خياتي عاونوني لوجه الله

[رفيقة الاحزان]

السلام عليكم
البنات انا خيتكم عاونوني رايحة نهبل
تهاوشت مع ماما و الله بدون سبب بدات تعيط عليا مبعد ضربتني و ما قلتلها والو و بدات تحكي لبابا في كلام أنا ما قلتوش
أنا زعفت منها تاع الصح مبعد جات ليا قالتلي علاه راكي تديرلي هكا و أنا ما عنديش الزهر فيك ولا ما نيش امك
تخنقت و هدرتها قتلتني قلت لها ايه ما كيش ماما لوكان جيتي ماما ما تعاملينيش هكا و قولولي شكون هيا امي الحقيقية اذا ماتت دلوني على قبرها و اذا جايبيني من ميتم قولولي ويناه و اذا حية خليوني نروح ليها
مبعد هي قعدت تبكي و انا ثاني و مش مصدقة نفسي راااايحة نهبل مالقيتش وش ندير

[ailemak]

ya yemaaaaaaaaaaaaaaaaa, 3la hanounti, bon awel haja, de preference tbedli le pseudo ta3ek, parske psychologiquement ykhali tjr hzina, ana deja ki 9ritou , jeni une intuition de tristesse
teni haja, hadou swalah yesraw fi la plupart des familles, donc mat3amrich rassek bezaaaaaaf, kayen piiiiiire 3la haka, w koun ydirou hna fi lmountada sujet sur ça, tesseme3i la3jeb
rohi 3an mamak w goulilha essemhili li goultlek haka, kount za3fana et tout
w nchallah maykoun ghir lkhir hanounti

[yam tir]

non ma chérie il faut pas tehaderi hekak m3a mamak w lazem trohi ttolbi smah w matekhalihach ze3fana
choufi malgré ghaltet fi hakek mais matenssayech beli eljena ay tahet rajliha w nchallah ya rabi yesafi legloub w yedawem lehna binatkom.

[NOUNITAA]

Wach hanona dzl mais katarti 3la mamak machi hak 3lik tgoulilha haka mais ma3lich tesra hadi lmohim nti rohilha w tolbi smah mnha w ma tkhalihach tergod za3fana menak hanona rabi yssahalak inchalah

[madoucha]

مهما يصرا قلب الام رحيم و سعتود اليك امك
اطا انت ما طلبتيش منها السماح رايحة هي تجي ليك والبادئ اكرم

[رفيقة الاحزان]

مشكلتي ما نعرفش نبدا الاعتذار
يااا ربي ارحمني و اغفر لي يا رب و ألن قلبها يا رب

[سامو حنان]

يا اختي لازم لازم لازم تعتذري هي اللي يماك ماشي العكس حتى وتكون عندك عزت نفس ماشي مع يماك ،، الرضى تاع ربي من الرضى تاع الوالدين ،،، بالاكي تزعفيها ،،، ( اتخيلي قدر ربي و تموت من القنطة ديالك ؟؟؟؟؟؟ كيفاش تكملي حياتك ؟؟!!!! ))) يا اختي ماترجعيلهاش الهدرة حتى ولو هي اللي غالطة اسكتي و اطلبي السماح ،،، ربي يهنيك

[sarah_sb]

شوفي اختي ما ديريش كامل في بالك بالا ك تقلقت مكاش حاجة اعذريها انا تاني ماما خطرات ما تكونش مليحة و تسنا نغلط معاها شوية تبدا تعيط و تقول ما عنديش الزهر في ولادي زهري مسود المهم تطيح لغبينة على روحها.بصح نخليها تهدر صح نزعف مي ما نرجعلهاش هدرة كبيرة
انتيا دركا استغفري مولاك و صلي و ادعي و كي تنوضي غدوة ديري كلي ما صرا والو و ادا هدرت معاك جاوبيها عادي و لا ما هدرتش معاك انتي بادري و اهدري يا لوكان سقسيها على كاش حاجة وين راهي. و ما يكون غير الخير ان شاء الله

[natacha.amir]

mech klem tkoliholha meskinaaaaaaa koltlha klam graaaaave walah mahakak normalement mamak mahma tkolek w mahhma tajarhak lazem tessoukti w matajarhihach hram alik ay mahma katlek walah fok galabha lazem trohi tatalbi smah doka manha w boussiha w demain achrilha haja meme hia lghalta

[l'étoile]

ماعليش ربي يهديها ان شاء الله ...

[faty05]

ياخاه علا الطفلة وش بيك تقولي ليماك كلام هكا
اطلبي منها السماح
ربي يحسن احوالكم

[هاجر المدانية]

روحي بوسيها من خدها وجبتها وطلبي منها السماح رانا في رمضان وزيد العشر الواخر منو راها محسوبا عليك هدي امك بسيف عليك تحمليها وغدوا عجوزتك كيفاه ايا نوضي ضرك .

[فاتن 89]

استغفري مولاك و صلي

[بسمة تحدي]

رضى الله في رضا الوالدين، وسخطه في سخطهما

وتأكدي أن أمك باب من أبواب الجنة

أسأل الله أن يصلحك.ويصلحها

ويحنن قلبها عليك ... ويجعلها راضية عنك

[hakeem]

أطلبي السمـــــاح من الوالدة تاعك و اتفكري واش تعبت عليك

ربي يعاونك و يهدينا اجمعين