ماذا أفعل في هذا الموقف؟

[نورانيات]

السلام عليكم حبيت نسقسيكم كيفاه ندير مع حماة تنعتني في كل مرة بأنني السبب في تأخر الإنجاب وأصبحت تتعمد الإشارة الى ذلك أمام الأقارب خاصة بعد اجهاضي رغم أنها تعلم جيدا ان أجريت كل الفحوصات الطبية التي تثبت سلامتي من كل مشكل قد يؤخر حملي أرجوكم كيف أرد عليها خاصة أمام الناس وفي نفس الوقت أضمن احترامي لها؟ ان قلبي يتقطع وليس لدي ما أفعله.

[wissou2013]

وكلي عليها ربي وادعي ربي يرزقك ومادامك انتي متاكدة من نفسك وراجلك ماقالك والو مكان لاه تكسسري راسك بينها وبين مولاها كي يكون قابل راجل بيتك وان شاء الله يا ربي يرزقك بالدرية الصالحة

[نورانيات]

المشاركة الأصلية كتبت بواسطة wissou2013

وكلي عليها ربي وادعي ربي يرزقك ومادامك انتي متاكدة من نفسك وراجلك ماقالك والو مكان لاه تكسسري راسك بينها وبين مولاها كي يكون قابل راجل بيتك وان شاء الله يا ربي يرزقك بالدرية الصالحة

آمين ربي يخليك أختي علي طيبة مشاعرك

[sarl02]

الصبر ثم الصبر الى ان يرزقك الله ان شاء الله ..ومدام انو متفاهمة مع زوجك فلا تعيري هاته التفاهات اهتماما .

[sabra2009]

والله ما فهمت والو هذو الحماوات ما يخافوش ربي الكنة جابت أو لا هذي بيد الخالق
ترضى لبنتها تعامل بهذه الطريقة حرآآآآآم عليها... وكلي أمرك لربي

[ToXiC_Dz]

كل ما تجبدلك لحكاية استغفري ربي و انساي هدرتها
كون جيتي مريضة نقولو تغيضك عمرك مي انتي الحمد لله سلامات
والحمل ف لول و ف لخر قضاء الله و قدره

[archioui]

وكلي ربي يا اختي و الحماوات ديما تبانلهم الكنة ناقصة ,
حتى إذا رزقك ربي ان شاء الله راح تقولك ماتعرفيش تربي و راح تقولك وليدي مسكين كلاوه الاولاد ,
يعني الكنة عمرها ما تخلص من كلام حماة ,
ولله في خلقه شؤون ,
الله غالب . ما تعمريش راسك بكلامها و إلا راح تبقاي ديما قلقانة .
هذه نصيحتي ليك و صلي برك . رحمة ربي واسعة يا حبيبتي .

[soso sirin]

اسكتي و خليها هذا هو الحل الوحيد كون جات وخدخرا نقلك ردي عليها و مكانش اسهل من الواحد انو يخسر مي كي جات عجوزتك اسكتي و خليها ماحملتيش هدرتها نوضي و خليها و لا قوليلها هاذي حكمة ربي .لانو تفوتي تردي عليها راح تكبري الحالة و غير انتي الي تخسري في التالي

[رحمة من المولى]

ربي يهديها ان شا الله ربي معاك حنوووووووووووووووووووووووونة

[بيزة الشاوية]

يا أختي السكوت أحسن حل السكوت والصبر على الأذية فيه أجر ما تدري ربي مخبيلك حاجة تفرحك طول عمرك
الله يفرج عليك و على كل وحدة تعاني من نفس المشكلة و مشكلات مماثلة

[راية الاسلام1]

المشاركة الأصلية كتبت بواسطة archioui

وكلي ربي يا اختي و الحماوات ديما تبانلهم الكنة ناقصة ,
حتى إذا رزقك ربي ان شاء الله راح تقولك ماتعرفيش تربي و راح تقولك وليدي مسكين كلاوه الاولاد ,
يعني الكنة عمرها ما تخلص من كلام حماة ,
ولله في خلقه شؤون ,
الله غالب . ما تعمريش راسك بكلامها و إلا راح تبقاي ديما قلقانة .
هذه نصيحتي ليك و صلي برك . رحمة ربي واسعة يا حبيبتي .

السلام عليكم

معها الحق الاخت

لا تكترثي لها يا أختي احرقيها دائما بسكوتك وأكثري الاستغفار والدعاء ربي من فوق أو يشوف

رزقك الله الدرية الصالحة

[AMINA.Z]

ابتسمي و قولي مازال ماكتبش ربي

هادي حاجة تاع ربي

انا راني صابرة و نستنى و ان شاء الله يرزقني ربي

و خليها تغلي وحدها

[naamane3]

اقراي عليها هاذين الأيتين
لِلَّهِ مُلْكُ السَّمَاوَاتِ وَالأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ 49
أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ 50
واذا ما فهمتش ابحثي لها على التفسير
وأجزم أنها لن تعترف لأن في راسها حجرة ماشي مخ

[Angleeyes]

اصبري اختي و كبري قلبك ماترديش عليها ربي يرزقك بالذرية الصالحة يا رب

[ريم الوداع]

حنونه اي ام هكدا تحب تشوف احفاد تاعه متلومهااااااااااااااش وعلاه توكلي عليه ربي نتي برك ساسي روحككككككككك وربي يفرج عليككككككككككككككك