حابة نتعلم الفتيل

[fatalim]

مرحبا هل تستطيعون ان تعطوني طريقة فتيل الكسكس وخصوصا الرقيق نتاع الشرق هايل

[pharmajsk]

اهلا حبيبتي ويعطيك الصحة كي راهي عندك ارادة باش تفتلي شوفي حنونة الفتيل ننصحك باش تتعلمي من عند وحدك تكون قدامك وتعلمك باسكو بالهدرة منقدروش نعلموك مليح فهمتي حنونة

[sirina_angel]

اختي كيما قالت فارما الفتيل لازم التطبيق ماشي كيما الباقي تشوفي الصور و ديري لازم وحدة قدامك

[sofiane2075]

https://djelfa.info/vb/showthread.php?t=237126


https://www.djelfa.info/vb/showthread.php?t=798222

عن تجربة ادا حبيتي طعام ما يتعبكش بزاف سيريه منه فيه يعني ماتديريش لرطب وحده و المتوسط وحده و فوري نصف الكمية و سيريه تم لما يبرد خلطيه مغ النصف التاني و افتلي ماراحش يخرجلك براكس يعني متل البركوكس و باه يجي رقيق هادا على السيار استعملي لي عينيه مفتوحين في الاول و من بعد عاودي في واحد مغلوق شوية من بعد ديري في الرفاد يخرجلك طعام و لما تيبسيه راح تزيدي تسيري طعامك كيما نقولو تنحيلو الراس يعني لي يبقى فوق السيار شوية خشين استعمليه ليكم برك نتمنى نكون افدتك

[pharmajsk]

المشاركة الأصلية كتبت بواسطة sofiane2075

https://djelfa.info/vb/showthread.php?t=237126


https://www.djelfa.info/vb/showthread.php?t=798222

عن تجربة ادا حبيتي طعام ما يتعبكش بزاف سيريه منه فيه يعني ماتديريش لرطب وحده و المتوسط وحده و فوري نصف الكمية و سيريه تم لما يبرد خلطيه مغ النصف التاني و افتلي ماراحش يخرجلك براكس يعني متل البركوكس و باه يجي رقيق هادا على السيار استعملي لي عينيه مفتوحين في الاول و من بعد عاودي في واحد مغلوق شوية من بعد ديري في الرفاد يخرجلك طعام و لما تيبسيه راح تزيدي تسيري طعامك كيما نقولو تنحيلو الراس يعني لي يبقى فوق السيار شوية خشين استعمليه ليكم برك نتمنى نكون افدتك

يعطيك الصحة على هذي النصيحة وانا نزيد نأكد للأخت بلي ناجحة 100 في 100 حتى انا نديرها قبل مانفتل يعني ليلة قبل كي نشري السميد نفورو ونخليه يبرد والصباح نبكر عليه على 5 تاع الصباح و11 نكون كملت معاه والسر في هذا انو ميتكعبش ويتفتل هااااااايل بالتوفيق


الفتيل لازم التطبيق هو سهل مي لازم وحدة تكون قدامك وتوريلك

[ام طيري الجنة]

المشاركة الأصلية كتبت بواسطة pharmajsk

يعطيك الصحة على هذي النصيحة وانا نزيد نأكد للأخت بلي ناجحة 100 في 100 حتى انا نديرها قبل مانفتل يعني ليلة قبل كي نشري السميد نفورو ونخليه يبرد والصباح نبكر عليه على 5 تاع الصباح و11 نكون كملت معاه والسر في هذا انو ميتكعبش ويتفتل هااااااايل بالتوفيق


الفتيل لازم التطبيق هو سهل مي لازم وحدة تكون قدامك وتوريلك

ماشاء الله عليك كل اصبع بصنعة الله يرحم الي رباتك وعلماتك والله يخلّيلك داك القلب الحي ويحفظك من العين اااااااااااامين
نقولك الصح انا مين كنت في دارنا كنت نفتل مرة على مرة بحضور امي ربي يخليها لكن من اللي تزوجت ما فتلتش مع صبت الزوج ما يحبش بزاف الطعام ومين يجي في خاطرو ما يهمّوش يلا نتاع الحانوت ولا الدار جاتني على قلبي لكن الطياب كلشي تعلمته ونفرحه و دايما نبتكر اطباق جديدة ليه ولضيافنا
لكن اقول لصاحبة الموضوع يعطيك الصحة و لكل البنات تعلمي كلش ما تعرفي الزوج والعائلة اللي تطيحي فيهم و عاداتهم

[pharmajsk]

المشاركة الأصلية كتبت بواسطة ام طيري الجنة

ماشاء الله عليك كل اصبع بصنعة الله يرحم الي رباتك وعلماتك والله يخلّيلك داك القلب الحي ويحفظك من العين اااااااااااامين
نقولك الصح انا مين كنت في دارنا كنت نفتل مرة على مرة بحضور امي ربي يخليها لكن من اللي تزوجت ما فتلتش مع صبت الزوج ما يحبش بزاف الطعام ومين يجي في خاطرو ما يهمّوش يلا نتاع الحانوت ولا الدار جاتني على قلبي لكن الطياب كلشي تعلمته ونفرحه و دايما نبتكر اطباق جديدة ليه ولضيافنا
لكن اقول لصاحبة الموضوع يعطيك الصحة و لكل البنات تعلمي كلش ما تعرفي الزوج والعائلة اللي تطيحي فيهم و عاداتهم

