يائسة جداا

[iman14]

انا فتاة ابلغ من العمر 18 عام كان حلمي النجاح في بكالوريا درست جيدا و اجتهدت و لسوء حضنا جينا في عام صعيب ووزير جديد مع العلم اني شعبة اداب و فلسفة و سمعتو لي صرا في امتحان الفلسفة و في الاخير رسبنا جرحتني هذه الكلمة و انا الان ليس لديا اي تفكير سوى التفكير بالموت لان الابواب اغلقت في وجهي و كان لم يتبقى لي سوى باب البكالوريا و انغلق حتى انا نقاطي ليست هي بسبب الغش الذي حدث تمت عملية الاقصاء و نحن الذين اجبنا عادي قامو بمنحنا نصف العلامات فعلا اني درست و سهرت و في الاخير لم احصد ما زرعته و انا الان احيا العذاب و لم اقدر على فعل شيء سوى الدموع فماذا افعل

[غصن زيتون]

اختي ماعليك الاالصبر وان شاء الله العام الجاي نفرحو بيك وانت متحصلا على شهادة الباكلوريا

[adlane112]

ماعليك الا الصبر اختي

الرسوب في المرة الاولى للبكالوريا اصبح كالعادة

انا نجحت في المرة الثانية وان شاء الله انت كذلك

فقط قولي عسى ان يكون فيه خيرا ان شاء الله


انت لم تنجحي في شهادة البكالوريا لاول مرة وتقولين انك يائسة جدا

وتعلمين انك تستطيعين اعادة اجراء الامتحان العام القادم

ماذا اقول انا الذي فقدت امي قبل رمضان بايام قليلة جدا واعلم اني لن استرجعها ابدااا

هناك دائما من هو أحزن منك يمكنك ان تصبري نفسك به


عليك بالصبر

[{مـشـاكـسـهـ}~]

ربي يكون في عونك يا اختي

[Angleeyes]

ليس العيب ان تسقط العيب ان لا تستطيع النهوض و ربي ماكتبلكش النجاح هذه السنة اكثري من الدعاء و ان شاء الله تكوني من الناجحين السنة القادمة good luck

[nouna l maghbouna]

18سنة راكي صغيرة و كما قال الاخ adlane112 :الرسوب في المرة الاولى للبكالوريا اصبح كالعادة
اذا لا تياًسي اختي
ان شاء الله العام الجاي تنجحي بمعدل يشرَف

ماهيش نهاية الكون

ربي معاك

[بسمة تحدي]

يا اخيتي ما هذا الكلاااام

لايأس مع حياة ولا حياة مع يأس

ولا تقنطو من رحمة الله

وتاني لازم تحمدي ربي لعله خير ما اصابك بشئ لم يكن ليخطأك

اذا كان ربي ابتلاك يعني راح تياسي لاااااااااا وش بيك هكذا احمدي ربي وقولي الي جات من عند ربي الحمد الله

خلي ثقتك كبيرة في ربي سبحانو

الدنيا هذي متحبسش علىى حاجة وحدة صح منجحتيش ولكن لو كان تشوفي ربي انعم عليك نعم كثيرة

لازم يبقى عندك امل كبير وثقة في ربي

وتاني رنا في رمضان ادعي والحي لربي سبحانو بش ينجحك العام الجاي

عمبالك قريت في الجامعة وصحباتي قع مجبوش الباك العام الاول ولكن بالارادة والصبر نجحو في العام الثاني

وراهم ضوك يقرو ومعندهم ميخصهم

الدنيا متتوقفش على حاجة وحدة يابنتي

لو كان جه لعندو مشكل يتمنى الموت خلاات

والموت مهوش حل بش يرتاح الانسان بالعكس الموت راهي حياتك اخرى يا جنة ويا نار

كفكفي دموعك وخلي امل في قلبك

نقلك بش يرتاح صدرك وميضقش استغفري استغفري

والله مع الاستغفار راح ينشرح صدرك

صدقيني والله الاستغفار حياة اخر

خذي بنصحتي ولن تندمي ان شاء الله
اختي اسمعي الفيديو

https://www.youtube.com/watch?v=LGgTsnYptZ0

[hakeem]

في غعتقادك كاين غير باب الباك في الدنيا ؟؟؟ يا أختي البكالوريا ضخمها المجتمع و انتم التلاميذ ضحايا هذ التضخيم و ربي كي خلقنا لم يربط نجاحنا فقط بالبكالوريا .... نحن نسعى لكن لا نعلم أين هو طريق الخير فبعض الأشياء نعتقدها خير لكن مع مرور الوقت نكتشف انها شر و العكس صحيح.... إتقي الله فهو أدرى بما فيه خير لك

[تراتيـل صبــح]

