مارايكم

مشكلتي · 2013-08-04, 13:14

السلام عليكم
اني مخطوبة عندي 5 اشهر و انحس كي خطيبي بيدا يهدر معايا راه يبالغ يمدحني بزاف حتي يشككني في رووحي
والله غير نبقى حايرة فيه
و انقلو واش بيك يقولي انتي هكا و نهدر واش نحب و يبدا يقولي هكاك منعرفش واش نقول نسكت الهدلرة تروحلي كامل معرفتش بواش نجاوبو
هل هدا شيئ عادي ولا انا راه فيا مشكل و قلقني يبدا هاكا و كي نسكت يقولي علاه راكي ساكتة

بسمة تحدي · 2013-08-04, 23:49

اختي اذا كنتي عاقدة معناه راه زوجك نورمال

تبانلي انتي قليلة الكلام او خجولة

والخجل شئ طبيعي لانك بلاك مزال مولفتيهش

ولازم يكون عندك هدف كي تهدري معاه بش يكون التقارب والتفاهم اتكوين اسرة

حاولي متكونيش جافة في هدرتك خلي بينتكم نشاط حيوية مثلا قبل متهدري معاه وجدي اسئلة او اطرحي عليه بعض المشاكل

يش تشوفي كيفاش راه يخمم حسسيه بانك استفتدي من كلامه.........يا حسرا الهدرة راهي متتخلاصش قع

بصح خليك على طبيعتك متكلفيش روحك

واذا كنتي مراكيش عاقدة يا اختي راهو اجنبي عليك وميجوزلكش بش تهدري معاه فالتيلفون لانه خلوة

موفقة ان شاء الله

قَاسِمٌ.قَاسِم · 2013-08-05, 02:22

كون تاخذي رايي ما تهدريش معه أحسن حتى لاقترب الدخلة ب 15 يوم

جمعي البشاري · 2013-08-05, 06:34

اقتباس:

المشاركة الأصلية كتبت بواسطة بسمة تحدي

اختي اذا كنتي عاقدة معناه راه زوجك نورمال

تبانلي انتي قليلة الكلام او خجولة

والخجل شئ طبيعي لانك بلاك مزال مولفتيهش

ولازم يكون عندك هدف كي تهدري معاه بش يكون التقارب والتفاهم اتكوين اسرة

حاولي متكونيش جافة في هدرتك خلي بينتكم نشاط حيوية مثلا قبل متهدري معاه وجدي اسئلة او اطرحي عليه بعض المشاكل

يش تشوفي كيفاش راه يخمم حسسيه بانك استفتدي من كلامه.........يا حسرا الهدرة راهي متتخلاصش قع

بصح خليك على طبيعتك متكلفيش روحك

واذا كنتي مراكيش عاقدة يا اختي راهو اجنبي عليك وميجوزلكش بش تهدري معاه فالتيلفون لانه خلوة

موفقة ان شاء الله

بارك الله فيك

مبروكة الصحراء · 2013-08-05, 10:07

كاين ناس هذا طبعهم يبالغو في الهدرة بزاااااااااااااااااااااف و عندك الصح شيء مقلق ، لككككككككككككككككن و عن تجربة نقولك إذا كنت تحبيه سوف لن تجدي فيه عيوبا و كلامه الكثير لن يظهر لك، و من الواضح أختي أنك لا تحبينه لذلك عيونك مفتحة 100à100 على عيوبه أنا هذا رأيي
اتمنالك لك التوفيق

-العائد الى الله- · 2013-08-05, 13:13

للَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنا،،

kamel76 · 2013-08-05, 15:45

الكلام مع الخطيب بدون محرم ، حرام . اتقي الله و اصبري حتى تزفي إليه . أسأل الله أن يعينك على الهدى و يهدينا أجمعين . آمين

maya bouharoun · 2013-08-05, 17:49

هذا طبيعي في بداية الخطوبة لكن ادا بقيتي هكا بعد الزواج المشكل يولي فيك انت لازم تكوني واثقة في روحك ادا حسك ناقصة ثقة يولي يشوفك كيما تشوفي روحك لما يمدحك اشكريه فقط روحي اقراي موضوع الاخ انور في قسم الحياة الزوجية في الصفحة التانية تلقاي نصائح مليحة اسم الموضوع الدال على الخير كفاعله ونحب نبهك تقوليلو انو لفترة الخطوبة ضوابط شرعية فيما يخص واش تهدرو لازم تطلعي عليها

