ساعدوني ارجووووووووووووكم

maghbona · 2013-09-07, 15:47

السلام

انا فتاة عمري27سنة عندي مشكل حبيت تقولولي كيفاش و واش ندير ارجوكم مالقيتش لي يعاوني

انا من عائلة وعروفة في الوللاية لي نسكن فيها ماكاش لي مايعرفناش بابا عندو شركة كبيرة معروفة في الولاية و عبر الوطن ماكالاش نقول واش هي المهم تعرفت على شاب تحبينا و تقدم لخطبتي هو من عائلة متوسطة ماهو مرفه ماهو زوالي لاباس بيه الحمد الله كي عرفني من الاول قالي واشن هي نكواتك كي قلتلو نخلع قالي انا ماشي كيما نتوما كي نجي نخطب surداركم مايقبلوش بيها هو يحبني و انا نحبو كنت حابة نعيش معاه كنت حابةهو يكون الزوج ديالي قالي ندير النية و خليها على ربي انا قلتلو ok ارواح تخطبني بلاك يقبلو بيك واش خصك والو الطفل خدام و طفل واحد في دارهم عندو 5 خواتاتو المهم جاب يماه و جا خطبني و انا فرحتتتتتتتت بزاااااااااااف مام هو كان فرحان من بعد هنا وليت خايفة من امي خاطرش امي صعيبة جدا تحب غير صحاب الشكارة الله يهديها كي راحو قاتلي غير ماكلاش و انا تما رحب ل بابا قتلو انا هاد الطفل نحبو و عندنا شحال و حنا كيفكيف و نهدرو في التليفون دائما كل وقت بابا قالي نسقسي عليه قبل مانطيش بنتي و خلاص قتلو ok انا ماكنتش خايفة من بابا لانو ماكاش واحد قريب ليا و يحبني و نحكيلو كلش قد بابا لعزيز ربي يطولي في عمرو بابا راح سقسا عليه هو و عمومي تاني ساقساو عليه ملييييييييح و النتيجة الحمد الله كامل لي يسقسيوه عليه يقللهم طفل عاقل وليد فاميليا الحمد الله بصح ماما ماكنتش حابة بسيف باش قبلت اه بابا قالي نتكلو على ربي واش نقولك يابنتي واااااااااااااااااااااااو انا مت بالفرحة وااااااااااو لوكان شتوني هاداك النهار كنت اسعد وحدى في العالم بابا عيط للطفل و قالو مبروك عليك يا وليدي ووووووااااا وو و هو تاني فرح عيطلي في التلفون و كان فرحان كتر مني من بعد ايام جاو دارهم باش يديرو قطيع الشرط و يبينوني جاب العائلة تاعو خواتاتو عماتو يماه و عمومو و نسابو المهم كنت الدار معمرا و انا جاو عماتي و القارب هاداك النهار دارلي الخاتم تع التبينة و جابلي بياس مونتي و سنيوا مقروط اللوز و سنيوا لي فغوي و باكي ورد كبببببببببييييير واو هاداك النهار كانت الفرحة في الدار و تصورنا بزاف تصاور المهم بعد ايام ماما راحت لدارهم باش تردلهم السنيوات لي جابو فيهم الحلوى هاداك النهار كنت مقلقى كنت خايفة ادا ماما كاش ماتقول ولا كاش مادير خاطرش نعرفها مليح المهم كي جات هنا بدا المشكلللللللللللللل

قلتلها واش كيفاش عجبك الحال عندهم قاتلي تتمسخري بيا

و كانت مقلقا قلتلها واش بيك قاتلي شتي الكانابيات لي حنا دايرينهم في بيت القعاد هما دايرينهم في الصالون تعهم قاتلي هاديك السبيغة تع الحيط جابتلي راصي معجبتنيش وووواااااااو انا تمت فشلت قلتلها ايه واش كاين عادي بدات تقولي حبسي معاه انا من الاول ماقبلتش بيهم و بدات تعيي فيا رحت لبابا قتلو شوف ماما و اش قتلي قالها الله يهديك واش بيك قاتلو نو ماشي كيما نحب انا ماعجبونيش ووووووووووااااااااااااااااااااااااعععععععععععععععع ععععععععععععععععععععع بقات مشنفا عليا لمدة 3 ايام من بعد 3 ايام راحات للوحد الدار فامليتها كي جات جات قاتلي خلاص حبسي اطيني التليفون تاعك و مليوم ماتزيديش تهدري معاه

