مشكلة حيرتني واريد ارائكم

مشكلتي · 2013-08-09, 21:47

السلام عليكم ورحمة الله وبركاته

اولا ابدا مشكلتي وقد بدات ليلة 27 حيث اتصل بي خطيبي واحنا عاقدين عقد شرعي اعلمني بان ياتي هو وامه فانتظرت اتصال امه فلم تتصل ذلك اليوم فخرجت انا وعائلتي تلك الليلة وبعد خروجي اتو اهل خطيبي ولم يجدوني في المنزل فثارت ثائرته ومن غدوة جا هو وامو والمفاجاة انه ابلغ ابي بانه اتصل بي واخبرني بموعد قدومه وانا خرجت المهم ابي عرف انه يتصل بي بالهاتف فغضب ابي انه يتصل بي في الهاتف بالرغم انني لا خرج معه ولاياتي للمنزل الا لايصال امه بالرغم ( رانا عاقدين عقد شرعي ) والان اتمنى ان استشيركم هل مجيئه لابي وابلاغه عني خطا منه واهلي نصحوني ان افسخ الخطوبة لانه قام بهذا الفعل . في رايكم ماهو الحل ؟

المنديل الابيض · 2013-08-09, 22:43

ما دام عقدتو عقد شرعي فهو امام الله زوجك و يحل له الكلام معك
لكن ما دام ماكيش في دارو مازال باباك مسؤول عليك و ديري كيما يقلك باباك اذا ما حبش تحكي معاه ما تحكيش معاه من باب طاعة الوالدين و احترامهم
فيما يخص خطيبك او زوجك باذن الله اكيد هو قال لباباك عن حسن نية و ما هيش سبة باش تفسخي الخطوبة نتاعك
ربي يهنيك و يريح بالك و يتمملك بالخير

بسمة تحدي · 2013-08-09, 22:51

اولا انتي اخطأتي لانه قال بليك راح يجي وانتي مستنتيهش

وثانيا هذا خطيبك من المفروض ميتصرفش هذا التصرف كيما قالت الاخت منديل بالك عن حسن نية.....

زيدي استخير يا اختي متتسعرعيش

وسيمツ · 2013-08-09, 23:13

أنت بهذا عدت لإمساك العصا من المنتصف ، و كأن الأمر أشبه بأن تقدم لخطبتك و أنت محتارة بالقبول أو الرفض،،
أختي إن رأيت في زواجكما سعادة لك، فلا تفسخي و إلا .. ادعو الله
بالتوفيق

amiramirna · 2013-08-10, 00:00

حبيبتي كي قالك يجي كنت ما تخرجيش لوكان جات امو تلقاك وحدك تقولك يماك علاش ما ستناتنيش تقولي ليماك راهي جاية تقولك مين عرفتي تقوليلها هو قال لي ؟ تقولك راهي تهدري ورا باباك ؟تقوليلها هي عيطت كان ما تجيش تقولك كذبت علينا
ماكاش حل تكبر ريحة الكتان و تبان لانك مخبية على باباك راه جا النهار اللي نكشفتي
وكشفت اللي تريسكي على جالتو باش من بعد كاش نهار يقولك درتيها لباباك ديريههالي ليا
حبيبتي توخي الحذر
و ما تديريش فوق طاقتك
اللي قالها باباك و باباك برك هاذيك هيا و خلاص
و اذا تحبيه اطلبي السماح من باباك و قوليلو ما نزيدش نهدر معاه و ما تزيديش تهدري معاه
حبيبة قلبي معاك ما تزعفيش وربي كتب كيما هاك

z.abdo · 2013-08-10, 00:07

لا تسمعي لكلام احد لأنه لايوجد ا ي شيء يدعو لفسخ الخطوبة

كذالك من المفروض ان تخبريه في ليلة 27 انك خارجة مع الأهل وان يؤجل زيارته لأنه بكل صراحة موقف محرج امام امه