AMINA.Z · 2013-08-05, 22:16

نصيحة

ما يغركش بكلامو بزاف

اغلب الرجال فنانين في الكذب

دونك اسمعي و خلاص

محمد...عبد النور · 2013-08-06, 13:20

اقتباس:

المشاركة الأصلية كتبت بواسطة AMINA.Z

نصيحة

ما يغركش بكلامو بزاف

اغلب الرجال فنانين في الكذب

دونك اسمعي و خلاص

بدون تعليق .........

الامل بالله · 2013-08-06, 17:32

امر عادي و دليل على انه يحبك لوكان مجاش يحبك و يشوف فيك كا حاجة ميهدرش هاذ الهدرة و يشوفك مثالية

وفية زاد · 2013-08-08, 14:01

كي راه يمدح فيك بانتلك مشكلة
نهار يبطل يمدحك تما واش تقولي ؟؟
ادعي رب يظل هكذا حتى بعد الزواج

محمد مصطفى الحبيب · 2013-08-08, 14:11

إنه مندهش لكن سيزول الأمر ..!! قلبه أبيض ..المكالمات الهاتفية هي سبب المشاكل قبل الزواج

fattouna · 2013-08-08, 14:48

السلام عليكم

هاذي مهيش مشكلة امر عادي زوج يحب يمدح زوجته عادي
وانت اخيتي بطبعك خجوووولة وهادي حاجة مليحة وان شاء الله ربي يكتبلك الخير ويكمل هكذا يمدح فيك
كاينين نساء يتمنون لو يقول لهم الزوج ولو كلمة طيبة

nadineisraa · 2013-08-10, 06:02

والله تحير
مخطوبة والسيد راكي عايشة معاه قصة حب وغرام ومدح وغزل
حرام هذا الشيء
ومن بعد تنفصلو لانو غير رايو
وتتمناي يجيك ولد الحلال الي يعوضك الحب القديم ياخي حالة ....والله هبلتونا
والاسف على الرجل الشريف يجي يخطب واحدة كما انت ...
ماتفعلونه حرام
رايحين تهبلونا في هذا القسم
والاخوات الناصحات قبل ماتنصحو شوفو القصة حلال ولا حرام ... خلونا من التمسخير راكم تتحاسبو
ماناش عايشين لافرونسيز اتقين الله واتقوا الله في بناتنا
الي يشوف ردودكم يقول الناس راهم صح .....
يجب ان تكون المراة عفيفة وعذراء حتى في كلامها الى ان تتزوج شرعا
اما كلام الحب والعشق قبل الزواج فاظنكم تعرفون انه حرام
والغريب والعجيب في كل هذه القصص من تاتي وتنصح ب صلاة الاستخارة والدعاء ... رايح تهبلونا انتم .... الناس واقعة في لحرام وانتو تشجعو وتزكو فيه
اتقوا الله جميعا
لايجوز للمراة ان تحب او تتكلم او تتغزل او تعشق او تنظر الى اجنبي قبل الزواج الشرعي
والكارثة بعد ماتنتهي من احلام الغزل والعشق ... نهاية ماسوية تقول لك ربي يجيب لي ولد الحلال ....
لذلك والله والله العظيم اعذر من لايتزوج منكن ويبحث للان ... هل يتزوج امرة له ام امراة لرجل او ربما رجال اخرين؟؟؟
ارجوا عدم الرد على هذه القصص الا بكلمة واحدة وهي حرام هذا الشيء
حافظوا على طهارة وعفة بناتنا حتى ياخذها زوجها طاهرة