قلتلها علاش قاتلي جابولي هدلرا عليه بلي ماشي مليح و يشرب الشراب قلتلها بصح بابا و عمومي ماهومش مهابل يقبلو بيه لوكان صابوه هاكداك بابا سقسا عليه مليح قاتلي مانعودش الهدرة جيبي الخاتم باش نرجعوهولو انا ماحبيتش قاعد نبكي كي المهبولة و هي لا اوبال كان همها الوحيد مانتزوتش بيه خاطرش ماشي مرفهين و الخاتم لي جابهولي ياما قاتلي هاداك خاتم هاداك ماعجبهاش هيا تحب يكون فيه قنطار دهب باش بلاك تقبل و الله عياتني ياما بدات تقولي هادا راهو طامع فيك و في دراهم باباك و الله مابصح انا علا بالي هم نهار لي جا لدارنا و شافها قالي ماكنتش عارف لب تسكني في دار هاكدا و الله الطفل صح يحبني انا المهم ياما هدرت معا بابا مافهمتش واش قاتلو و واش دارتلو حولتلو مخو بابا قالي خلاص جيبي الخاتم نرجعهولو ماكتبش المكتوب و انا درت حالا في الدار بالبكا و العياط حتا واحد ماحب يسمعني بابا دا الخاتم رجعهولو و في الشارع ماشي في الدار ولا في القهوى مسكين الطفل تشوكا مافهم والو و انا تان ولينا كي المهابل ناحولي الهاتف ماوليتش نهدلر معاه وليت كي المهبولة مانكل وانشرب مانهدر مع حتا واحد من بعد جات ليا ماما قاتلي نزوجك بيمن نحب انا اااااااااااااااااااي يا قلبي ايييي من بعد ايام جبت هاتف بتخبيا عليهم و وليت نهدر معاه و تفاهمنا يزيد يروح يهدر مع بابا هاد اليمات جا هدر معاه و بابا قالي خلاص افهمي هاد الطفل ماشي تاعنا و فاقولي بلي جبت هاتف و مازلت نهدر معاه نحوهولي و زت جبت وحد اخر و مازلت نهدر معاه خاطرش انا نحبو و موحال نعيش بل بيه الطفل نعرفو مليه هما راهم غالطين فيه راني راضيا بيه و الله مانسمح لي هدر فيه ممكن تقولولي واش ندير ارجوكم عييت

مادا بيكم ماتقولوليش ماماك عندها الحق ok

و عرسي كان حيكون في 16 سبتمبر 2013 وااااااااااو راهو قريب خصارة دوك في هادا النهار نبكي الدم كي نتفكر علاااااااااااااش

السيده صليحة · 2013-09-07, 16:07

سلام عليكم
قريت مشكلتك حسيت روحي نتفرج في مسلسل درامي ==وش نقلك ربي يهديها يماااااااااااااك المال اجي وروح ولاد حلال قلال فدنيا انتي زيدي شوفي مع خالاتك ولا صديقات يماك بلاك يفهموها وقنعوها =ربي اكون فعونك

maghbona · 2013-09-07, 16:14

inchallah merci

imane khaled · 2013-09-07, 16:29

حبيبتي كان الله في عونك

أم ماجد · 2013-09-07, 16:34

كل شئ بالمكتوب
حاجة واحدة نقولك اولا صلي صلاة الاستخارة
ثانيا راكي متاكدة اختي من هاذ الشاب مليح لان امك عندها الحق تخاف عليك
حاولي تخلي واحد من العائلة اللي يؤثر عليها يدخل وشوفي

maghbona · 2013-09-07, 16:47

اقتباس:

المشاركة الأصلية كتبت بواسطة أم ماجد

كل شئ بالمكتوب
حاجة واحدة نقولك اولا صلي صلاة الاستخارة
ثانيا راكي متاكدة اختي من هاذ الشاب مليح لان امك عندها الحق تخاف عليك
حاولي تخلي واحد من العائلة اللي يؤثر عليها يدخل وشوفي

شكرا لكي ام ماجد والله صليت و صليت بزاف صلاة الاستخارة و قلبي ريحلو بزاف الحمد الله و الشاب مليح انا متاكدة 200 بالمية
امي لا شي يوتر عليها بففففف

