شبابنا يرتكبون الجريمة لدخول السجون شتاء والخروج منه صيفا ...! هل هده هي سنة حياتهم؟

ل..ب..ن..ى · 2009-04-20, 18:40

السلام عليكم

كما قلت بالعنوان
بعض الشباب يضطرون الى ارتكاب الجريمة التي تدخلهم للسجن لمدة 4 الى 6اشهر
فهم يدخلون فندق خمسة نجوم _الحبس_ شتاء ويخرجون منه صيفا

تدخل الجماعة للتسلية في الشتاء :
فيلتقي الاحباب_المجرمون_
فهم هناك ياكلون ويشربون وتحت ماوى يحميهم
اضافة لوجود مراكز الترفيه هناك
كالتلفاز والعاب الفيديو
والالعاب ايضا البراتيكية كالبابيفوت والبيار و.....

كيف لا تحلو القعدة مع الاصدقاء هناك
اضافة الى انهم يحصلون على الاكل بدون شقاء
ومن لديهم العائلات يحصلون على افضل ما يوجد ببيتهم

والله العظيم : راقدة وتمونجي ....!

وفي الصيف بعد انتهاء مدة العقوبة
يخرجون من سباتهم اللطيف
كل يحمل ما يلزمه لقضاء احلى صيف على شواطئ اجمل مناطق البلاد
لان الصيف في مناطق كهده لا تعرف ليله من صباحه

وهكدا تمر سنوات بعض شبابنا
راحة *راحة
مع قضاءاروع اوقات استمتاع

والله غير هما صابو الحل ...!

واش رايكم في اناس مثل هؤلاء ؟
مع العلم ان نسبتهم والله كثيرة
والاعترافات اتت من اقاربهم واخبار اخرى وصلت من عمال سجون اد قالو انهم يعانون
من اكتظاظ السجون شتاء ...!

تحياتي

سلام

نسيمة48 · 2009-04-20, 18:47

واش نقولو في هدا الواقع المر رانا نشوفو في هادي الحالات كل يوم و كيما قلت خاصة في الشتاء
و اذا كانت السجون للعقوبات لوجدنا الحل لكن السجن اصبح مكانا للتسلية و الترفيه اذا الحل اختفى و لا يوجد اكثر من السجن

تقبل مروري

طارق القبطان · 2009-04-20, 18:52

شوفي أختي نسبتهم عالية أنت تبالغين هنا
وعلاه أنت حسدتيهم هههههه نضحك برك
راكي تقولي هكذا لأنك ما عمبالكش وشنهي الحبس
حتى لو لم تكن انت السجين ، وأحد القريبين منك هو السجين
فإنك لن تتحمل

س..ع..ي..د · 2009-04-20, 19:01

واش رايكم في اناس مثل هؤلاء ؟

في الحق يبانو هذوا المجرمين سعاداءلدرجة انو ليشوفهم يقول عليهم(والله العظيم : راقدة وتمونجي)بصح في الواقع صدقيني انا جمعت بزاااف منهم والله اختي ..ل.......ب....ن..ى..كاين حتي ليبكاو قدامي ويكو اجسادهم لانهم ندموا علي حياتهم كفاش عداوها
المظاهر متبينش حتي ويدخلوا للسجن مع احبابهم في الشتاء بصح السجن رغم الترفيه والتسلية...الخ.. يبقي سجن في نظرى الجميع حتي لدى المجرمين انفسهم وساعات الانسان يشفق عليهم واش من حياة عاشوها الكل يكرههم ولايوجد اي اي انسان يحترمهم هل هذه حياة ؟؟؟!
مشكورة علي الموضوع اختي ..ل...ب..ن..ى..
تقبلي مرورى ووجهة نظرى اختي

ل..ب..ن..ى · 2009-04-20, 19:30

اقتباس:

المشاركة الأصلية كتبت بواسطة aucun avenir

شوفي أختي نسبتهم عالية أنت تبالغين هنا
وعلاه أنت حسدتيهم هههههه نضحك برك
راكي تقولي هكذا لأنك ما عمبالكش وشنهي الحبس
حتى لو لم تكن انت السجين ، وأحد القريبين منك هو السجين
فإنك لن تتحمل

السلام عليكم

علابالي كاين ابرياء مظلومين هناك
واعلم انهم يعانون هناك
والله

ولكن في موضوعي قلت هناك < بعض >
وانا متاكدة مما اقول والله
وسمعت اخبار بعضهم من عند شقيقاتهم

وهده الجماحة اللي تدخل للفندق
هي الجماعة اللي موالفة
يعني اللي كل عام لازم يدخلوا ...!

لا اقصد اولئك الدين يدخلونه لاول مرة
فهؤلاء لا اصحاب لهم هناك

بل غالبا ما ينظلمون من طرف حراس الحبس الشتويين ...!

