ابنتي تمشي وهي نائمة

[houssemo]

السلام عليكم
ابنتي عمرها 8 سنوات تمشي ليلا وهي نائمة ، وتعاني هذه الحالة بصورة خاصة إذا تعرضت للضغط النفسي بسبب الدراسة أو غيرها
هل من أحد يعرف السبب أو حتى الحل ؟

[naima40]

Rabi ychafiha ya okhti

[oummariam]

اختي حاولي تتحاوري مع بنتك باش تعرفي الحاجة اللي تقلقها لانو القلق اللي راهي تخبيه في قلبها راهي تخرجو بهاذ الصفة المهم انك تتقربي منها و حتى الاب اي انكم تخلوها تعرف باللي كاين اللي تتكل عليه كي تكون متقلقة واذا كانت هناك مشاكل في اللعائلة حاولي انك تحليها بعيد عنها و اذا ما عطاتش نتيجة ابعثيها عند مختص نفساني هو راح يعرف السبب وراء هاذ الاضطراب و ربي يجيب الشفا

[pharmajsk]

لالا اختي قاع متتحيريش هذا شيء عادي كون نقولك والله راح تشبعي علينا ضحك احنا عدنا بزاف حالات في العائلة كيما هذي رانحكيلك باش متتقلقي
وحد مرة كنا في الريف عند عمتي بايتين املا في الليل نصيبو ولد عمي راح للغابة يمشي نائم وهو يمشي
والثانية ولد عمي الثاني وحدة المرة صبناه دايرة محرمة ويرقص

والله عادي كي تكبر راح تروحلها

[لميس اميرة]

اختي انا نعرف وحدة جاتها فترة ولات تمشي في نومها و لما عملولها تحاليل لقاو عندها الدود في كرشها

و لما ارتاحت راحتلها حالة المشيان ليلا

ربي يشفيها ان شاء الله

[ا.سارة]

السلام عليكم
انا في الحقيقة عندما رايت العنوان صدمت لانه كان اخي في مثل عمرها كان يمشي و هو نائم الى ان قدر الله و ما شاء فعل سقط من الشرفة و توفي رحمه الله و لم يره احد لانهم كانوا نيام وقد كان اخي طفل كتوما يكتم غضبه و لا يتكلم كثيرا
لدى اختي ارجوك لا تدعي بنتك تنام لوحدها و لا تدعي اي شيء مفتوح سواء الباب او النوافد و اقرئي القران لبنتك
لا تستهزئي ابدا انا لست ابالغ لكن لا تقولي انه شيء عادي

ربي يصونها و يشفيها ان شاء الله

[imene12]

لست مختصة نفسانية و لكن أعتقد أن إبنتك تعاني من إضطراب ما فالمشي أثناء النوم ليست حالة طبيعية. .. فقط خذي حذرك أغلقي الأبواب جيدا و كذا النوافذ ... و إستشيري أخصائي في علم النفس راح يفيدك كثيرا.

[lilyane lilyana]

اقري عليها قرآن وما تخليهاش ترقد وحدها

[khawlita.dz]

المشاركة الأصلية كتبت بواسطة houssemo

السلام عليكم
ابنتي عمرها 8 سنوات تمشي ليلا وهي نائمة ، وتعاني هذه الحالة بصورة خاصة إذا تعرضت للضغط النفسي بسبب الدراسة أو غيرها
هل من أحد يعرف السبب أو حتى الحل ؟

كانت ليضا اختى كدلك فى صغرها وكانت امى تخاف عليها جدا و دائما تنام بجانبها و تسكر امى كل الابواب :d
لكن لما كبرت زال هدا المشكل
لا اعرف السبب لكن اظنها ستتجاوز المشكل مع مرور الزمن
ان شاء الله بالتوفيق والله يحفظهالك

[hakeem]

الحل عند الطبيب النفسي ... أعتقد أن بعض الحالات مصطنعة و غرضها لفت الإنتباه

[محمد منير علي]

هذا أمر طبيعي أنا كنت مثلها ووالدي أيضا مثل حالتي صراتلو بل حتى كانو يخبو عليا مفتاح الباب باش ما نخرجش طبعا بلا ما نفيق ولكن من سن حوالي 14 زالت هذه الامور والحمد لله وما تكسري راسك لا بطالب ولا بطبيب

[ناصف الورداني]

انا منذ ايام رايت امي تقودني الى فراشيو فالصباح قالوا اني كنت اصرخ و نهضت من فراشي اجري و كسرت الهاتف و الحمد لله لم اصطدم بالزجاج

[أيادي الأمل]

هههه هذا عادي اختي

انا امي لما كانت صغيرة كانت تمسك النعال اعزك الله و تضرب بيها اخواتها وهي نائمة هههه
ومرة فتحت الباب وجات خارجة ... هبلتهم وهي الآن عادية ههه

ماتتقلقيش الامر عادي

[marwa marama]

اختي حاولي تنحي عليها الضغط راهي غير من الضغط تصرالها هكا

[سما الايام]

خيتوا انا خوي كان صاريلوا هكذا احنا هكذاك نقراولوا القران في بلاستوا ونحطولوا المصحف تحت مخدتوا يرقد ب1 وماينوضش هذاك اليوم