فقدت الامل

[souso30]

السلام عليكم اليوم اتصلت ببلدية الزوية لاستفسر عن نتائج مسابقة متصرف اقليمي حيث كان لي امل كبير بالنجاح بالرغم انه كان منصب واحد لكن يوم امتحات كان شفهي جوابت على كل الاسئلة و عندي خبرة 6 سنوات كونطرا 3 سنوات بالمحكمة و 3 بالبلدية لكن للاسف اخبروني اه رجل من بلدية بني بوسعيد هو الدي نجح و الله غير غش لانه المير من بني بوسعيد و انا لا مشي من بني بوسعيد بكيت بكيت على الحقرة ربي يخلصه نوكل عليه ربي

[wahidservice]

يا أختي والله لقد مررت بهذه التجربة القاسية والصعبة بحيث كرهت كل شيئ واظلمت الدنيا امامي ........ولكني والحمد لله شفيت منها والدرس الذي تعلمته من هذا كله انه لايجب ابدا تعليق امال كبيرة على وظيفة او شخص او اي شيئ له علاقة باالبشر........ الحمد لله ان الرزق بيد الله وليس بيد العبيد .

[rihabamal]

السلام عليكم

لا تفقدي الأمل أختي الرزق على ربي رانا قاع كيف كيف و هذه التجربة رانا كامل عايشينها

حتى انا كلما نفوت كونكور ندير فيه الأمل بحكم الخبرة لي عندي لكن دون جدوى

ربي يفرج علينا جميعا و كثرو من الدعاء في هذا رمضان

[souso30]

بارك الله وفيكم على مروركم العطر واش نزيدلك كامل ليسوا وما يسواش ترسمو غير انا لي بقيت راحنا نكبرو فوقاش يجي هدا ترسام حاجة لي راه مقطعت لي قلبي كاين والله مايعرف والو بالرغم امه جامعي وراه مرسم ويخدم ويخلص 3 و 4 و حنا رنا0000000000000000000 0

[rihabamal]

الشدة في الله و لي خلق ما يضيع

الحمد لله على كلشي

[سامح 88]

تاكدي من نصر الله ....وما الرزق الا من عند الله ...

وخليك من هؤولاء الذين ياكلون النار في بطونهم ....

[hicham.28]

راني حاس بيك انا تاني فاتت عليا و تحطمت و كي قريت موظوعك فكرني
ما عليه كلشي يفوت و آخرتها موت

[manina16]

رانا كامل كيف كيف لكن الشدة في ربي،أكثرو من الدعاء في شهر البركات و ربي يفتح بيبان الخير و يفرج عليكم كــــــــــــامـــــــل

[leila ben]

ربي يعوضك متتقلقيش رزق حد مايديه حد كوني على ثقة بالله لو كان جا المنصب مقدر ليك مكانش اللي يديهلك كيما صبرتي زيدي أصبري

[youcefas07]

لا تفقدي الأمل يا أختي
هذه حالة عادية و كل الجزائريين يعيشوها

[yacine-08]

المعرفة ولات عيني عينك في هاد لبلاد

[جمال الدين]

لاتفقد الأمل و ليكن إيمانك كبيرا و إجعلي من هذا الأمر إبتلاء أصبت به وبعد العسر يسرى فكل منا مر بمراحل جد عويصة في حياته وفتح له الله من بعدها أبوابا لا بابا واحدا فبالتوفيق

[souso30]

شكرا على هده الردود التي تبعث بالامل الحمد انا مؤمنة و تقتي بالله كبيرة حبيت نقولك هدا عام عملت 20 مسابقة لكن للاسف و لا واحدة بالرغم اني نحضر مليح لاي مسابقة و يوم المقابلة حمد لله كل شي يمر مليح نجاوب مليح لكن توفيق من عند الله مرة نكون 3 مرة 2 في القائمة لكن الاولى الدي يفوز بالمنصب دايما يكون بالغش و الله غير بعيني شفت غش حسبي الله و نعم الوكيل على كل ظالم و ظالمة اقتص منهم يوم القيامة

[حامل الامل]

اختي لا تفقدي الامل فالرزق بيد الله وليس بايدي هؤلاء الحشرات فالدي يتكلم معك متخرج مند 2003 ولدي خبرة تفوق 6 سنين ومدل جد ومزلني بطال والحمد لله انا الان سائق اجرة ومزلتي نفوت الامتحانات طمعا في الله وليس فيهم فيا اختي صبري

[souso30]

انا ايضا متخرجة من سنة 2005 كي 2003 كي 2005 و الله يوم امتحان نتلقى مع غير اصحاب 1990 1992 و ليش نحشم نهار روحت نعمل مسابقة محكمة و القاضي سالني متى تخرجت قتلو 2005 نخلع فيا لانه كان معي غير 1992 لي جاو يفوو تخيلو مسابقة محكمة هده 8 مرات و انا فوت و الله اجاباتي كلها صحيحة و باسلوب رائع لكن بدون جدوى المهم انا خدمت في محكمة كونطرا مدة 3 سنوان شفت غير كدوب و الله غير يدفو رشوة و حرام باه يربحو ربي وكيلهم لو كان يكون 1000 منصب في محكمة منزيدش ديره