قولوللي صــــــح كاينة منها لحكاية هادي

[chrif]

السلام عليكم و رحمة الله و بركاته...صح فطوركم و ربي يتقبل منا اجمعين
خاوتي انا حبيت تفهموني في وحد الإشكال...نحكيلكم لحكاية من الأول باه تفهموني مليح
واحد السيد زوالي نعرفو كي حالتي جامعي خدام anem كي باقي الزواولة اللي ما يحبوش الحرام
لقيتو فرحان فالقهوة...خير إنشاء الله قالي أو فرجها ربي أني بالاك راح نبدل من الخدمة لقديمة لوحدة جديدة بصح anem بعد واشيوا السيد قالي روح دير برك طلب تحويل في مديرية التشغيل و ساهلة تولي تخدم السلاك هو هوا بصح خدمة فالإختصاص اللي قريتو....رحمتك يا ربي
روحنا سقسينا واحد خبرة فالأمورات هادو قالوا يضربك السيلان لا بدلت....بمعنى آخر تجري نيحفاو رجليك و ما تقدرش ؟؟؟؟؟؟؟؟؟؟؟؟؟؟؟

لكم التعليق و لي عندو معلومة أكيدة يفيدنا بيها

[fadilasor]

مافهمت والو

[بلال]

انت ما خدمتيش كيفاه حاب تبدل من اين و الى اين

[روما و لا نتوما]

هل التحويل في نفس القطاع؟ ان كان لا فعلا لن يقبلوا تحويل من قطاع لاخر غيره مثلا من مؤسسة تربوية الى مؤسسة صحية و بتوفيق ان شاء الله

[فاتن 89]

بتوفيق ان شاء الله

[nacer8]

ما فهمت والو؟؟؟؟؟؟؟؟؟؟؟؟؟؟؟

[اية الرحمن1988]

السلام عليكم
فيما يخص التحويل في لانام يمكن لكن ميش تحويل فعلي
وبلا معريفة أخي، لكن لازم يكون مدير المؤسسة اللي حاب تحول ليها موافق
ومدير المؤسسة اللي خدام فيها موافق، هنا يديرولك تحويل لمكان العمل بصح في لانام تبقى تابع للادارة الاصلية
البوانتاج يمشي منها وكل اوراقك منها ، تحويل بين الادارات فقط
هذا في ولاية أم البواقي وراني متاكدة منها اما الولايات الأخرى فالله أعلم

[mister.50]

القدر مليح بين الاعضاء، كا واحد قادر روحو.

[yazid031983]

بركاو من التقرعيش ربي يهديكم

[جمعي البشاري]

ربي يهديكم

[nour-eddin-k]

خويا التحويل كاين منهو بصح في القطاع العمومي فقط يعني مش واحد في الخاص يروح للعمومي هذي وحدة والدوزيام لازم مدراء المؤسستين يكونو موافقين الي راح تخرج منها والي راح تروحلها + يكون فيها منصب والا المناصب ناقصة بزاف ان لم نقل نادرة وهذا صاحبك كشما عندو زهر والا معريفة احدى الحالتين