نداء الى جميع الخياطات الفحلات عامة وسطايفية خاصة ساعدوني

[خولة الجزائرية]

السلام عليكم البنات

واش راكم ؟

ان شاء الله تكونو بخير

نشكر جميعا فحلات المنتدى على مجهوداتهم الطيبة

خصوصا الاخت سطايفية استفدنا منك الكثير ننتظر المزيد من ورشاتك

أول نطبكم في هذا القسم وان شاء الله يلقى طلبي التفاعل المتوقع


انا مبتدئة في مجال الخياطة ....خيطت حوايج بسيطة

هاذ المرة حبيت نخيط قندورة نتاع الدار ليا

عجبني هاذ المودال ..راهو سامبل و ساهل





ولهذا ارجو ان تساعدوني

أولا : الرقبة ماحبيتش ندير الدائرية كيما هاذي حبيت ندير مثل هذا الشكل كيفاه نرسمها



وثاني طلب بالنسبة لتزيين القندورة..نعمل كاريات 'مربعات ' ونركبهم فوق بعض ولا كيفاه؟؟؟؟


ارجوكم حبيباتي اعطيوني الطريقة ننتظر تفاعلكن ويا حبذا ترسمولي البترون كامل باه نخدم عليه وانا متأكدة

علابالي كثرت عليكم لكن انتن اهل الكرم

[douda21]

حبيبتي الموديل سهل الرقبة ديريها v من جهة و كاري من النصف الثاني يعني هبطي منجنب علي اساس اكي ديري في رقبة حرف v و منبعذ طلي الخاط للفوق بخط مستقيم مشو مائل
بالنسبة للتزين ديري مثلثات مجموعة و طبعا ديريلهم التبطين و حديهم تقدري ديريلهم الفيزلين الخفيفة باه ميجوش طايحين و مرخوفين و من بعد لسقيهم فوق بعضهم
حبيبتي ملاحظة فقط هد النوع مراحش تبان فيه الرقبة الي حبيتيها ديريها رقبة v احسن ان شاء الله نكون شرحتلك مليح

[خولة الجزائرية]

شكرا حنونة ربي يعيشك وانا ايضا فكرت في رقبة v

ان شاء الله نديرها

لكن تمنيت تقوليلي كيفاه تندار الرقبة الثانية يمكن نديرها في قندورة اخرى لانني اتعلم واود التجريب

انتظر ردك وتشريف الاخت سطايفية وجميع مبدعات الخياطة

[stayfiya]

ختي انا مرت خويا دارتها جات مليحة شوفي البابيونات تفصلي طرف مستطيل نتاع 20سم طول و 5 عرض و طبقيه على زوج والكتان مقلب تخيطي لحواشي و تقلبي و ماتنسايش 1 سم نتاع لخياطة و كي تخلصي قلبي و انقشي كل طرف وحدو و لصقي على الروبة نتاعك من فوق وابداي اهبطي للتحت
وبالنسبه للرقبه جيبي طرف كارطون و هزي الميترة و حطيها في اسفل الرقبة نتاعك و و اعلى نقطة في لكتف و كسليها لوين حابة رايحة تلفاي 17 ولا 18 ولا 20 المهم تحكمي الكارطون نتاعك و طبقيه على 2 و تبداي ترسمي فتحة الرقبة من نقطة لي في الحاشية و تخرجي ب 8 او 10 سم و تهبطي ب 17 او 18 او 20 و و تفتحي الكرطون و ترسمي خط مستقيم وين حطيتي نقطة ال 8 او ... و تهبطي بخط مستقيم يحبس في 17 او ..... و و تروحي للنقطة الثانية المواية يعني الجهة الثاني من الرقبة و تبداي ترسمي خط منحني من فوق للتحت باتجاه ال 17 واش فهمتي ولا راني نهدر بالشينوية هههههه (ساكورا نحتاجك هنا )

[linda tadj]

Salem ya okhti arakba yali thwsi 3liha arasmi rakba kari thema harfi jiha(zawya khaliha wa zawya harfiha min alfok hata zawya tanya)ama 3an papion diri tarf twil wa khaytih ki lahzam wamba3d tabki wa khayti papion yjik lasak kamal thema rakbih fi lgandoura wa rabi y3awnak

[خولة الجزائرية]

المشاركة الأصلية كتبت بواسطة stayfiya

ختي انا مرت خويا دارتها جات مليحة شوفي البابيونات تفصلي طرف مستطيل نتاع 20سم طول و 5 عرض و طبقيه على زوج والكتان مقلب تخيطي لحواشي و تقلبي و ماتنسايش 1 سم نتاع لخياطة و كي تخلصي قلبي و انقشي كل طرف وحدو و لصقي على الروبة نتاعك من فوق وابداي اهبطي للتحت
وبالنسبه للرقبه جيبي طرف كارطون و هزي الميترة و حطيها في اسفل الرقبة نتاعك و و اعلى نقطة في لكتف و كسليها لوين حابة رايحة تلفاي 17 ولا 18 ولا 20 المهم تحكمي الكارطون نتاعك و طبقيه على 2 و تبداي ترسمي فتحة الرقبة من نقطة لي في الحاشية و تخرجي ب 8 او 10 سم و تهبطي ب 17 او 18 او 20 و و تفتحي الكرطون و ترسمي خط مستقيم وين حطيتي نقطة ال 8 او ... و تهبطي بخط مستقيم يحبس في 17 او ..... و و تروحي للنقطة الثانية المواية يعني الجهة الثاني من الرقبة و تبداي ترسمي خط منحني من فوق للتحت باتجاه ال 17 واش فهمتي ولا راني نهدر بالشينوية هههههه (ساكورا نحتاجك هنا )

يعني ما فهمتش مليح ...لوكان ارسمتيلي يكون احسن فضلا لا أمرا

بالنسبة للبابييونات قلتيلي تنقشي كل طرف وحدو وش قصدك ننقش ؟؟

كثرت عليك حنونة اسمحيلي رانا منكم نتعلم

المشاركة الأصلية كتبت بواسطة linda tadj

salem ya okhti arakba yali thwsi 3liha arasmi rakba kari thema harfi jiha(zawya khaliha wa zawya harfiha min alfok hata zawya tanya)ama 3an papion diri tarf twil wa khaytih ki lahzam wamba3d tabki wa khayti papion yjik lasak kamal thema rakbih fi lgandoura wa rabi y3awnak

مرسي حنونة سأجرب فكرتك

انت تقصدي ان البابييونات تجي كامل لاصقة مع بعضها ماشي كل وحدة وحدها