الله يمسيكم ويصبحكم بالخير اسمحولي طولت اليوم حبيت تكون حلوتنا مميزة وبنينة نحتاج فيها
500غ مرغرين+1 كاس زيت +2كيسان سكر ناعم+2كيسان نواد كوكو+4 ملاعق كبيرة كاكاو +كاس نشاء+2 شكاير خميرة +ملعقة فاني وخلطي بالباتور ثم اضيفي الفرينة حتى تحصلي على عجينة طرية و متجانسة خليها ترتاح شوي ثم حليها بالحلال بسمك نصف سنتمتر وقطعي الشكل لي تحبيه وطيبيها ثم بعدما تطيب وتبرد لصقي كل 2 حبات بالمعجون وللتزيين حمصي 1كغ من النواد كوكو وخليها تبرد ثم اضيفيلها كاس سكر ناعم+2 ملاعق كاكاو
اغطسي الحلوى في المعجون ثم رمديها في النواد كوكو لي حضرتي
نصائح
1 الكاس كيلي بتاع ربع لتر
2 العجينة ديري تحتها البلاستيك باه ما تلصقلقش فوق طاولة العمل وديري البلاستيك فوقها ايضا لانو تلصقلك شوي في الحلال
3 كي تقطعيها وتج تهزيها سايسيها بشوي لانو العجينة فيها نواد كوكو وراح تتفتت يعني هزيها بشوي
نتمنى تكون عجبتكم و لي تقول قداه تقطع والله ما علابالي الوصفة داروها نسا خوتي كيما كنت صغيرة و فكرتني فيها مرت خويا اليوم ونهديهلها
وبصحتكم خليولي الرد اذا كنت عزيزة على هذا المنتدى الرائع
( تقرير عن مشاركة سيئة )، و الموجودة أسفل كل مشاركة .
2015-02-09, 16:32
لي تحب جوز الهند تدخل تجري
العرض الشجري