ربي يحفظك ويخليك وشكرا على هذه الكلمات الرائعة وربي يستجيبلك حنونتي وربي يطول في عمر والدينا ويحفظهم نقولك حاجة حنونتي بالي كاين وحد الامور موش حتى يعلموهمنا لالا والله مسألة قلوب كاين لي قلبها مرهف باش تتعلم وكاين لي لالا فنيانة تقولك كلش راه يتباع واجد لالا موش هكدا احنا لازم نتعلمو واذا تقدرت عليك هذيك حاجة اخرى والله مين شفت طلب الاخت غير فرحت قلت الحمد لله كي مزال لبنات يحبو يتعلمو راكي تشوفي الاسواق راهي كامل معمرة ياعباد ربي حتى البغرير راه يتباع واجد

نقولكم انا الحاجة كون متتخدمش قدام عينيا ميتهناش خاطري

بالتوفيق اختي وشكرا ام طيري الجنة

[sirina_angel]

المشاركة الأصلية كتبت بواسطة pharmajsk

ربي يحفظك ويخليك وشكرا على هذه الكلمات الرائعة وربي يستجيبلك حنونتي وربي يطول في عمر والدينا ويحفظهم نقولك حاجة حنونتي بالي كاين وحد الامور موش حتى يعلموهمنا لالا والله مسألة قلوب كاين لي قلبها مرهف باش تتعلم وكاين لي لالا فنيانة تقولك كلش راه يتباع واجد لالا موش هكدا احنا لازم نتعلمو واذا تقدرت عليك هذيك حاجة اخرى والله مين شفت طلب الاخت غير فرحت قلت الحمد لله كي مزال لبنات يحبو يتعلمو راكي تشوفي الاسواق راهي كامل معمرة ياعباد ربي حتى البغرير راه يتباع واجد

نقولكم انا الحاجة كون متتخدمش قدام عينيا ميتهناش خاطري

بالتوفيق اختي وشكرا ام طيري الجنة

انا صراحة ما حبيتش نتعلم مي ماما الحت كثييييييييييرا و شرات السميد و حطتلي نفتل شكارة تاع 5 كيلو فتلتها كامل مي من هاديك مت زتش عاودت و دركا راني نسيت عليه خلاص

[oumadoumawayouta]

نستعرف بيك

شوفي اختي
الحاجة الاولي لازم تشري سواوير و قصعة ولا جفنة ولا سحفة
و تشري قدرة و كسكاس
و تسيي كمية قليلة

[pharmajsk]

المشاركة الأصلية كتبت بواسطة sirina_angel

انا صراحة ما حبيتش نتعلم مي ماما الحت كثييييييييييرا و شرات السميد و حطتلي نفتل شكارة تاع 5 كيلو فتلتها كامل مي من هاديك مت زتش عاودت و دركا راني نسيت عليه خلاص

مدام راكي فتلتي مرة سور وراكيش ناسياته تبالك برك عاودي سيي المرة الجاية تاني 5 كيلو وكل مرة حتى تولي تفتلي 25 كيلو يالفحلة

المشاركة الأصلية كتبت بواسطة oumadoumawayouta

نستعرف بيك

شوفي اختي
الحاجة الاولي لازم تشري سواوير و قصعة ولا جفنة ولا سحفة
و تشري قدرة و كسكاس
و تسيي كمية قليلة

ايه بارك الله فيك هادو اوليات الفتيل وبالنسبة للسواور ودابيك تستعيني بوحدة تعرف باش توريلك على خاطر فيهم انواع وبداي غير بالعقل عليك وسور راح تتعلمي موش حاجة صعيبة

[مريم سلمى الجزائرية]

السلام عليكم و رحمته تعالى و بركاته:
بارك الله فيك أختي، و الله هو المعين.
بالنسبة للطريقة قد سبقتني الأخوات بالشرح الوافي و ما أضيفه هو تشجيعك على تعلم كل عادات أكلنا فقد كادت تذهبها التكنولوجيا "فللتكنولوجيا محاسنها و مساوئها".ذكرتيني أختي بأيام رائعة من طفولتي حين جمعتني أمي و خالتي حفظهما الله لي و متعهما بصحتهما و عافيتهما مع بنتي خالتي و كانت أعمارنا لا تتجاوز 14 سنة، فعلمانا "طريقة الفتل "و تابعننا ليومين ثم فرضتا علينا إعداد طبق البربوشة باللحم بأنفسنا لكل العائلة و بقيت لنا من أروع الذكريات إذ كنا نتنافس و نتمتع بأكل ما أنتجت أيدينا الصغيرة آنذاك.
وفقك الله و تقبل منك ومنا الصيام و القيام.

[صفــاء]

اولا لاحظت ان الطلب من ذكر وليس انثى خواتاتى هههههه



وثانيا انا ثانى حابة نتعلم نتفل وان شاء الله نحقق حلمى

نحاول دائما نتفل مع الام تاعى لكن متصلحش لى مرة رقيق مرة خشين وكل ساعة كيفاش لكن معولة ان شاء الله

وشكرا بنات اللى رديتو على الموضوع حتى انا عونتونى

ربي يخليكم