أيا القرعاجيات يدخلو هذه حلوى لخطيبي

[lahna moka]

هذه الحلوى درتها سبيسيال للموسيو ههههه
على بالي تقولولي piston لاخاترش وريتلكم قاطو العيد حتى ماما قالتلي نفس الشي
بصح أنا درتلو برك اللي يبغيه بحكم أنو خدام بعيد على دارهم يعني رايح يعيد عندنا
أيا راني نستنا في الردود

للأخوات اللي طلبو مني الوصفات أيا نبداو من اليمين هههههه
المقلوبة:
للعجينة: 250غ مرقرين طرية- 2 ملاعق كبيرة زيت- كأس سكر ناعم- 2 صفار بيض- كيس خميرة- ملعقة صغيرة فانيلا- 500 الى 550غ فرينة
للحشوة: نستلي كراميليزي- كمشة كاوكاو مرحي خشن
للتزيين: شكلاطا ذائبة- مربى- جوز الهند- حلوى السمارتيز- حبات فضية
التحضير: حضري أولا العجينة: اضربي المرقرين مع الزيت و السكر و الفانيلا ثم أضيفي الصفار و الخميرة و اجمعي الكل بالفرينة للحصول على عجينة طرية حلليها و ضعيها في مولات الطرطات الصغيرة أثقبيها و اخبزيها في الفرن لتتحمر ثم اتركيها تبرد.
في نصف كمية الطرطات ضعي ملعقة نستلي و ملعقة صغيرة كاوكاو ثم الصقي كل 2 (واحدة بها الحشوة و الأخرى لا) الصقيها بالمربى و مرري الجوانب بجوز الهند.
زيني القمة بالشكلاطا الذائبة و حبات السمرتيز و في الوسط حبة فضية.
les russes: (اللي يبانو كيما الميلفاي)
للعجينة: 500غ مرقرين طرية- 2 كأس سكر ناعم- 2 كأس مايزينة- 2 بيض+4 صفار- 4 ملاعق كبيرة كاكاو- 3 كيس خميرة- 4 كأس كاوكاو مرحي- ملعقة صغيرة فانيلا- فرينة.
للكريمة: نستعمل كريمة الزبدة (رايحة نحطها في موضوع مستقل لاخاترش فيها بزاف خطوات)
للتزيين: شكلاطا بيضاء ذائبة- شكلاطا سوداء ذائبة- كاوكاو مرحي خشن
التحضير: للعجينة: اضربي المرقرين مع السكر ثم أضيفي البيض و الصفار و الفانيلا ثم الكاوكاو و الكاكاو و المايزينة و الخميرة و اجمعي الكل بالفرينة للحصول على عجينة متماسكة حلليها الى سمك 2 مم و قطعي شكل الورقة ثم اخبزيها في الفرن .ثم اتركيها تبرد و بعدها اطلي نصف كمية الحلوى بالشكلاطا البيضاء و ضعي عليها مباشرة خطوط الشكلاطا السوداء و زيني كما الميلفاي و أتركيها تجف.
حضري كريمة الزبدة و الصقي كل اثنين (واحدة مطلية بالشكلاطا و الأخرى لا) ثم ادهني الحواف بنفس الكريمة و مرريها بالكاوكاو.
التشاراك المعسل:
للعجينة: 3 كؤوس فرينة- نصف كأس مرقرين ذائبة- نصف كأس زيت- ملعقة كبيرة سكر عادي- 1 بيض- ملعقة صغيرة خميرة الحلوى- كأس شاي ماء الزهر- ماء.
للحشوة: 250غ كاوكاو مرحي- 2 ملاعق كبيرة سكر- ملعقة كبيرة مرقرين ذائبة-رشة قرفة- ماء الزهر
للتزيين: عسل - كاوكاو مرحي خشن
التحضير: حضري أولا الحشوة: اخلطي الكاوكاو و السكر و القرفة و المرقرين ثم رشي بماء الزهر للحصول على خليط متماسك.
للعجينة: ضعي الفرينة في اناء و شكلي وسطها حفرة ضعي فيها السكر + الخميرة + البيضة + المرقرين + الزيت و حكي الكل بين الأيدي ثم رشي بخليط الماء و ماء الزهر للحصول على عجينة متماسكة غطيها و أتركيها ترتاح ربع ساعة.
حللي العجينة الى سمك 2 مم و قطعي مربعات بضلع 8 أو 10 سم و شكلي5 خطوط داخله (مثل القريوش تماما نتمنى فهمتوني) و ضعي حربوش صغير من الحشوة في أحد الزوايا و لفيها مع اعطائها شكل التشاراك.
اخبزي الحلوى في الفرن 20د و بعد النضج اغمسيها بالعسل و زيني الوجه بالكاوكاو.