ساعدوني في مشكلمة التحويل والاهانة من المستخدم

قمر السلام · 2013-09-10, 11:45

السلآم عليكم ورحمة الله وبرطاته

اللهم صلي وسلم على حبيبي محمد وبعد

انا عندي ليسانس علوم الطبيعة والحياة استفدت من عقد ادماج حاملي الشهادات لسنة

واحد قابلة للتجديد في صيدلية بعد مرور فترة من الزمن لقيت بلي صاحب الصيدلية بدا

يديرلي في المشاكل باش يخرجني من عندو وانا ما كملتش مدة العقد معاه خدمت غير 3 اشهر
الى صار انو صار مشكل كبير بيني وبين اختو الي تاني تخدم تم بعد ما توافقوا انهم

يخرجوني مع العلم انو كان يحرمني من اخذ اي يوم اجازة ولو كانت حالة طارئة

وكان يحرمني من اخذ اجري كامل اي كان ميسنيليش على شهر كامل كان ينقصلي مع انو مش هو الي يخلص فيا

انا حبست من عندهم ورحت عند مكتب تشغيل الشباب قالولي انو مهوش سبب مقنع

ولكان انا تعرضت لاذلال من طرف صاحب العمل واهانة ولاو قالولي بلي روحي

حوسي على صيدلية اخرى ونحاولو نديروا تحويل جبت موافقة من صيدلية اخرى

ورحت للمكتب وقلتلهم اني وجدت مكان عمل اخر قالولي اني لازم ندير دوموند لمدير

التشغيل لولاية المسيلة مع فوطو كوبي للعقد وفوطو كوبي لمحضر التنصيب

ولازم نكتب فيه اسباب مقنعة باش يقبل برك يحولني ومنتحرمش من الدماج

انا درك حكيتلكم مشكلتي عندي اسئلة اتوسل اليكم تجاوبوني لاني لعشية هادي لازمني ندي اوراقي لمدير التشغيل

** وش هي الاسباب المقنعة الي لازم نكتبها في الدوموند لان اسبابي مش رح يستعرفوا بيها

** وهل هناك فعلا تحويل مكان العمل في اطار لانام من غير مشاكل

ارجوكم الي يعرف حاجة يجاوبني وجزاؤو عند ربي العالمين

قمر السلام · 2013-09-10, 12:18

يا جماعة وينكم متبخلوش علينا اجوبتكم

daciismail · 2013-09-10, 12:42

السلام علكم
راني قريت الموضوع وتاثرت اختي انا نقولك بصح مش اسباب مقنعة 100%
حاولي اختي تقنعيه بلي انك تحولتي في الاقامة وانا الصيدلية القديمة ولات بعيدة ادا كانت تبعد على الصيدلية الجديدة
وديري في بالك ادا كان حاب يحولك راه يحولك وادا ماشي حاب والله حتى وتجيبي الف سبب
انا نعرف ناس تحولت من غير اسباب
المهم ان شاء الله يقبل التحويل ولا تلقاي خدمة ثابتة وتتهناي من هدي المشاكل
سلااااااااااام

algeria.19821 · 2013-09-10, 13:41

نعم اختي ، حولي بشكل عادي و اكتبي ان من اسباب التحويل بعد المسافة و انك تعبتي بالزاف في التنقل

انا حولت بشكل عادي بسبب الاهانة ايضا و كتبت في الطلب انه بسبب المسافة

في حين ان المؤسسة الجديدة اللي تحولت اليها ابعد من القديمة

بالتوفيق...

مواطن عادي · 2013-09-10, 14:31

وشحال من ساعة راكي تخدمي إطا كان تخدمي اكثر من ساعات المعمول بها وانه يستغلك بساعات اضافية اكتبيهالهم وانك بنت ما تقدريش تخدمي حتى المغرب
و زيدي اكتبي بلي إذا كنت مريضة راهو مش يعطيني في حق اجازة مرضية وهذا حقك سبحان الله هذا بشر لي راكي تخدمي عندو ولا واش
ربي يهديه ويهدي اختو ويهدينا اجمعين

minomido · 2013-09-10, 16:45

شوفي اختي ديري السبب تغيير مقر السكن او بعد الصيدلية عن البيت ووجود مشكلة في المواصلات واخد تاكسي يوميا مع الاجر الزهيد الدي لا يكفي حتى حقوق التنقل

توريس22 · 2013-09-10, 18:01

باغي نسقسيك نت ما لقيتيش وين ديري كونترا نتاعك درتيها عند الصيدلية معلبلكش بلي الصيدلية فئة جيعانة

mounir28000 · 2013-09-10, 20:07

السلام عليكم

لقد استفسرت على قضية التحويل انتاعك من موظف في مديرية التشغيل وقال لي يمكن التحويل بسهولة لازم يكون عندك طلب تحويل ممضي من الطرفين الصيدلية القديمة + الصيدلية الجديدة مع ذكر الأسباب كاستحالة العمل, بعد المسافة, المعاملة السيئة, ساعات العمل ألخ.............
مدير التشغيل لولاية المسيلة هو حاليا في عطلة سنوية يدخل يوم الأحد انشاء الله أنت يوم الإثنين القادم روحي ليه يستقبلك

بالتوفيق..........................................

قمر السلام · 2013-09-17, 15:38

ربي يعيشكم على المعلومات المفيدة

nour-eddin-k · 2013-09-17, 23:17

والله نورمالمو على حسب معلوماتي والي نستاق فيها من عند صديق لي يعملي في هذا المجال اي في وكالة التشغيل فانو التحوييل من حقك اذا كان الطرف الي راح تروحيله موافق مع انو الاسباب لا تهم اذا كانت مقنعه او غير مقنعه والذي ترينه انتي غير مقنع قد يراه هو مقتع والعكس