شكرا على المرور

تحياتي

سلام

ل..ب..ن..ى · 2009-04-20, 19:34

اقتباس:

المشاركة الأصلية كتبت بواسطة نسيمة48

واش نقولو في هدا الواقع المر رانا نشوفو في هادي الحالات كل يوم و كيما قلت خاصة في الشتاء
و اذا كانت السجون للعقوبات لوجدنا الحل لكن السجن اصبح مكانا للتسلية و الترفيه اذا الحل اختفى و لا يوجد اكثر من السجن

تقبل مروري

ايه والله انه واقع مر

شكرا لك على المرور

شرفتي الصفحة اختي

المهذب · 2009-04-20, 19:40

[quote=Bogossa Hugossa;994542]السلام عليكم

وعليكم السلام نعم أيها الاخت لبنى هذا حال الشباب الفارغ روحيا وليس له هدف في الحياة الا الاكل والشرب كالحيوان وهنا ( اذا لم تستحي افعل ماشئت) ربي يعفو بشباب الامة أمين.

ل..ب..ن..ى · 2009-04-20, 19:46

اقتباس:

المشاركة الأصلية كتبت بواسطة said 2008-2009

واش رايكم في اناس مثل هؤلاء ؟

في الحق يبانو هذوا المجرمين سعاداءلدرجة انو ليشوفهم يقول عليهم(والله العظيم : راقدة وتمونجي)بصح في الواقع صدقيني انا جمعت بزاااف منهم والله اختي ..ل.......ب....ن..ى..كاين حتي ليبكاو قدامي ويكو اجسادهم لانهم ندموا علي حياتهم كفاش عداوها
علابالي كاين هده الفئة والله
ولكنني في موضوعي هدا كنت على الفئة اللي تظل هناك بالماوى
نعلم ان شبابا كثرا دخلو ظلما
او دخلو بسبب غلطة صغيرة وندمو عليها بزاف من بعد
بعد ما ادو العقاب
المظاهر متبينش حتي ويدخلوا للسجن مع احبابهم في الشتاء بصح السجن رغم الترفيه والتسلية...الخ.. يبقي سجن في نظرى الجميع حتي لدى المجرمين انفسهم وساعات الانسان يشفق عليهم واش من حياة عاشوها الكل يكرههم < اكيد وربي يسترنا وزيد كواعطهم يتوسخو كيما نقولو بالعامية>ولايوجد اي اي انسان يحترمهم هل هذه حياة ؟؟؟!<وللاسف بالنسبة للناس اللي مايستاهلوش
اما البقية والله كاين اللي ما يحشمش
يدير الحاجة مرة وزوج وثلاثة ومازال يعاود فيها ...!
ثم انني نعرف واحدة قالت: امها تظل تدعي ليل نهار
باش يدخلو ولدها للسجن
لانها ما قدرتلهش .. ثم ان هدا الاخير ماشي من العاقزين يحقق امنية امه كل مرة
ويخرج في الاعفاء الشامل
او في مناسبات واعياد ....
تقول هاد الناس عندهم الزهر ...وكاين اللي يطلب ربي ينقصوله شهر وما تصيحلهش...!>
مشكورة علي الموضوع اختي ..ل...ب..ن..ى..
تقبلي مرورى
< مرورك سر صفحتي > ووجهة نظرى اختي < ورايك يهمنا اخي >

تحياتي

سلام

ل..ب..ن..ى · 2009-04-20, 19:50

[quote=المهذب;994723]

اقتباس:

المشاركة الأصلية كتبت بواسطة Bogossa Hugossa

السلام عليكم

وعليكم السلام نعم أيها الاخت لبنى هذا حال الشباب الفارغ روحيا وليس له هدف في الحياة الا الاكل والشرب كالحيوان وهنا ( اذا لم تستحي افعل ماشئت) ربي يعفو بشباب الامة أمين.

اللهم امين
ربي يسترنا

شكرا على مرورك اخي

تحياتي

سلام

ابوانس 22 · 2009-04-20, 19:55

وعليك السلام
عندك كامل الحق عندنا يطلق على السجن اسم الشيراطون

الصديق عثمان · 2009-04-20, 19:57

هذا حال العدالة لا تفرق السجن عن الفندق .............. شكرا لبنى

satamouni · 2009-04-20, 20:00

ربي يلطف بخاوتنا

ل..ب..ن..ى · 2009-04-20, 20:14

السلام عليكم

شكرا على مروركم

ولكنني لاحظت ان هده الافة حسب ارائكم انتم الاعضاء
منتشرة في الغرب
والشرق ما عندهمش مثل هده المشاكسات القانونية اللي القانون ما صابلهاش حل
.....!.....

تحياتي

سلام

حمادة المصرى · 2009-04-20, 20:30

الاسباب كثيرة
وهذا يحدث فى كل بقاع العالم
ومنها
البعد عن الدين
اصدقاء السوء
البطاله
عدم التربيه الجيدة فى المنزل
وحاجات كثيرة
وربنا يسلم
شكرا لبنى على هذا الطرح الجميل

ذات النورين · 2009-04-20, 20:33

يعني يكفي وصف المجرمين التي التسقت بهم كوصمة عار
وهذا في حد ذاته اقصى من السجن عقوبة لهم لو كانوا يعلمون