كيفاه ندير؟؟

[مشكلتي]

السلام عليكم ورحمة الله
عمري 22 سنة عاملة والحمدلله،عملي هو المشكلة من لي بديت نخدم الناس كامل حارت فياـتخرجت من لقيت الخدمة من ترسمت ثم ثم،وللأسف كامل يولوا يطمعوا حتى اقرب الناس ليا،ما نعرف غير انا نتحسس ولا صح،بابا من لي بديت نخدم دايلي الشاك وهو لي يتصرف عاذ الشي نورمال حتى انا ما عنديش شكون لي يجبدلي دراهمي بالصح ماعنديش حق التصرف فيهم،صح لي نقولو عليها يجيبهالي بالصح انا نبغي لوكان يعطيهملي في يدي،عندي عمتي محتاجة نبغي نعاونها بالصح ما نلقاش في يدي دينار،هاذ المرة كان عرس قريبتي بغيت نشري ملابس جديدة قتلو قالي ما عنديش راني نبني،هاذ البنيان بدا غير من لي بديت أنا الخدمة،غريب والله،تخيلو ما يجبدليش على الزواج خلاص لي يجي ليه يقولو لالا بنتي مازالت صغيرة والادهى والامر انو يتبدل عليا نهار لي يجي واحد يخطب،عمرو ماقالي نسمع غير من برة ولا خطرات يجو لمكان عملي،انامارانيش نلوم فيه ولا نقول لياه بالصح شوية على الاقل يدي دراهم يخليني شوية نخمم في مستقبلي،آخرتها رايحة نتزوج وندير الدار،لي يشوفو يتساءل علاه ماراهش باغي يزوجك ويحيرو كي مايلقاوش عندي دورو باه نتحرك،والله غير نشوف لي ماراهمش خدامات خير مني،يلبسو خير مني وعايشين خير مني،الحمد لله على كل حال بالصح دايمن نتساءل وعلاه؟؟،خطرات نقول ياليتني ماخدمتش والله غير كنت هانية في راسي،اذا تناقشت معاه دايمن يقولي الناس كامل ناديين غير باباك للي لا،واذا قتلو مرة هاذ الشهر راني محتاجاتو يقولي خلي مازال الحال حتى نسلك من الدين،ياربي وينتا يسلك من الدين؟؟
قولولي راني غالطة كي نقولو عطيني دراهم؟؟
وياهل ترى انا بنت عاقة على حساب هدرتي؟؟
كيفاش ندير معاه؟؟
والله غير راني حايرة
ربي يفرج عليا وعليكم وعلى كل مؤمن
شكرا لنصائحكم مسبقا

[نورالهدى بيولوجيست]

السلام عليكم

اختي هاذ الشئ صاير في بزاف بيوت اللي تعاني من راجلها و اللي تعاني من باباها لكن نصيحتي ليك اصبري عليه ما تخسريهش على جال الدراهم مهما كانت و الاباء هاذو عقليات مثلا انا ابي حنا خدامين 03 فالدار و هو ولو 1000 دينار ما يقبلهاش كاش الا اذا حبيتي تشري حاجة من عندك ديما يقولنا هنو من رواحكم يكفيني اما ابوك فلابد يجي النهار وين يتغير و بالاك راه محتاجك غير طولي بالك عليه..............bonne chance

[ما وراء الطبيعة ؟؟؟؟]

في مثل هذه الأمور

يبقى في الأخير أباك

ولا تستطيعين فعل أي شيء

أخبري امك أن تقول له بطريقة حضارية أن يعطيك مرتبك

[أناييس الربيع]

يا أختي للأسف كاينين بزاف رجال لي تفكيرهم هكذا

اهدري معاه وقولي نصرف معاك في الدار واذا جاتك

كاش حاجة واحتجت راني هنا منبخلكش

بصح الشاك نتاعك يقعد عندك وزيد كيفاه معندكش الوقت

باه تسلكي خمي مع روحك

هو ابوك معليش تعاونيه مي باه يدي كلش انا منقبلهاش

حاولي تنحيلو الشاك واسلكي نتي هاذ المرة مديلو نص

وخلي ليك نص ذك يغضب شهر زوج يخضع لأمر الواقع

وادعي ربي يهديه ويرزقو

[ToXiC_Dz]

راكي سير و متاكدة 100/100 بلي راه يصرف فيهم ع البنيان كيما قالك ؟؟
ممكن راه يخبيلك فيهم و ماشي حاب يقولك
سينون نقولك اصبري و خلاص و تفكري بلي حتى هو نحى من لحمو باش قراك و رباك
مالقري علابالي صعيبة باش تتقبلي الامر

[Tawba2]

الحاجة الأولى أطلبي منو مصروف لاحتياجاتك الخاصة و م هاداك المصروف اقتصدي... و ابداي أطلبي على أشياء ضرورية و ما تكذبيش.. مثلا طبيب الأسنان أو الأمراض الجلدية.. فيما بعد لشراء أشياء ممكن أك ديريها تروسو حتى لوكان حاجة تبانلك تافهة...

