المشكل زوجي

مشكلتي · 2013-07-30, 13:20

السلام عليكم و رحمة الله و بركاته .....
من أين أبدأ،،، رمضان هذا هو أتعس رمضان فوته في حياتي المشكل زوجي متزوجة مدة 10 سنوات أم ل 3 أولاد.
زوجي متدين لا يدخن و ليس لديه عادة مدمنه ضربني على حاجة تافهة ورهو يطيب وحدو ووساعات يأكل برا؟؟؟؟؟؟؟ و مكلتي ميكلهاش حتى ناكل منها 3 أيام.... وزيد فيه حاجة وحدخرى يحكي كل شيئ لأهلو بخصوص علاقتو مع زوجته حتى أني نمعنيلو ما لازمش و لكن لا حياة لمن تنادي.....
شايف روحو كامل متكامل غير أنا لي نغلط هو لا....ساعات يقولي نطلقك ....ساعات يعاملني و كأنو غير أنا مرا في الكون و ساعات ......اليوم أعتذر لي لكن حسيتو جبروه لأني تكلمت مع مواليا .......كيفاش ندير معاه أنصحوني...

hajour · 2013-07-30, 22:09

راكي قلتيها 3 أولاد شوفي ليهم أختي و على وجه ولادك يدخل عليهم باباهم خير ما يتشردوا, أصبري و ربي ما يخليكش. دعائي لك.

امونة الشاوية · 2013-07-30, 22:12

اختي بما انو متقلب المزاج حاولي تساعفيه لانو 3 اولاد لا يوجد غير هاذا حل وربي يهدي سركم ويصلحو وادعيلو ربي يعدلو ا

مبروكة الصحراء · 2013-07-30, 22:43

ربي يفرج عليك اختي قيسيه في الثقيييييل بلاك يفطن شوي

abdelhamid24 · 2013-07-31, 01:29

اقتباس:

المشاركة الأصلية كتبت بواسطة مبروكة الصحراء

ربي يفرج عليك اختي قيسيه في الثقيييييل بلاك يفطن شوي

ههههههههههههه الثقيل و يثقال
سلاح من الآخير

asmamatmour · 2013-07-30, 22:51

اختي اصبري فرات على جال ولادك 3
و مادام راهو متقلب المزاج ماعندك واش ديريلو غير تعامليه حسب مزاجو
و ربي يفرج ان شاء الله و ادعي ربي يهديه

khawlita.dz · 2013-07-30, 22:55

الله يسرلك من كثرة مشاكل الازواج كرهت الزواج و ايامه الله يسرلك امرك و يهدى زوجك

moha75 · 2013-07-30, 23:33

اقتباس:

المشاركة الأصلية كتبت بواسطة khawlita.dz

الله يسرلك من كثرة مشاكل الازواج كرهت الزواج و ايامه الله يسرلك امرك و يهدى زوجك

السلام عليكم،

أتمنى أن تكرهي سوء إختيار الزوج،
وليس الزواج،
لأن الزواج نصف الدين،
وكما يوجد أزواج مثل هذا الزوج،
اللي ما يحترمش زوجتوا،
ويعاملها معاملة قاسية،
كاين بزاف أزواج طيبين مع زوجاتهم،

دائما في الحياة كاين الخير والشر،
كاين المليح والقبيح،

فقط لازم شويا صبر وتفكير وبحث دقيق،
لكي لا نقع في أخطاء الآخرين.

شكرااا لك وربي يوفقك لما فيه الخير.

khawlita.dz · 2013-07-30, 23:55

اقتباس:

المشاركة الأصلية كتبت بواسطة moha75

السلام عليكم،

أتمنى أن تكرهي سوء إختيار الزوج،
وليس الزواج،
لأن الزواج نصف الدين،
وكما يوجد أزواج مثل هذا الزوج،
اللي ما يحترمش زوجتوا،
ويعاملها معاملة قاسية،
كاين بزاف أزواج طيبين مع زوجاتهم،

دائما في الحياة كاين الخير والشر،
كاين المليح والقبيح،

فقط لازم شويا صبر وتفكير وبحث دقيق،
لكي لا نقع في أخطاء الآخرين.

شكرااا لك وربي يوفقك لما فيه الخير.

فعلا معك حق الله يهدى و يجيب الخير

moha75 · 2013-07-31, 01:34

اقتباس:

المشاركة الأصلية كتبت بواسطة khawlita.dz

فعلا معك حق الله يهدى و يجيب الخير

أمييييييييييين يا رب العالمين.
شكراااا لك.

sali-sali · 2013-07-30, 23:03

ناقشيه اهدري معاه..ساعفيه..اعملي الحجات لي ترضيه..ماتبينلهش انك كارهة من تصرفاتو
ادعي ربي يهديه
لازملك تصبري

abdel02 · 2013-07-30, 23:16

إصبري و صابري واتقي الله.

moha75 · 2013-07-30, 23:39

زوجك متقلب المزاج،
وما يحيرني حقا هو كيف لزواج دام 10 سنين،
ما شاء الله عشرة طويلة،
ولحد الآن ما فكيتي شفرة زوجك،
الزوجة لازمها من الأول تفهم عقلية زوجها،
وتعرف مزاجوا مليح،
لكي تحسن التعامل والتصرف معه،
تعرف كيفاش تتعامل معاه لما يكون متعصب وفي مشكلة،
تعرف كيفاش تتعامل معاه لما يكون سعيد وبشوش،
يعني كل حالة ولازمها تشخيص وتعامل خاص،
نصيحتي اصبري الصبر المعقول،
يعني الصبر اللي تقدري تتحمليه،
والصبر اللي يحفظ كرامتك ،
وحاولي دائما تتفادي النقاش الحاد معاه،
لما تشوفيه عصبي حاولي قدر المستطاع تفاديه،
وإن شاء الله يجي اليوم اللي يعرف فيه قيمتك،
ساعتها يندم الندم الشديد،
ربي يوفقك و يسعدك ويهدي زوجك لما فيه الخير.
امين.

رحمة من المولى · 2013-07-31, 01:39

ربي يفرج ان شا الله

ام نسمة · 2013-07-31, 02:10

مرحبا
اذن سا القنك اسطوانة امي الحبيبة استمعي جيدا
المرا هي اللي تصبر يا بنتي
كي تشوفي راجل ومرا متفاهمين اعرفي الدرك راها رافداتو المرا
احنا ماجبناكمش وصبرنا عليكم بالساهل
اصري وين با تدي ولادك وتروحي
الراجل ساقية والمرا جابية
حتى واذا هو غلط انتي اطلبي السماح
وععععععععععععععععععععععععععععععععععععععععع اسطوانة تحبس القلب
اما نصيحتي ليك هي كوني قوية الشخصية وحطو النقاط على الحروف ومادام قلتي انو متدين اهدريلو على العلاقات الزوجية من الجانب الشرعي وما يصح ومالا يصح
وان لم تنجحي وقنطتي هنا انا خاطيني مانقدرش نقولك اتطلقي لوكان ماجاوش عندك اولاد اقول لكي نصيحتي الشهيرة
انفذي بجلدك لكن .....................اولاد ؟