافيش ؛) )


بالتوفيق ان شاء الله

[rymahamdi]

و انا ساعدوني اريد ان اكتب مشكلتي لكني لم اعرف

[أم الولدين]

انا من راي ما تعمليش اعفاااء من الرياضة لانه مهما كانت نقطة الرياضة اسوء راح تكون 15 وراح تساعدك في المعدل
يعني خليها لله و السمنة ماهيش مشكل كبير كاين طرق عدة حاولي تنقصي بها وزنك
ربي يعينك

[جيهـــاان~]

المشاركة الأصلية كتبت بواسطة مشكلتي

نا اعاني من السمنة لدى اريد الحصول على اعفاء بش منعقبش باك سبورتيف

ما عندي حتى فكرة علا الامتحان و مانيش حاب ييهبطولي لا موايان بالنقطة تع السبور واش هي اضعف نقطة ممكن يعطوها؟وسمعت بلي كاين لي يدو 20 فيها سما اذا يعطو نقاط ملاح منديرش ديسيبونس عاونوني رجاءا

إن كنتِ تمارسين الرّيااضة في ماادة التّربية البدنيّة
فلمَ اللّجوء إلى الإعفااء ؟؟ ...
أمّاا إن كنت لا تمارسينهاا فقدّمي نفس ورقة الإعفااء التي قدّمتهاا
للمؤسسة التي تدرسين بهاا إلى الهيئاات المعنيّة ...
وإسألي إداريّي مؤسّستك لإفاادتك بمعلوماات أكثر ...

المشاركة الأصلية كتبت بواسطة rymahamdi

و انا ساعدوني اريد ان اكتب مشكلتي لكني لم اعرف

إسم المستخدم : مشكلتي
كلمة المرور : 123456
طالعي أكثر هذا الموضوع ...
مثبــت: هام جدا : يمكنك الكتابة في هذا القسم لكن كيف ؟

[بَلقِيـس]

اختي الباك مازال احال عليه ممكن تنقصي 10 كلغ على الاقل
حاولي تمارسي تمارين الخمس دقائق
اذا بغيتي نعطيهملك ابعثيلي رسالة و نعطيهملك عادي
++++
العبي احسن ماكي خاسرة والو
و احذري تستخدمي منتجات مثل الخل او اي شيء لانو يدير الدود ف المعدة او يسببلك مرض من الحموضة بزاف