ثانيا , حاولي أنك تفهميه أنك كبرتي و هذي مهمة حاولي تكون يماك مستكلفة بيها.. ياختي إن اقتضى الأمر حبسي الخدمة

[nibrasse 76]

هذه هي الحرية والاستقلالية واثبات الذات بالخروج للشارع والاختلاط بالغرباء المحرم ...... مازال ربي يسلط عليكم ارذل خلقه .

[~~ أغيلاس ~~]

السلام عليكم،

مش المشكلة في أن باباك يأخذ دراهمك،

حتى لو يأخذهم عام عامين راح تتزوجي و ميزيدش يتصرف في دراهمك،

المشكل أنو باباك مش حاب يزوجك،

لأنه صار يشوف فيك بنك أموال، و هنا تكمن المشكلة،

إذا جاءكم من ترضون دينه و خلقه فزوجوه،

الدراهم ميهموش،

خممي في زواجك،

كلمي أمك و إخوتك و اقبلوا بأول خاطب في أقرب فرصة إن كان ذا خلق و دين،

و إن أصر الوالد على الرفض فعليك أن تنقطعي عن العمل لتتحولي إلى مستهلكة في المنزل لا بنك و حينها فلا فائدة منك و سيسمح والدك ( الطماع، المعذرة على اللفظ لكنها الحقيقة ) بزواجك،

بعد الزواج أفضل شيء تفعله المرأة هو تربية أبنائها،

احذري أختي من طرد الخطاب،

في قرية قرب قريتنا هناك أربع نساء شقيقات بدون زواج ( تجاوزن الخمسين ) و السبب هو والدهن الذي كان يطرد الخطاب،

عليك بالدعاء،

مُوفقة .

[قَاسِمٌ.قَاسِم]

المشاركة الأصلية كتبت بواسطة nibrasse 76

هذه هي الحرية والاستقلالية واثبات الذات بالخروج للشارع والاختلاط بالغرباء المحرم ...... مازال ربي يسلط عليكم ارذل خلقه .

الوالد ليس من أرذل الخلق يا أخي الفاضل

[sara2012]

المشاركة الأصلية كتبت بواسطة nibrasse 76

هذه هي الحرية والاستقلالية واثبات الذات بالخروج للشارع والاختلاط بالغرباء المحرم ...... مازال ربي يسلط عليكم ارذل خلقه .

سلام
ارواح نتا اخدم عليها أخويا كي تحتاج و صرف عليها .....منين جاتك هاذي تاع حرية و استقلالية و اختلاط هات تكون محجبة بحجاب شرعي و الله يسهل عليها المهام قاعدين غير تحرمو بلا دليل شرعي واضح تقنعو بيه الناس
كي تتزوج و يموت الزوج نتاعها تجي نتا تصرف عليها و نقولو ربي سبحانو يرزق بصح كاين الاتخاذ بالاسباب و كي تكون محجبة بحجاب شرعي و خاطيها الحرام ربي يكون معاها و يسهل عليها ان شاء الله
وقرن في بيوتكن ربي سبحانو وجها لنساءء النبي يعني زوجات النبي و ليس لجميع النساء ....حاولو تفهمونا بأدلة شرعية

[اناناسة]

السلام عليكم، الوالد لا يحق له ان يتصرف في مالك عليك ان تتحدثي مع احد اهلك اللذين لهم قيمه عنده و يقدرهم أما اذا كنت لا تستطيعين فعندها ما عليك الا مواجهته بكل ما في قلبك ، اذا لم يجد الحديث معه فليس لك حل الا الصبر عليه و التوكل على الله ... ادعي الله في الثلث الاخير من الليل ... صراحه حسيت روحي في بلاصتك موقف محرج جدا ... الله يكون في عونك يا رب و يرزقك الزوج الصالح .

[mohaa47]

طاعة الوالدين واجبة..............لا بد أن تتصرفي بحكمة مع أبيك كي لا تخسري الدنيا و الآخرة....................

[جمعي البشاري]

المشاركة الأصلية كتبت بواسطة mohaa47

طاعة الوالدين واجبة..............لا بد أن تتصرفي بحكمة مع أبيك كي لا تخسري الدنيا و الآخرة....................

عادي وان اخد كل الراتب اب هو لي رباك وكبرك ومزال ركي مقصرة في حقه
وارى ان المشكل تافه لازم ضحي على الوالدين ماش غير تعطيهم الراتب وان احتجت اكيد سيعطيك كيف قبل ماتخدمي يصرف عليك ومين بديتي تخدمي مايعطيك من مستحيلات السبعة .....+ وحسن المعاملة والحوار
وكوني على يقين ان رزقك محفوظ من الله عز وجل وحتى واحد مايديهلك

[salima14]

قولي لماماك تهدر معاه وتقولو باللي راكي محتاجة دراهم وتلايمي التروسو
يجي نهار وتتزوجي بصح ما تخصريش خاطر باباك لوكان ماقريتي
ماخدمتي لوكان راه هو يعيش فيك

[احمد بغداد]

اكيد ليه مفتاح حاولي ان تصلي اليه