وكأنك لا تعطي اي اهتمام لخطيبك .........من المفروض تنتظريه وبشوق وليس وتخرجي لأن ما فعلتيه يغضب ا ي رجل لو تفعل معه

خطيبته هذا التصرف ........هذا رأي الخاص اختي والله اعلم ........المهم لاتكبرو الموضوع وهو لا يستحق ذالك

mohaa47 · 2013-08-10, 00:14

هذا شرعا زوجك ......................لا تتصيدين أخطاءه .....................لا تخرجين إلا بمشورته .......................مادام العقد شرعي ...

leila ben · 2013-08-10, 00:25

الخطأ هو خطأ تاعك كنت تسنايهم وبما أنك كنت تحكي معاه كنت قادرة تعيطيلو تسقسيه إذا مزالهم جايين ولا بطلو بسكو كنت خارجة مع داركم لو كان جا وحدو تجيه نورمال مي كي مع يماه شوية عيانة تبانلهم مدرتيلهمش قيمة كونطرولي روحك المرة الجاية ماشي تتصرفي تصرفات عشوائية بالنسبة لخطيبك ملازمش باباك يكبر الموضوع لأنو راجلك حتى لو كان جا خاطبك برك ملازمش توصل لفسخ الخطبة وإنما الأمور تعالج بروية ويقولك أنك غلطت ولا ملازمش تحكي معاه لأن الدين والعادات ميسمحوش بهاد الشيء خطيبك بلاك كان داير في بالو أنك تحكي معاه بعلم أهلك وتان بلاك كي زعف منك زلق في الهدرة.
من رايي متفسخيش الخطبة بسكو انت سبب المشكلة حاولي تفهمي خطيبك من جهة يعني تطلبي السماح وتان مع باباك قوليلو أنو يعيطلك للضرورة برك وفهميه أن باباك معجباتوش هدرتكم في التليفون
ربي يكملكم ويهنيكم حاجة تافهة كيما هادي مقدرتوش تتجاوزوها وكيفاه مالا كي تتزوجو الزواج ماشي لعبة لازم تتجاوزو الأخطاء تاع بعضكم الخطبة والزواج مفيهاش غير الحاجة المليحة فيها تان مشاكل وإنما لازم تحضرو العقل باش تسلكو منها

khawlita.dz · 2013-08-10, 00:28

اقتباس:

المشاركة الأصلية كتبت بواسطة مشكلتي

السلام عليكم ورحمة الله وبركاته

اولا ابدا مشكلتي وقد بدات ليلة 27 حيث اتصل بي خطيبي واحنا عاقدين عقد شرعي اعلمني بان ياتي هو وامه فانتظرت اتصال امه فلم تتصل ذلك اليوم فخرجت انا وعائلتي تلك الليلة وبعد خروجي اتو اهل خطيبي ولم يجدوني في المنزل فثارت ثائرته ومن غدوة جا هو وامو والمفاجاة انه ابلغ ابي بانه اتصل بي واخبرني بموعد قدومه وانا خرجت المهم ابي عرف انه يتصل بي بالهاتف فغضب ابي انه يتصل بي في الهاتف بالرغم انني لا خرج معه ولاياتي للمنزل الا لايصال امه بالرغم ( رانا عاقدين عقد شرعي ) والان اتمنى ان استشيركم هل مجيئه لابي وابلاغه عني خطا منه واهلي نصحوني ان افسخ الخطوبة لانه قام بهذا الفعل . في رايكم ماهو الحل ؟

