ارجوكم ساعدوني

استبرق4 · 2013-07-30, 12:34

السلام عليكم
على طول رمضان كامل وانا نطيب في البوراك وراجلي مش عاجبو ابدا ديمة يرمرم عليا
وهدا كل ندير فيه بطاطا مهروسة وفيونداشي وزيتون ودبشة وفرماج ونخلطه بحبة بيض
منعرف اذا راني غالطة ولا لا
ارجوكم دبرو عليا بوراك فووووووووور

أم أمير 30 · 2013-07-30, 12:53

*شوفى اختى انا نغير نذير البوراك على هذه الطريقة البيض مطبوخ و التون وفرماج الشيف و دبشة و ادا حبيتة زيتون و نذيرهم و الله غير هايلين كاين طريقة اخرى البطاطا مطبوخة نزيدلها السردين تكونى نقيتيه مع شوية زيت فوق النارو شوية هريسة و دبشة وتوابل نتاعك و خاصة الهريسة و البيض و اذا حبيتى زيدى الفرماج و الله غير بنة ما شاء الله

touta2010 · 2013-07-30, 13:14

ذبلي فيونداجي على نار هادية مع شوية ملح حرور ولما تطفي النار ضفي بيضة وخلطي حتى تطيب وحشي الديول بالفيونداجي لذبلتيه وحطي معاه قطعة فرماج ولوي وقليه

استبرق4 · 2013-07-30, 15:50

ربي يحفضك اختي موقع روعة.نشالله يعجبو الحال راجلي

أيادي الأمل · 2013-07-30, 16:01

كي تجي تعمري البوراك ما تخلطيش البطاطا مع ا للحم ، حلي الورقة تع الديول حطي شوية بطاطا شوية لحم شوية فرماج زيتون ...
هكا جي خير ما تخلطي لحم مع بطاطا تروح بنتو

ربي يعاونك