الوقت اتبدل

[محمد الشاعر]

هذه الأبيات ارتجلتها على أبيات الأخ أبوفارس بتاريخ16-12-2010 ردا على الأخ أبو فارس في منتدى آخر أعيدها عليكم عساها تجد القبول

ابو فارس وقتنا صح اتبدل ///////حاجة ماهي طيبة في ذ الحياة
مازالت ذ شمسنا مالشرق اتطل ///// وهي هي السمش للغرب اتمسات
افعال العـــــــــــــباد راها تتــــبدل ////// وانسبو ليام وانسبو لــــــــــــوقات
غاب الحق وجار ذالباطل عالكل /////// واتقوى حتى ن قــــــــــــلنا بركات
المومن عاد اغريب متهموم امبهدل///////وجار الكفر وطال وقت الموبقات
الجامع مليان وناسو تتختل //////عاد الدين لباس ظاهر للخدعات
الزوالي مردوم لاحوه الأسفل///// الغاني مرفوع عالي فالدرجات
لا ثقة لاعهد ما ايوفي راجل////// النفاق الكذب وعالخبث اتلاقات
وكالين الدين والصدق اتحول////// الصافي متهوم حكم الجنايات
الدنيا فالمال تعبد يا عاقل ////// والراحة فالقلب ماعادت هيهات
ماعادش الخو على خوه ايسول///// وبأسباب النسوان لرحام اتعادات
اتقطعت لرحام والهامل يهمل ////// والميساج ايفك من ذ الزيارات
الموت امع العرس كلش متخبل ////// وقت الجنازة اقضيها لافيرات
كلش بالوجوه والرشوة تتحل ////// واللي ما عندوش قالو عنو مات
يا عاقل رمضان وايعم الباطل /////// وتكثر السرقات زيد الكفريات
عم العلم والناس قادي تستجهل ////// والدنيا تفتيك كثرت قنوات
من والى شفتو ايحرم وايحلل////// اللي يقرا حديث يفتي بالآيات
هجمو كامل عالربا ولى ساهل//////// والحلال اقليل ناسو ياسادات
كلش وافر عدنا محال ايقل//// والبنة محـــال تلقاها هيــــــــــــهات
كلش سامط عدنا فيسع يتمل ////حاجة ماتشتيك من هاذ الخيرات
الراجل تلقاه داهش وامعلعل//// مالو وافر و ما يصـــــــــــليها لوقات
الراجل تعبان ايظل ايحـــــــول///// واولادو للنوم دايم والقصرات
لا طاعة للوالدين اهل المنزل///// عاد الآب ايطيع ولدو يا سادات
المنسو ربي اكشفها يا عاقل ////لا حشمة لادين سهم الطرقات
تلقى لنثى كي الراجل تتجول /////عالنجمة للسوق ركبت طاقسيات
الذري تلفاه مفتون امــــــروبل ///// حاير باير ماايهني في حاجات

والشبيبة ما اتقنع يـــــــــا راجل//// في عمرو تلاثين لاهي باللعبات
الشعر امشوك امعاه تينيس امريقل////// مااتهمو لادار عمرت ول اخلات
ابو فارس قا نسكت يا عاقل ///////اسمحلي ارتجلت ليكم ذ الكلمات
أنا نسكت خير ماصبناش الحل /////يفعل بينا خير رب الـــــــــــــــــكائنات
ايسلكنا من وقت زايد ايتخبل ///// رانا نرجى فيه مجيب الـــــــــــطلبات
ايسلكنا ما انعود نبقى نتبهدل /// عاد الحي اليوم يتمنى المــــــــــمات
محمد بن عامر16-12-2010

[محمد علاءالدين]

[ شكرررررررررررررا كلمات في محلها

[صلاح الدين البيضي]

[size="5"][b]شكــــــــــــــــــرا الأخ العزيز و إضافة إلى قصيدتك أزودك ببعض الأبيات و التي هي في نفس السياق للشاعر الفحل محمــــد بالخيــــر رحمه الله و التي أنظمها أواحر القرن التاسع عشر أي حوالي 1890 م]:
من راي أكبارها اتهدم ساس البنايا بالغش و الخدع و الحيلة يتخالو
راها من قوة الدراهم تعواج اللآية يدي حقو فلوس و يقول كتوبي قالو
ثلاث قضات قاع يتافقو على الكرايا حق المسكين راح و اجاه الي بريالو

[loooooove mimi]

woooooooooooooooooooow raw3a
foooooooooooooooooooooor

[hadjtissage]

هاد الوقت شيان تبهدل ** ما عرفناش المرة من الراجل
عيا الحق يلاوي وانذل ** والباطل غاشيه قوية
المرة ضربت السروال ** مقصت ذاك الراس طوال
قالو هاذي بنت فلان ** يا سعده خرجت رقبية
سماو فاطيمة فاتي ** وانكشفو يا وخضتي
وsac ولبست بودي ** والبورتابل آ خويا
وتلقا الكيران ملانة ** ومكسي وهي عريانة
وتحكل وتدير الخانة ** وتهدرلك بالفرنسية


شكرا على هده الكلمات الرائعة

[sadki1986]

اخي الكريم شكرا علي هذه الابيات الرائعة

[عبد الله10]

مشكور اخي بارك الله فيك

[brahimi31]

شكرا اخي جزاك الله خير ونعمة الارتجال كلمات جدو معبرة

[elgopa]

يسلم ذاك الفم وذاك المضحك ......بعمرة ولا حجة وتلقى ربك صافي حتى الممات

[السمروني]

[ شكرررررررررررررا كلمات في محلها

[omar_gs13]

الله يبارك في أخي

[amouna23/]

فووووووووووووووووووووور

[فاطمة شلف]

كلمات جميلة في محلها شكرا ياخي رائع

[عادل عبد الله]

كلمــــــــــــــــــــــــات رائعة شكرا لك .

[Sofiane-dz]

بارك الله فيك