ما الحل .....................

مشكلتي · 2013-08-19, 14:48

اولا ابدؤها بالسلام عليكم احبتي ان شاء الله تكونوا بخير

مشكلتي تكمنفي ان هناك من تقدم لخطبتي هو انسان ميسور الحال اهله ناس زواوله كما نقول بالعاميه
انا لا افكر بالزواج حاليا لاني مازلت صغيرة ومازلت ادرس
ولي شروط بعد التخرج ان فكر بالزواج فشروطي ان يكون لي مسكني الخاص وعملي اولا لاني لا افرط في حلمي مهما يكن
ولي طموحات كثيرة
اعلم انهذا الشخص لن يستطيع تحقيقها او بالاحرى ان اهلوا ما راحش يخلوه
هو يحبني ورايدني للاخر
وحكى مع والدي واتت عائلته لخطبتي
لكننا لحد الان لم نرد عليهم
هو مبدئيا قاللهم السكن مع العائله بحكم ظروفه الخاصه وظروف والدته لانها مريضه وتحتاج للمساعده
والعمل لا
وبعدما التقى والدي بعد الخطبه 4 ايام قالوا خدمتها معليش مي السكن مع العايله
انا لا استطيع ان اسكن مع عائله ونخدمها الصراحه يعني وانا راه عملي فوق كل شيء
والله انا الان محتارة لانوا عايلتي كامل تعرف الشخص هذا وعاجبهم
اما انا لحد الان لم اقرر
اخاف ان ارد بنعم فاحصل وبلا فاندم
لاني اخاف من شخص الي معندوش كلمة على روحو
فكيف بالاول العمل لا وبعد نعم
وباه مننساش قالهم الا وافقت عامين ونتزوجوا
يعني بعد التخرج تاعي
وانا منوافقش على هك حاله
ومنعرف والله العظيم محتارة معلابالي اصلا وش راني نحكي
حبيت نفضفضلكم ونسمع رايكم

رجوت عفوك · 2013-08-19, 21:22

يا أختي في مثل هذه المواقف ما عليك إلا بالإستخارة ..

و إن شاء الله يهديك إلا مافيه خير لك

فـرح · 2013-08-19, 21:24

عليك بالاستخارة

راية الاسلام1 · 2013-08-19, 21:31

السلام عليكم

أختي أنت تأخدين قرارا مصيري ... فانك ان قلت نعم لا مجال للتراجع

فالزواج ليس لعبة ... والسكن مع عائلته ليس سهلا فان المسؤولية تزداد عليك وكثيرا ... خاااصة وان تزوجت قبل حصولك على وظيفة

والمشاكل سوف تكبر .. أنا أنصحك صلي صلاة استخارة عدة مرااات

ثم خدي قرارك ...

أختي الاحسن لك ولزوجك أنكما تستأجران منزلا .... كل الجزائريون تقريبا راهم كرايين

وكيما نقولو بالعامية .... لبعيد يبقى ديما عزيز

وربي يجيب اللي فيه الخير

naamane3 · 2013-08-19, 21:32

خلاص انتضري حتي تنهي دراستك وتكبري
ويجي اللي يسكنك وحدك ويخليك تخدمي
ويخليك تديري كل طموحاتك
وقوليلو روح يا ولد الناس شوف اللي تخرج عليك

wissou2013 · 2013-08-19, 21:41

sali salat listikhara

ايمان نور الجزائر · 2013-08-19, 21:51

القرار بيدك
واحد ما راح يرغمك يا اختي
لازم تشوفي انتي واش حابة...وتبعي عقلك واحساسك
اذا تقدري تسكني مع العايلة توكلي على ربي
اما حاجة ما تقدريش تديريها ما تفورصيش على روحك.....استناي الشخص المناس
ما تنسايش الاستخارة بكثرة

ToXiC_Dz · 2013-08-19, 21:54

شوفي اختي
اولا
صلي استخارة و الخير فيما اختار الله
ثانيا
راكي تقولي يماه مريضة، هل من المعقول انتي ما تقبليش تفرطي ف شرط العمل و تشرطي عليه هو يفرط ف يماه المريضة ؟؟؟
هذا قمة التناقض و الانانية مع احتراماتي ليك
اذا كان شرطك السكن الخاص و ماكيش قادرة تتنازلي ما تقبليش و خلاص
و لي يفرط ف يماه اليوم و يبدلها باش تقبل بيه مدامة
غدوة كي يشبع منها يبدلها كيما بدل يماه

ربي يوفقك لحسن الاحتيار ان شاء الله

بلسم غرام2018 · 2013-08-19, 21:55

عليك بالاستخارة

ToXiC_Dz · 2013-08-19, 22:04

انا لا استطيع ان اسكن مع عائله ونخدمها الصراحه
--------
مع فائق احتراماتي دائما، العبارة هاذي جاتني شوية جارحة
لان كل ما ستقديمينه لن يذهب هباءا وسيكون ف ميزان حسناتك و تكسبين به حب زوجك
ومادام يجي نهار ان شاء الله انتي تاني يولو ابناءك شباب و شبابات و يتزوجو
اذن تخيلي روحك ف نفس موقف عائلة الشاب
+
حبيت ننتقدك كأخ باش نبهك برك ، كما تكونوا يول عليكم
و ربي يهنيك ف حياتك

jemi king · 2013-08-19, 23:07

يا أختي في مثل هذه المواقف ما عليك إلا بالإستخارة ..

و إن شاء الله يهديك إلا مافيه خير لك

nasser26 · 2013-08-19, 23:48

بكل اختصار

مزالك صغيرة والدنيا مزالها قدامك

كملي قرايتك واحكمي خدمة مليحة

و من بعد فكري بالزواج

خليه هو الاخير

هذا هو التفكير السليم ؟؟؟؟؟؟؟؟؟؟؟؟؟؟؟؟؟؟؟؟؟؟

amine9mm · 2013-08-20, 12:01

انصحك لوجه الله اختاه والله ما غادي تندمي خلاص
اذا حبيتي هذا الراجل غير اديه واخطيك مل هذوا الاحلام الحسنات اللي غادي تديهم والاجر الكبير ملعند ربي اذا خدمتي والديه والله ما تصيبي كيما هذا الخير
والسكنى ربي يفرج ربي مايخليش اللي يصبر تزوجي وصوني نفسك الوقت هذا صعيب بزاف بزاف والله
هذا راجل زوالي راه حاب الحلال تزوجي على بركة الله ماتصيبي الهنى غير مع الزوالي اختي هذي نصيحي

amine9mm · 2013-08-20, 12:03

انصحك لوجه الله اختاه والله ما غادي تندمي خلاص
اذا حبيتي هذا الراجل غير اديه واخطيك مل هذوا الاحلام الحسنات اللي غادي تديهم والاجر الكبير ملعند ربي اذا خدمتي والديه والله ما تصيبي كيما هذا الخير
والسكنى ربي يفرج ربي مايخليش اللي يصبر تزوجي وصوني نفسك الوقت هذا صعيب بزاف بزاف والله
هذا راجل زوالي راه حاب الحلال تزوجي على بركة الله ماتصيبي الهنى غير مع الزوالي اختي هذي نصيحي

ما فهمت والو · 2013-08-20, 19:15

انا نقولك ربي يهديك برك هدا مانقدر عليه الناس تسهل على اللي طالب الحلال و انت طالبة السكن وحدك و الخدمة ما حوستيش على الدين على العقل تحوسي غير على السكنة وحدك و الخدمة كون كنت انا في بلاصتو كل واحد منا يحكم طريق