أختي،
أنصحكِ ان لا تهتمي بالامور الجانبية،
وزير جديد، اصلاحات، غش ووو
اهتمي بدراستك فقط،
فتفكيرك بتلك الأمور يزيد من خوفك ويفقدكِ تركيزك،
لذلك فعدم نجاحك هذا العام ليس فشلاً،
فهو محاولة لمْ تكن ناجحة،
فجربي العام القادم وستنجحين ان شاء الله،
واعلمي انكِ إنْ لم تنجحي فلأنّ الله قدّر لكِ ذلك،
ولو أراد لكِ أنْ تنجحي لنجحتِ،
وفي ذلك حكمة،
فربما لو نجحتِ ما تحصلتِ على معدل يمكنك من تحقيق رغبتك،
وربما لو نجحتِ حصل لكِ شيء لا قدّر الله.
وربما وربما
ونحن لا نعلم الغيب،
اذن اهتمي بدروسك وخذي الأمر ببساطة،
وحضري نفسك للعام المقبل،
وخذي بالأسباب،
فأنتِ لك تجربة الآن ستسهّل عليك الدراسة،
وستعرفين كيف تتفادين أخطائك،
وسيكون الأمر أسهل بحول الله.
وفقكِ الله.

[Amouna.DZ]

علاش كامل هدا اليأس حنونتي

مافيها والو تعاودي الباك نقلك الصح واش ديري بيه لو كان نجحتي بمعدل

هابط

أنا نقولك ديريه تحدي باش تنجحي بمعدل يشرف

من درك حضري و أجتهدي

أنا تانيت جامي لاعودت العام مي في الباك دوبليت

غاضني الحال بزاف مي مبعدت تحديت نفسي

ونجحت والحمد لله راني نحدم ومترسمة كل بفضل الله

لوكلتو امري

[رُقية]

"عسى ان تكرهوا شيئا وهو خير لكم"

[محمد منير علي]

المشاركة الأصلية كتبت بواسطة iman14

انا فتاة ابلغ من العمر 18 عام كان حلمي النجاح في بكالوريا درست جيدا و اجتهدت و لسوء حضنا جينا في عام صعيب ووزير جديد مع العلم اني شعبة اداب و فلسفة و سمعتو لي صرا في امتحان الفلسفة و في الاخير رسبنا جرحتني هذه الكلمة و انا الان ليس لديا اي تفكير سوى التفكير بالموت لان الابواب اغلقت في وجهي و كان لم يتبقى لي سوى باب البكالوريا و انغلق حتى انا نقاطي ليست هي بسبب الغش الذي حدث تمت عملية الاقصاء و نحن الذين اجبنا عادي قامو بمنحنا نصف العلامات فعلا اني درست و سهرت و في الاخير لم احصد ما زرعته و انا الان احيا العذاب و لم اقدر على فعل شيء سوى الدموع فماذا افعل

ه

ل الرسوب في البكالوريا هو نهاية العالم ؟ هل رزقك متوقف على شهادة البكالوريا ؟ والله ان الخير فيما اختاره لنا الله . وهذه حال الدنيا منذ الأزل فرح وشدة وابتلاء و و و هنا يختبرك الله عز وجل ويختبر صبرك ومدى ايمانك بقضاء الله و قدره بالاضافة أن الباك ممكن يكون باب شر عليك ووالله أعرف الكثير يا ليتهم لم ينجحو في الباك و من الناس من كان يجري ويبحث و يعمل بجد ولما تحصل على شهادته في نفس اليوم توفي فهل ستنفعه تلك الشهادة ؟

والله كل الفوز وكل الربح في طاعة الله وأن نرضى بما قسم الله لنا ولا نتسخط على أقدار الله عز وجل فحاسبي نفسك ودعك من هذه الترهات والوساوس
*** واللي خلق ما يضيع***

[marwa marama]

ختي و الله نورمال مانجحتيش المرة هذى تنجح بربي نشالله المرة الجاية اوكي و انا تاني ماديتش الباك المرة الاولى و المرة الثانية ديتو و ذرك الحمد لله راني ماستر 2 و الله بربي النشاء الله تدي العام الجاي و ماتدريش بلاك ربي شافلك فيها خير * و عسى ان تكرهوا شيء و هو خير لكم * و ربي ينجحك و يوفقك و صح فطورك حبيبتي و صلي و ادعي ربي سيغتو في هذا الشهر الفضيل و ربي يعاونك

[*اية*]

الباكلوريا ليست كل شئ بنت عمتي بعد10سنوات جابتها وراهي تقر في الجامعة

[مريم الصابرة]

السلام عليكم اختي
راني حايرة فيك أداب وفلسفة يعني مثقفة قارية وواعية
هل الحياة رخيصة لدرجة تخمي فالموت على جال الباك شهادة برك
هل الإنتحار او الموت حاجة رخيصة ونار جهنم عندك أهون من إنك خسرت الباك
تفكيرك هذا جريمة ما ربحتيش ما خممتيش باللي ربي ما كتبلكش وعندو حكمة في هذي
اختي انا كنت من الاوائل نجيب 15 معدل و16فالليسي ما جبتش الباك فالعام الأول نتيجة ظروف ولكن العام الذي بعده الحمد لله تحصلت على الباك ب14 معدل والحمد لله يعني احمدي ربي وتحضري للعام الجاي الوقت اللي راكي تبكي وتتحصري وجدي للعام الجاي
عارفة تزعفي وتعبت لكن ما توصلش تخمي فالموت وشكرا