Truffes au plraliné شكلاطة ذوق خيااااااااااال من مطبخي بالخطوات المصورة

remadna · 2012-02-22, 18:00

بسم الله الرحمن الرحيم

السلام عليكم و رحمة الله

هذه الشكلاطة مذاقها خياااااااااااااال كل من ذاقها عجباتو و احتار في البنة تاعها
في الحقيقة هي وصفة فرنسية قديمة معروفة عندهم اما هنا قليل من يعرفها او ذاقها ، اسمها les truffes ، بالعربية الترفاس
هذه المرة الوصفة كوبي كولي على الكتاب ( نسخ لصق) ماكانش اختراع الا طريقة التزين في الكتاب الشكلاطة ممرغدة في الكاكاو ، اما انا زينتها مثلما موالفة نشوف الشكلاطة الفرنسية الأصيلة في النت.
و استبدلت la crème fleurette بغبرة الشانتي لأنها غير متوفرة في الجزائر

المكونات: 50 غ لوز، 45 غ بندق (نوازات) محمصين شوية، 160 غ سكر ارطب، 80 مل ماء، 250 شكلاطة (بريما أو مينة) ، 60 غ زبدة، 80 غ غبرة شانتي (ديم ويب)، 2 صفار بيض، 1 و نصف م ك كاكاو.

للتزين: 150 شكلاطة بريما ، 100غ شكلاطة ميزان، قليل من الماء و توضع على حمام مائي
اولا: تحضير البراليني
يوضع السكر و الماء على نار هادئة حتى يتلون السكر للون الذهبي، نضيف اللوز و البندق لخليط السكر،

نفرغها في بلاطو اينوكس لا يلصق، نتركها تبرد.

اهرسها بالمهراس حتى ترطب ثم ارحيها بالروبو حتى تصبح غبرة، اتركيها جانبا

ثانيا: خلطة الشكلاطة
في ايناء ذوبي الزبدة و الشكلاطة و الكاكاو على نار هادئة
اضيفي غبرة الشانتي و الصفار و حركي جيدا ثم انزعيها من النار و اتركيها تبرد

اضيفي البراليني المرحية و حركي جيد حتى تصبح مزيج متماسك ضعيه في الثلاجة حتى يبرد

اخرجيها من الثلاجة و كعبري كعابر هكذا ثم ضعيها في الفريز 1 سا حتى تتماسك

اخريجيها مرة اخرى من الفريز و اعيدي التكعبير حتى تصبح كروية الشكل اعيديها للفريز حتى تجمد و تصبح ساهلة ماهلة للتزين

ضعي حبة الترفاس على فرشيطة ثم اسكبي الشكلاطة بالملعقة في شكلاطة مذوبة في قليل من الماء على حمام مائي هكذا حتى تكون الخدمة متقنة

الشكلاطة التي تبقى اضيفي لها كاكاو او ملون اسود و تخطط الحبات بعد ان تجف تماما

تفضلن ذقن البنة الهايلة بالصحة و الهناء

ملاحظة: خطوات وضع الشكلاطة في الفريز ابتكرتها للمحافظة على شكل الدائري المتماسك و المساعدة على طليها. لأنه في الوصفة الأصلية تمرغد في الكاكاو عادي مباشرة بعد التكعبير.
نصائح: بياض البيض يوضع في الفريز يبقى جديد. يستعمل للميرانغ او اي حلوى.
لا تستعملي prima بريما وحدها لانها لا تجف ابدا (خبرتي) و لا تستعملي شكلاطة الميزان وحدها لأنها غير لذيذة.

دعواتكم بالنصر والفرج للأمة الإسلامية كافة

remadna · 2012-02-22, 18:01

هذه الوصفة الأصلية

miri_27 · 2012-02-23, 20:32

بارك الله فيك عزيزتي متالقة دائما في وصفاتك عزيزتي جربت هذه الوصفة من قبل لكن بطريقة ولا بالاحلام لنرمين و حقيقة رائعة فقط انا زدت مع النوازات و اللوز حلوة الترك

remadna · 2012-02-23, 21:01

اقتباس:

المشاركة الأصلية كتبت بواسطة miri_27

بارك الله فيك عزيزتي متالقة دائما في وصفاتك عزيزتي جربت هذه الوصفة من قبل لكن بطريقة ولا بالاحلام لنرمين و حقيقة رائعة فقط انا زدت مع النوازات و اللوز حلوة الترك

و فيك بارك الله ميري
انا جاتني خير من تاع الخارج التي تباع في السوبيرات

نصيرة أمي الحبيبة · 2012-02-24, 13:40

اقتباس:

المشاركة الأصلية كتبت بواسطة remadna

هذه الوصفة الأصلية

مممممم شحال نحبها كانت ماما الله يرحمها تشريهالي عند وحد الرومية في ديدوش مراد يعطيك الصحة ان شاء الله نجربها

remadna · 2012-02-24, 14:01

اقتباس:

المشاركة الأصلية كتبت بواسطة نصيرة أمي الحبيبة

مممممم شحال نحبها كانت ماما الله يرحمها تشريهالي عند وحد الرومية في ديدوش مراد يعطيك الصحة ان شاء الله نجربها

الله يرحمها و يسكنها فسيح جنانه
جربي و راح يجيك نفس الذوق لأن الوصفة فرنسية

geroise · 2012-02-25, 14:19

يعطيك الصحة جاتك هايلة تاكليها بالصحة

remadna · 2012-02-25, 14:42

اقتباس:

المشاركة الأصلية كتبت بواسطة sofiane2075

ما شاء الله جاك هايل بارك الله فيك مميزة كعادتك يعطيك الصحة و ربي يوفقك و يعطيك على حساب قلبك الطيب

لو سمحتي عندي سؤال من مدة سالت عن تمن حلويات عملتهم لعرس زبونة و هي اول مرة و مالقيتش الاجابة للاسف و لحد الان مازال ماخلصتش فيهم حابة نعرف تمن كل حبة من هده الانواع

باقلاوة الاخت ام كوتر .....قلوب البيمو للاخت اسيل ...... قاطو بالفلان للاخت صوامعية ...كعيكعات معسلين تاع اختي .درتهم بالكاوكاو ..درت سني باقلاوة تاع حوالي 3كيلو من جوز لوز و كاوكاو.... سني مقرود الغرس تاع شهد العسل و نتمنى ربي يجازي كل الاخوات على ووصفاتهم الرائعة الله يحفظهم و اسمحيلي اطلت الكلام تسلم ايديك و بصحتكم

يبارك فيك ام سفيان
السعر بالحبة:
الصابلي العادي = 20 دج ، اما باليمو شوفي انت واش دخل فيه مكونات . يقدر يكون 25 دج
البقلاوة= 25 دج حسب الحجم . في بسكرة 30دج حجم متوسط
كعك معسل = 30 دج (درتيهم متقنين و يحكمو اليد)
مقروض الغرس= 15 دج
قاطو الفلان= 20 دج
اما سني البقلاة كم طوله و كم بالضبط كيل كل مكسرات
اي حاجة راني هنا

اقتباس:

المشاركة الأصلية كتبت بواسطة geroise

يعطيك الصحة جاتك هايلة تاكليها بالصحة

الله يسلمك اختي