اختى هدا يعتمد على موقفه و نيته
قد يكون اخبر اباباك من ناحية انه احرج لانه اتى بدون موعد و كان الاحرى ان يتصل بوالدك (مادام والدك لا يحب ان تكلميه بالهاتف) يخبره بقدموهم فلا يعقل ان يزور احد احد بدون ان يدق و يستادن بالمجىء فلربما احرج و اخبره بانه اخبرك لتكونو بعلم
اما فى حالة انه قد اخبره بسوء نية وكانت نيته ان يوقع المشاكل بينك و بين والدك فلم احبها منه
يعنى يمكنك معاتبته لكن ليس الى درجة فسخ الخطبة اختى
افهمى منه اولا
نعود الى غضب والدك وان كنت زوجته شرعا فانت مازلت ببيت والدك ووالدك يريد مصلحتك وارى ان تلتزمى بما طلب والدك لانه يعلم جيدا ماتجره كثرة المكالمات الهاتفية اقول كثرة فمن حقك التعرف على شخصيته و عقليته لكن بوضع حدود وهو راييى
ولن تصبحى زوجته فعلا الى يوم تدخلين بيته عروسا اما قبلها فلا داعى للدخول فى متاهات انت فى غنى عنها
رالتوفيق اختى

ندرومة49 · 2013-08-10, 00:53

أختاه جربي خطيبك لمرات آخرى وكلفي منن يسأل عنه في حيه وعمله لتعرفي اكثر عنه

أما إخباره عن الاتصال بينك وبينه فهذا يدل على صفاء سريرته وهذا جيد ورائع ان تملك رجل صريح ومايخبيش وممكن باه يعلم أباك بأن هذا التصال راه عادي مع ابنتك لأنه لازم على الوالدين يعلمان باتصال ابنتهما مع خطيبها طبعا برضاءهما أي الوالدين

واما عن خروجك انت ...فأظن أنك أنت المنخطئة لانه كان عليك أن تنتظري حتى الفجر نعم وفاء لخطيبك.....وربي يوفقك

المهم في الخطيب أن لايكون مزاجه معكرا يعني إذا تحدث معك انظري هل هو بشوش أو خفيف الظل او أنه دائماغضوب
وفوق كل هذا لازم يكون مصلي ويخاف ربي

وإن شاااااااااااااااء الله ياربي يرزقك بلي يأخذ يدك للجنة وتعيشان مهنئان في الدنيا والآخرة اللهم آميين

قَاسِمٌ.قَاسِم · 2013-08-10, 01:01

السلام عليكم وعيدكم مبارك وكل وقت وأنت بألف صحة وعافية وخير
كلما دخلت هذا القسم صادفتني عبارة:
أحببتها..
أحببته..
خطيبي لا يهاتفني..
صارحته بمشاعري..
يعني حلت كل المشاكل ولم يبق إلا هذا الحب اللعين؟!!
الله يعافي شبابنا ويبدلهم بالعشق والغرام زواجا حلال يطفئ لوعة شوقهم ويكبح جماح نار قلوبهم
آمين يارب
سلا..م

nadineisraa · 2013-08-10, 05:39

انت المخطئة
هذا راه زوجك يعني يقولك انتظريني تنتظريه لغدوة
اذا كانت حاتكم هكذا قبل الزواج ياترى كيف تكون بعده
انت وامك المخطئتان توخي الحذر .... ولاتخرجي الا باذنه الا اذا كان ماشي عاجبك وتتسبي فقط
والله مافهمنا شيء منكم تبكين على الرجل ومن بعد يجي الرجل تبداو تتعوجو وتتسبو ... قالك استناي استناي وخلاص والله عجب ... والاعجب امك التي اطاعتك ...

جمعي البشاري · 2013-08-10, 07:38

الله يعافي شبابنا ويبدلهم بالعشق والغرام زواجا حلال يطفئ لوعة شوقهم ويكبح جماح نار قلوبهم
آمين يارب

hoohoo · 2013-08-10, 07:58

عيدكم مبارك تقبل الله منا ومنكم
أسعد الله أيامكم جميعا أنتم وأهاليكم

سوسو92 · 2013-08-10, 10:06

ربي معاك اختي والله موقف صعب بصح ماتتعجلي و ماكلاهتصيدي اخطاء زوجك ماهيش غلطة كبيرة باش تفسخي العقد