شكرا لكي

تاج الكرامة · 2013-09-07, 17:02

لا املك لك سوى الدعاء
ربي يسهلك ان شاء الله

انتي بلون الورد · 2013-09-07, 17:02

ربي يحنن قلبها يا رب و يفررج علييييييييييييييييك.و علينا

lofi · 2013-09-07, 20:29

ياختي ربي يفرج عليك
شوفي مع واحد يكون له التاثير على ابوك ويقنعو
خرجي صدقة بنية الفرج
استغفري 1000 مره في اليوم

sali-sali · 2013-09-07, 20:49

السلام عليكم

يا اختي واش هدا كااااامل ؟؟؟
الاول انتي غلطتي كي راكي تحكي معاه و تكسري في راسك
عن نفسي رضاية والديا هيا 1 ...لكن راني نشوف والديك طماعين خاصة يماك مش يحوسوا على الهنا همهم المال فقط
كاين حل وحيد انو هو يحكي مع امام او شخص كبيريجيبه معاه يحاول يقنع باباك كيما نقولو حنا يجيبله جاه

وادا كان ربي كاتبهلك ماتديه غير هو...ادا لالا الله غالب مكتوب

أم ماجد · 2013-09-07, 21:09

اقتباس:

المشاركة الأصلية كتبت بواسطة sali-sali

السلام عليكم

يا اختي واش هدا كااااامل ؟؟؟
الاول انتي غلطتي كي راكي تحكي معاه و تكسري في راسك
عن نفسي رضاية والديا هيا 1 ...لكن راني نشوف والديك طماعين خاصة يماك مش يحوسوا على الهنا همهم المال فقط
كاين حل وحيد انو هو يحكي مع امام او شخص كبيريجيبه معاه يحاول يقنع باباك كيما نقولو حنا يجيبله جاه

وادا كان ربي كاتبهلك ماتديه غير هو...ادا لالا الله غالب مكتوب

لا لا والديها ما يبحثوش على المال مهما كان هاذو والديها اللي تعبوا عليها يا بنتي واذا مارضاوش عليها

حسب تفكيري المتواضع ممكن اختلاف المستوى المادي خلا الام ترفض تخاف بنتها ماتقدرش تساير مستوى الخاطب فقط

naamane3 · 2013-09-07, 21:34

ماماك تحوسلك على واحد مولا شكارة كيما باباك
وما علا بالهاش باللي مول الشكارة يقدر يطمع
في دراهم باباك اكثر من الزوالي
وزيد الزوالي ماش داخل على طمع على خاطر كان ما يعرفكش
امالا نصيحتي لك هي
اولا تستغفري ربك على الاوقات التي قضيتها معه قبل ما يخطبك
في الهاتف او في غير الهاتف
فاذا استغفرتى حتني تنتهي تلك الذنوب سهل لك الله زواجك ممن تريدين
ثانيا حاولي مع امك وحاولي وحاولي حتى تلين لك وتقبل به
ثالثا وهو الأهم نعرف ان الأم تكون عاطفتها قوية جدا على اولادها
لذا اعزفي لها على هذا الوتر وستلين لك باذن الله
وقبل هذا تأكدي من أن هذا الشاب ليس طامع فيك وفي مال ابيك
ثم عليك بالدعاء والالحاح بان يهدي الله امك ويصلح حالك
والله المستعان

ilosa23 · 2013-09-07, 22:16

توقفي حالا عن الكلام في الهاتف مع هذا السيد لان هذا : : : : حراااااااااااااااااااااااااااااااااااااااااااااااا ااااااااااااااااااااااااااام
وهو اجنبي عنك حتى وان كنت مخطوبة له فما الخطوبة الا وعد بالزواج
اتق الله وسترين كيف يفرج همك

مبروكة الصحراء · 2013-09-07, 22:20

حسيت روحي غادي نبكي ربي معاك

سميرة سام · 2013-09-07, 23:07

قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

هدا وا تقولي ليماك ربي يهديها
حرام عليها تحرمكم من بعضاكم في الحلال
أختي العزيزة أدعي ربي في كل وقت خاصة في صلاة الصبح
ربي يكتبهولك إن شاء الله إذا فيه خير ليك يارب