كيف أحفظ الحلويات لمدة أطول

hoyem · 2013-08-04, 19:04

السلام عليكم اخواتي من فضلكم عاونوني راني بديت نديرر فحلويات العيد و راني كثرت شوي على خاطر عندي مناسبة أخرى بعد العيد بحوالي 20 يوم ,,,,,,, قولولي كيفاه نخبي الحلوى بلا ما تيبس لي أنا خممت نخبيها بلا قلاصاج و بلا معجون حتى كي نحتاجها و نعملولها ,,,,,,,,,,,,,,,,,,,وش رأيكم ؟؟؟؟؟؟؟؟ شكراااااا

yara djoumana · 2013-08-04, 19:36

انا نخبيها في الكونجيلاتور مايسرالها والو كي نجبدها نلقاها كيما راها بالتوفيق لكي

همسة مشاعر · 2013-08-04, 20:34

حتى انا حابة نعرف كاش فكرة نخبي بيها القاطو لراجلي يجي بعد شهر

سناء ك · 2013-08-05, 00:32

باش ماتخسرلكمش الحلوة غير طيبوها وهي جديدة نحي الكمية الي تاكلوها والكمية الي تخبيها ديريها في ليبوات بلاستيك وغلقيهم مليح وحطيها في الكونجيلاتور تبقالك هكذاك لمدة شهر
ملاحظة : الحلوة تحفظ في الكونجيلاتور مدة شهر فقط .

mina80 · 2013-08-05, 10:31

شوفي حطيها في البورت مونجي وهي جديدة وغطيها مليح بشكارة واغلقي عليها مليح او خبيها في الفريجيدار من الاسفل يعني فرغيلها طاج ولا زوج ماشي في الكونجيلاتور صدقيني راح تبقى جديدة انا هكا ندير كانت عندي مناسبة العام الماضي ودرت حلوياتي ولبستهم وقلاسيتهم او من بعد تاجلت خبيتهم في الفريجيدار من الاسفل او غطيتهم مليح باش ماديرش فيهم ريحة الفريجيدار كيما نصحوني نهار المناسبة جبدتهم لقيتهم ماصرا فيهم والو

همسة مشاعر · 2013-08-05, 14:51

اقتباس:

المشاركة الأصلية كتبت بواسطة mina80

شوفي حطيها في البورت مونجي وهي جديدة وغطيها مليح بشكارة واغلقي عليها مليح او خبيها في الفريجيدار من الاسفل يعني فرغيلها طاج ولا زوج ماشي في الكونجيلاتور صدقيني راح تبقى جديدة انا هكا ندير كانت عندي مناسبة العام الماضي ودرت حلوياتي ولبستهم وقلاسيتهم او من بعد تاجلت خبيتهم في الفريجيدار من الاسفل او غطيتهم مليح باش ماديرش فيهم ريحة الفريجيدار كيما نصحوني نهار المناسبة جبدتهم لقيتهم ماصرا فيهم والو

عجبتني الفكرة هذي تبانلي صحيحة ومعقولة خاطر الكونجلي يقلصها ياسر

ح

ام مريم اسراء · 2013-08-05, 15:01

اختي انا نفس طريفة اختي مينا 80 نحطهم في بورت مونجي نرش عليه من تحت الفاني و نعمل سربيتا نتاع البابي -ورق - و نفلق عليهم و نزيد نغلفهم بياشي لكن لازم يبردو باش ميعرقوش و يتعجنو انا اعام الي فات خبيت حلووياتي لاكثر من شهر خدمت كمية كبيرة باش نحطهم في مناسبة عيد ميلاد بنتي و الله لا عكوزتي و طفلاتي حارو زاد بنان خاصة انا نحط لاروم اللوز المر في العقدة و كيتحط في الفريحيدار يتغير الذوق نتاع الكوكاو الي لوز
ربي يكثر الافراح و المناسبات السعيدة عندكم

sara-89 · 2013-08-05, 15:57

بارك الله فيكم فالفكرة نحتاجوها كامل ...............ربي يجازيكم