من ذكرياتي ...

[isra 23]

البسملة1

كي كنت صغيرة كنت نحب نروح عند جداتي باش نتلمو انا و بنات خالاتي واحده اكبر مني بعامين( العضو المنفذ الي ديما يتضرب) واحده اكبر مني بعام ( صاحبة الخطط الشيطانية)و انا ( عضو منفذ جامي حكموه) و درك كلنا اصبحنا منفذين و الكنا المخططين
كنا عاقلين مي كي نتلمو نديرو عمايل كحلة مين كنا صغار حتى لدرك

نشفى مره فالصيف كنا نطلو على بالكون تع دار جدي و كان جدي يسكن قدام لبحر يعني كان الغاشي بزاف كنا نقشر البصل و الثوم و نحكمو القشور و كي يعدي واحد علينا نرموه فوقو و نقولوا فراشاتي فراشاتي
و بقينا نديروها كل ما نتلمو حتان فاق بينا خويا ( هو لكبير فالاحفاد هو الي ديما يكشفنا هههه كنا نسميوه المحقق كونان) و مر كي جينا نعاودوها لقينا الثوم مقشر و حنا لازم كل ما نتلمو لازم نديرو حاجة ملا جبنا سكينة و قصينا الثوم
و الي يعدي نضربوه بالثوم ههههههههه مبعد فاق بينا جدي و الثوم الدرك مزال ما عمبلناش وين عادو يخبيوه ههههه

و مرة تاني فالعيد هبطونا للبارك كنا لابسين و عادلين و حطه و الصوارد فالسيكان ملا ما لقينا واش نديرو.ملا حكمنا كرتون فرشناه فالارض و قعدنا فوق و حطينا شوية صوارد قدامنا و بدينا نطلبو و حنا بالحطه هاديك و الريحة تفحفح و الي يعدي علينا كان يموت بالضحك مبعد فاقو بينا قتلونا بالضرب و كانت اول عملية فاشلة و من هذاك اليوم حرمو علينا البارك فالعيد ههههههههههههههه

ان شاء الله يكون عجبكم الموضوع لا تنسوا الردود و اكتبولنا على مغامراتكم و عملياتكم الفاشلة و خططكم الشيطانية
و لو في سطر واحد ههههههههه

[ismahane lat]

ههههههههههههههههههههههههههههههههه