إلى العضوات الكريمات ما نوع الشكولاطة التي تنصحنني بها... بارك الله فيكن

[فراشة16]

السلام عليكن
أريد أن أسأل العضوات الكريمات وخاصة اللاتي عندهم تجربة بالحلويات ما نوع الشكولاطة السوداء و البيضاء ذات النوعية الجيدة التي تستخدم في القلاصاج
و كذلك طريقة استعمالها يعني كيفاه تذوب و واش تضيفولها
جازاكن الله خيرا وتقبل منا ومنكن

[ريان 7]

نفس السؤال
نتمنى يجاوبونا الأخوات
بالتوفيق

[عماني نور]

على الشيكولا الي نستعملوها انا نستعمل شوكولا سوداء " اومباسادور "

بصح طريقة الإستعمال الي مانعرفهاش

انا دايما نذوبها في حمام مائي و نزيدلها شويا زبدة و نخدم بيها ،، بصح كاين طريقة خاصة و يزيدولها الكريمة الطازجة

انا هاااذي مانعرفهاش :'( و حااابة نعرفها

alr الي تعرف تقوللنا و تكسب حاسانات فينا

[كوثروا]

kenzi دوبيها في حمام مائي و زيديلها شوية حليب

[شلال فرح]

انا نستعمل اي نوع شكولا نكسرها و نحطها فوق القليل من القهوة فالاناء و نخليها تذوب اذا شفتها خاثرة نزيدلها قهوة و نحرك مليح حتى تجيني طبقة القلاساج رقيقة فقط

[soulami sousou]

اختي والبنة تجي مليحة يا شلال الفرح

[om kheiyrour]

انا نستعمل مينا نوار بصح ندوبها نورمال ف با ماري و ونزيدلها شوية زيت

و مادابينا الاخوات يوروانا الطرق الاخرى

ربي يجازيكم

[ميرة2009]

دوبيها في حمام مائي و زيديلها شوية حليب

[SEMEHE]

اخواتى صح فطوركم انا تكلمت على هدا الموضوع وقلتلكم اشريوا الشكولا لى تتباع عند لي يبيعو السلعة تاع الحلويات او في الاسواق تجي على شكل مستطيلات فيها 4 مستطيلات اما العمل والله عن تجربة دوبي الشكولا في بان ماري ماتخليش البخار يقيسها كي دوب نحيها من فوق النار وجبدي الماء من الثلاجة وصبي بشوية واخلطي بمغرفة خشب تشوفيها يبست شوية ما تخافيش ابقاى برك خلطي وتشوفي النتيجة روعة لماعة كى البيضاء كى السوداء جربو ماتخافوش

[loula evola]

نخدم بمينا سوداء دوبيها في حمام مائي تخرج روعة .اما الشكولاطة البيضاء فتسمى الوجدان فهي تباع عند بائع اغراض الحلويات

[faty203]

في شكلاطة كثير روعة بنصحك باستخدامها اسمها منى تتباع في الاسواق بشرط تكون من النوعية الي الغلاف نتاعها اسود لانها خصيصا للحلويات انا جربت بزاف شكولا وجامي جتني وحدة شابة كي منى دوبيها في حمام مائي وضيفيلها الزبدة باش تبق ديما محافظة على البريق والى لقيتيها خاثرة بزاف ولونها اسود بزاف زيديلها شوي نتاع الحليب حسب عينك ونزيدك نصيحة لتجربتي الحلوى الي تكون مرمدة في الشيكولا ما تحطيهاش في الكونجيلاتوغ بويسك تشهاب ويروح بريقها دونك ديريها في بورتمونجي المهم وحطيها في الفريجيدال التحت خلاص هكا تبق باردة ومام طون تحافظ على اللون نتاعها ومن الاحسن ايضا في البداية تخليها تبرد طبيعي بلا ماتحطيها في الجليد
الشوكولا البيضاء جامي نشريها توجوغ نحب نخدم القلاصاج بيدي ندير بياض البيض ونكهو مليح بالليمون والفانيليا ونخلطو بسرعة بشوكة والا بخلاط يدوي ومن بعد نبدا نضيف السكر قلاضي بالشوي بالشوي حتى نتحصل على سائل لزج ومليح ويكون لونو مال للابيض الى حسيت لونو مش ابيض ضيفيلو كولوغون ابيض ونستعملو يجيني احسن من الشوكولا البيضاء

[leila ben]

اليوم فقط إتصلت بأختي في الهاتف طرحت عليها هاذ السؤال قاتلي إستعملي مينة ذوبيها في بان ماري زديلها شوية برك حليب ونصف ملعقة صغيرة تاع زيت باش تولي تبرق هذا بالنسبة للقلاصاج الأسود أما الشكولاطة البيضاء تباع في بورت مونجي صغيرة شفافة سعرها 150دج أسمها موكا قاتلي مليحة بزاااااااااااااااااااف للقلاصاج ذوبيها في بان ماري وزيديلها زيت فقط للبريق وبما أني لقيت شكولاطة تاع موكا السوداء والبيضاء شريتهم في زوج مع العلم أن حلوياتها تاع الشكولة فووووووووووووووووووووور بزاف لذا رايحة نعتمد على طريقتها.

[aridj 23]

Ana fi el3id nakhdam b chocolat said mliha yaser wtdoub fi bain mare w chwoya zabda mliha yader elkilo b 70000

[درة بيتي]

منىىىىىىىىىى

[manolaa]

المشاركة الأصلية كتبت بواسطة faty203

في شكلاطة كثير روعة بنصحك باستخدامها اسمها منى تتباع في الاسواق بشرط تكون من النوعية الي الغلاف نتاعها اسود لانها خصيصا للحلويات انا جربت بزاف شكولا وجامي جتني وحدة شابة كي منى دوبيها في حمام مائي وضيفيلها الزبدة باش تبق ديما محافظة على البريق والى لقيتيها خاثرة بزاف ولونها اسود بزاف زيديلها شوي نتاع الحليب حسب عينك ونزيدك نصيحة لتجربتي الحلوى الي تكون مرمدة في الشيكولا ما تحطيهاش في الكونجيلاتوغ بويسك تشهاب ويروح بريقها دونك ديريها في بورتمونجي المهم وحطيها في الفريجيدال التحت خلاص هكا تبق باردة ومام طون تحافظ على اللون نتاعها ومن الاحسن ايضا في البداية تخليها تبرد طبيعي بلا ماتحطيها في الجليد
الشوكولا البيضاء جامي نشريها توجوغ نحب نخدم القلاصاج بيدي ندير بياض البيض ونكهو مليح بالليمون والفانيليا ونخلطو بسرعة بشوكة والا بخلاط يدوي ومن بعد نبدا نضيف السكر قلاضي بالشوي بالشوي حتى نتحصل على سائل لزج ومليح ويكون لونو مال للابيض الى حسيت لونو مش ابيض ضيفيلو كولوغون ابيض ونستعملو يجيني احسن من الشوكولا البيضاء

اييييييييييه يا اختي انا درت قاطو مقلاصي وجاني قلاساج يهبل بصح درتو في الكونجيلاتور بوسيك الفريجيدال ممتلى ههههههه